Lawa a wúlu-bɔlen 6
6
Boo mɛn nə n pɛ wúlu-bɔlen manɛ
Wúlu màn tiɛ̃
1Dɛnaa Lawa boo da ka Muizu ni á pɛ nɛ: 2Sii nyaa ǹ zii kɛ pɛ Aarɔn laanka a nɛgiĩn manɛ: *Wúlu màn tiɛ̃ lɛ a bɔ ǹ gɔn nə́ ke: A bɛ́ n wúlu màn tiɛ̃ lɛa, a doamaa nɛ a goã *wúlu bɔ ǹ bǎã lɛ a tɛ la, a saa tèlò ganaa a wo baayɛlɛ yaa, tɛ n kuĩ a ganaa miɛ̃. 3Baayɛlɛ, Lawa a wúlu-bɔle na a dí nya ǹ mɔnaa laanka bɛ̀rɛ̀ guguru sonbore kɛ wɔ. Á bɛn lɛn toa a ganaa, ǹ wúlu màn mɛn tã wúlu bɔ ǹ bǎã lɛ la, á ton baa, á bɛ goa á kaa tán wúlu bɔ ǹ bǎã lɛ genli. 4Bɛ kio, a na a mɔnaan lɛn waa, a mɔnaa kɔsɔn wɔ, a ton lɛ goa, a soo a n bɔ giã ǹ bǎã kɛ nɛ, a wo kaa tán wúlu bɔ ǹ bǎã kɛa ton kaa ǹ bǎã nɛ. 5Tɛ mɛn sɛ á ke wúlu bɔ ǹ bǎã lɛ lalan, bɛ doamaa nɛ a goã kuĩ miɛ̃, a na a nimi wa. Baraabaraa baayɛlɛ, wúlu-bɔle lɛ wusoo bɛ̀ a gɔn kaa a nɛ, a wúlu màn tiɛ̃ lɛ da bɛ lalan. Barka da Lawa nɛ ǹ wúlu mànan kɛn nyɔɔ ke, a bɛ tã a lalan. 6Tɛ doamaa nɛ a goã kuĩ wúlu bɔ ǹ bǎã lɛ lalan miɛ̃, a ná a nimi duduu wa.
Lawa gɔ ǹ màn
7Lawa gɔ ǹ màn lɛ a bɔ ǹ gɔn nə́ ke: Aarɔn a nɛgiĩ wúlu-bɔlen kɛn doamaa nɛ, ǹ golee wúlu bɔ ǹ bǎã lɛ yɔrɔ-a, ǹ wúlu màn lɛ kɔ Dɛnaa Lawa la. 8A wúlu bɔ ǹ *wùsu sonbore kɛ a gɔn yii goon bɔ, ka a nyɔɔ kɛ a gɔn yii goon ne, ka da yon gìĩ kɔɔ̃n kɛ tumaa-n la, a tã wúlu bɔ ǹ bǎã kɛ lalan. Yiri gisĩ sii ni ǹ màn nɛ, a tɛmaa gìĩ n kɔɔ̃n Dɛnaa Lawa ganaa. 9Ǹ mɛn bɛ́ goɛ̃, Aarɔn laanka a nɛgiĩn kɛn tá boe la ǹ bɛ bii. Sɛnɛ, yɔ bù doamaa bie a goã li wa. Ǹ bǎã mɛn bɔ ǹ nə́ koa Lawa wɔ lɛa, ǹ doamaa nɛ ǹ bii walan, kɔn yɛ ka Lawa nɛ ǹ kion kɛ a sumu-n. 10A ba n zɛnɛɛ ka yɔ bù n li wa. Ǹ wɔ gii n ka bɛ lɛ nɛ, masɛ á koe ǹ la. A n boe wúlu mànan kɛn nɛ, bɛ̀ ǹ nə ǹ tã masɛ Dɛnaa Lawa wɔn lɛa. Bɛ na a gɔrɔn masɛ Dɛnaa Lawa wɔ lɛa, goon ka màn mɛn bɛ́ boe sii baraa sawaa ǹ wúlu màn hinlaa zɛ̀rɛ si ǹ wɔ kɛ nɛ, bɛ̀ a dɔ ǹ ganaa. 11Aarɔn a nɛgiĩn lɛn dininsɔɔ̃nɔn man boe la ǹ bii. Ǹ bɛ́ wúlu mànan mɛnɛn tiɛ̃ Dɛnaa Lawa wɔ lɛa, ǹ bɔ bɛn lɛn nɛ miɛ̃ duduu, bɛ̀ ǹ kɔ ǹ la. Ǹ wɔ gii n ka bɛ lɛ-n miɛ̃ duduu. Bɛ lɛ nɛ, bɛ̀ min mɛn kɔsɔ woo a wɔlɔ li, a dɔlɔ á re n boe a ganaa.
