Lawa a wúlu-bɔlen 9
9
Aarɔn laanka a nɛgiĩn nə wúlu bibinaa mɛn bɔ
1A lɛawaa kiwisibaa ǹ wɔ pinaa kəni, Muizu Aarɔn laanka a nɛgiĩn lɛn bii, kun ka Izirayeli tɔrɔn lɛn min golen dɔn nɛ. 2Á pɛ Aarɔn nɛ: Ga diin nɛ banɛɛn laanka sère gɔ̀lɔ̀ goon li, wɔ̀lɔ̀ ná a ba ǹ kɔn ganaa wa. N die n diin nɛ banɛɛn lɛ baa sii baraa sawaa ǹ *wúlu màn lɛa, n sère gɔ̀lɔ̀ lɛ baa wúlu màn tiɛ̃ lɛa, Dɛnaa Lawa yɔrɔ-a. 3Bɛ kio, n pɛ Izirayeli minin lɛn dɔn manɛ mà ǹ butumu goon kũ, ǹ baa sii baraa sawaa ǹ wúlu màn lɛa. Ǹ lɛ̀ goon diin nɛ laanka lɛ̀ goon sère nɛ dɔ kũ, wɔ̀lɔ̀ ná a ba ǹ kɔn ganaa wa, ǹ bɛn baa wúlu màn tiɛ̃ lɛa. 4Dii gɔ̀lɔ̀ goon laanka sère gɔ̀lɔ̀ goon dɔ kũ, n nə ǹ baa barka da Lawa nɛ ǹ wúlu màn lɛa, n nə ǹ dɛ kɔn yɛ ǹ kion kɛ yɔrɔ-a. Ka da ka wùsu-diɛ dɔ nɛ nyɔɔ n li, Lawa gɔ ǹ wɔ lɛa. A giala, pelo lɛ nɛ, Dɛnaa Lawa á die n din nyɛɛ ka nɛ.
5Muizu mànan mɛnɛn pɛ, ǹ nə́ daa ka bɛn nɛ, kɔn yɛ ǹ kion lɛ a kiɛnlɛ-a. Bɛ kio, zaman lɛ tumaa nə́ n zɔ̃ á dɔ, á golee Dɛnaa Lawa yɔrɔ-a. 6Muizu tɔ́n pɛ: Dɛnaa Lawa màn mɛn pɛ ka nɛ, a din nə ka kɛ nɛ. Ka bɛ lɛ zɛnaa, màn mɛn bɛ́ toɛ, Dɛnaa Lawa na a gugurubaa nyaa ka nɛ. 7#EBR 7.27. Bɛ kio, Muizu tɔ́n pɛ Aarɔn nɛ: N zɔ̃ n dɔ *wúlu bɔ ǹ bǎã lɛ nɛ, n sii baraa sawaa ǹ wúlu màn laanka wúlu màn tiɛ̃ kɛ a tɔɔ dɛ, n nə n din laanka n zaman lɛ a sii baraan sawaa nɛ. Bɛ kio, n zaman lɛ a sii baraa sawaa ǹ wúlu bɔ ka zaman lɛ a Lawa gɔ ǹ màn kɛ nɛ, ka Dɛnaa Lawa bɛ́ á pɛ lɔn.
8Aarɔn nə́ n zɔ̃ á dɔ wúlu bɔ ǹ bǎã lɛ nɛ, á diin nɛ banɛɛn lɛ bɔlɔ kuru, a din a sii baraa sawaa ǹ wúlu màn lɛa. 9Aarɔn a nɛgiĩn nə́ tɔɔ lɛ a mà saa màn nɛ, ǹ nə́ dia la. Aarɔn nə́ n gòon sã li, á lɔlɔ wúlu bɔ ǹ bǎã lɛ a karan ganaa. Bɛ kio, á mà lɛ a gialakun kɛ kaa tán wúlu bɔ ǹ bǎã lɛ genli. 10Tɔɔ lɛ a nyɔɔ ke, a dɔ̀ɔ̃ koronən kɛn laanka a foo lɛwɔn nɛ, á bɛn tã wúlu bɔ ǹ bǎã lɛ lalan, ka Dɛnaa Lawa bɛ́ á goã á pɛ Muizu-n lɔn. 11Sɛnɛ, a siĩ laanka a ki ni, a na á bɛn tã giã ǹ bǎã kɛ kio.
12Bɛ kio, á sère gɔ̀lɔ̀ lɛ dɛ wúlu màn tiɛ̃ lɛa. A nɛgiĩn ná a mà si ǹ nə́ kɔ la, á pɛpɛsɛ̃ wúlu bɔ ǹ bǎã lɛ wàãn tumaa ganaa. 13Ǹ nə́ wúlu màn tiɛ̃ lɛ a siĩ goa a gũ lɛ yii li ǹ nə́ kɔ la, kun ka a mìi ni. Aarɔn nə́ ǹ tã wúlu bɔ ǹ bǎã lɛ lalan. 14Á ná a nàn laanka a gòãn pii, á ǹ dɔn tã wúlu bɔ ǹ bǎã lɛ lalan, kun ka wúlu màn tiɛ̃ lɛ nɛ. 15Bɛ kio, á zaman lɛ a Lawa gɔ ǹ mànan kɔ Lawa la. Zaman lɛ da ka butumu mɛn nɛ a sii baraa sawaa ǹ wúlu màn lɛa, á bɛ bɔlɔ kuru, á ǹ sii baraa a wúlu bɔ nɛ, ka a bɛ́ á diin nɛ banɛɛn lɛ baa lɔn bibinaa nɛ. 16Á tɔɔ màn paa lɛ dɛ wúlu màn tiɛ̃ lɛa. Á wúlu bɔ ǹ nɛ, á kɔnpɛ ka a zɛnaa ǹ gɔn nɛ. 17Á daa ka Lawa gɔ ǹ wùsu kɛ dɔ nɛ, á n gɔn goon pã a nɛ, á tã wúlu bɔ ǹ bǎã lɛ lalan, kun ka baayɛlɛ a wúlu màn tiɛ̃ kɛ nɛ. 18#LWS 3.1-11. Zaman lɛ da ka dii gɔ̀lɔ̀ laanka sère gɔ̀lɔ̀ mɛn dɔ nɛ, a barka da Lawa nɛ ǹ wúlu mànan lɛa, Aarɔn bɛn bɔlɔ kuru. A nɛgiĩn lɛn nə́ ǹ mà si ǹ nə́ kɔ la, á pɛpɛsɛ̃ wúlu bɔ ǹ bǎã lɛ wàãn tumaa ganaa. 19Dii gɔ̀lɔ̀ lɛ laanka sère gɔ̀lɔ̀ lɛ a nyɔɔ bǎãn kɛn, a muigoã nɛ, a nyɔɔ kɛ nɛ a nàn lɛnpɛnɛ, a dɔ̀ɔ̃ koronən kɛn nɛ ka a foo lɛwɔn nɛ, 20ǹ nə́ bɛn kaa ǹ tìãbiin la, Aarɔn nə́ ǹ tã wúlu bɔ ǹ bǎã lɛ nɛ. 21Ka Muizu goã á pɛ lɔn, Aarɔn tɔɔn lɛn tìãbii laanka ǹ gusin a nyàa goon a nyaa Lawa nɛ ǹ sii zɛnaa, Dɛnaa Lawa yɔrɔ-a. 22#MNS 6.22-26. Aarɔn bɛ́ á sii baraa sawaa ǹ wúlu lɛ bɔ á nya, wúlu màn tiɛ̃ nɛ, ka barka da Lawa nɛ ǹ wúlu mànan nɛ, á n gɔnɔn goa á ǹ dia zaman lɛ la, á barka da a ganaa. Bɛ kio, á gisĩ á n bɔ wúlu bɔ ǹ bǎã lɛ nɛ.
23Muizu laanka Aarɔn kaa kɔn yɛ ka Lawa nɛ ǹ kion. Bɛ kio, ǹ nə́ soo, ǹ nə́ barka da zaman lɛ ganaa. Bɛa biikoo li, Dɛnaa Lawa ná a gugurubaa nyaa zaman lɛ tumaa nɛ. 24Dɛnaa Lawa tɛ kɔn dia, á daa wúlu màn tiɛ̃ laanka màn nyɔɔn lɛn kũ a lalan. Zaman lɛ tumaa bɛ yɛ. Foo kɔɔ̃nbaa gɔn, ǹ nə́ n lɛ dɛdɛ, ǹ nə́ nana ǹ nə́ kakaa tán ǹ yɔrɔ la.
اکنون انتخاب شده:
Lawa a wúlu-bɔlen 9: SCE2013
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.