12Dɛnaa Lawa wusoo á boo da ka Muizu ni á pɛ nɛ: 13Bɛ̀ ka nyɔɔ kaa Aarɔn laanka a nɛgiĩn lɛn mìi ni, ka ǹ bɔ ka ǹ koa wúlu-bɔle lɛa ǹ mɛn pinaa, ka doamaa nɛ ka Dɛnaa Lawa gɔ ka kɛ nɛ: wùsu nɔnɔɔ kilo sɔɔ, ka bɛ kɔ Dɛnaa Lawa la miɛ̃ duduu. Ka a talɛɛ kɔ la baayɛlɛ, ka a talɛɛ kɔ la wasamiɛ̃nɛ. 14Ka doamaa nɛ ka nyɔɔ kaa wùsu lɛ li ǹ yia, ka tɔn bɛ lɛ da fɔlɔ donkolon ne. Bɛ kio, ka tɔn kukuru kɔn ka da nɛ Lawa gɔ ǹ màn lɛa, a gìĩ n kɔɔ̃n Dɛnaa Lawa ganaa. 15Ka bɛ́ re nyɔɔ kiɛ Aarɔn a nɛgiĩ lɛ mɛn mìi ni, ka bɔ ka koa a bǎã nɛ wúlu-bɔle lɛa, bɛ dɔ doamaa nɛ, a zɛnaa miɛ̃. A zɛnaa ǹ gɔn lɛ n ka bɛ lɛ nɛ miɛ̃ duduu. Ka a tumaa tã lenlen Dɛnaa Lawa wɔ lɛa. 16A giala, Lawa a wúlu-bɔle a wúlu màn tumu doamaa nɛ, a n tã lenlen. Ka doamaa bie ka màn kɔn bii a-n wa.
Sii baraa sawaa ǹ wúlu màn
17Dɛnaa Lawa wusoo á boo da ka Muizu ni á pɛ nɛ: 18A pɛ Aarɔn laanka a nɛgiĩn manɛ: Sii baraa sawaa ǹ wúlu lɛ a bɔ ǹ gɔn nə́ ke: Ǹ doamaa nɛ ǹ sii baraa sawaa ǹ wúlu lɛ a tɔɔ dɛ kɔn yɛ ka Lawa nɛ ǹ kion kɛ yɔrɔ-a, wúlu màn tiɛ̃ kɛ a tɔɔ dɛ ǹ bǎã nɛ. Dɛnaa Lawa dinsɔɔ̃ a màn nɛ. 19Lawa a wúlu-bɔle mɛn bɛ́ re bɛa wúlu lɛ boe, bɛ á boe la, a na a siĩ sɔ̃. Ǹ bɛ́ ǹ nə́ bǎã mɛn bɔ ǹ nə́ koa Lawa wɔ lɛa, a doamaa nɛ a n sɔ̃ walan, kɔn yɛ ka Lawa nɛ ǹ kion kɛ a sumu-n. 20Bɛ̀ màn hinlaa min kɔsɔ woo a siĩ wɔlɔ li, bɛ na á n din bɔ. Bɛ̀ a mà dɔ́ parɛ á kaa mɔnaa mɛn ganaa, ǹ bǎã mɛn bɔ ǹ nə́ koa Lawa wɔ lɛa, ǹ wo a mà bǎã lɛ pii walan.
21Ǹ bɛ́ re wúlu màn lɛ kɔrɛɛ tii donkolon mɛn nɛ, bɛ̀ ǹ nə́ nya, ǹ bɛ yu. Sɛnɛ, bɛ̀ zan donkolon ne, ǹ bɛ gɔ́ɔ̃ pii, ǹ koosa mu li. 22Wúlu-bɔlen lɛn kion minin mɛnɛn bɛ́ giĩn lɛa, bɛn dininsɔɔ̃nɔn man boe la, ǹ bɛa siĩ lɛ sɔ̃. A giala, bɛ na a gɔrɔn masɛ Dɛnaa Lawa wɔ lɛa. 23Sɛnɛ, tɔɔ mɛn tumaa bɛ́ sii baraa sawaa ǹ wúlu màn lɛa, ǹ nə́ die we ka a mà nɛ kɔn yɛ ka Lawa nɛ ǹ kion kɛ nɛ, ǹ sii baraa sawaa ǹ wúlu bɔ nɛ Lawa a bǎã sonbore kɛ nɛ, bɛa tɔɔ lɛ kɔn siĩ doamaa bie a n sɔ̃ wa. A doamaa nɛ, a n tã lenlen.
اکنون انتخاب شده:
Lawa a wúlu-bɔlen 6: SCE2013
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.
Lawa a wúlu-bɔlen 6
6
Boo mɛn nə n pɛ wúlu-bɔlen manɛ
Wúlu màn tiɛ̃
1Dɛnaa Lawa boo da ka Muizu ni á pɛ nɛ: 2Sii nyaa ǹ zii kɛ pɛ Aarɔn laanka a nɛgiĩn manɛ: *Wúlu màn tiɛ̃ lɛ a bɔ ǹ gɔn nə́ ke: A bɛ́ n wúlu màn tiɛ̃ lɛa, a doamaa nɛ a goã *wúlu bɔ ǹ bǎã lɛ a tɛ la, a saa tèlò ganaa a wo baayɛlɛ yaa, tɛ n kuĩ a ganaa miɛ̃. 3Baayɛlɛ, Lawa a wúlu-bɔle na a dí nya ǹ mɔnaa laanka bɛ̀rɛ̀ guguru sonbore kɛ wɔ. Á bɛn lɛn toa a ganaa, ǹ wúlu màn mɛn tã wúlu bɔ ǹ bǎã lɛ la, á ton baa, á bɛ goa á kaa tán wúlu bɔ ǹ bǎã lɛ genli. 4Bɛ kio, a na a mɔnaan lɛn waa, a mɔnaa kɔsɔn wɔ, a ton lɛ goa, a soo a n bɔ giã ǹ bǎã kɛ nɛ, a wo kaa tán wúlu bɔ ǹ bǎã kɛa ton kaa ǹ bǎã nɛ. 5Tɛ mɛn sɛ á ke wúlu bɔ ǹ bǎã lɛ lalan, bɛ doamaa nɛ a goã kuĩ miɛ̃, a na a nimi wa. Baraabaraa baayɛlɛ, wúlu-bɔle lɛ wusoo bɛ̀ a gɔn kaa a nɛ, a wúlu màn tiɛ̃ lɛ da bɛ lalan. Barka da Lawa nɛ ǹ wúlu mànan kɛn nyɔɔ ke, a bɛ tã a lalan. 6Tɛ doamaa nɛ a goã kuĩ wúlu bɔ ǹ bǎã lɛ lalan miɛ̃, a ná a nimi duduu wa.
Lawa gɔ ǹ màn
7Lawa gɔ ǹ màn lɛ a bɔ ǹ gɔn nə́ ke: Aarɔn a nɛgiĩ wúlu-bɔlen kɛn doamaa nɛ, ǹ golee wúlu bɔ ǹ bǎã lɛ yɔrɔ-a, ǹ wúlu màn lɛ kɔ Dɛnaa Lawa la. 8A wúlu bɔ ǹ *wùsu sonbore kɛ a gɔn yii goon bɔ, ka a nyɔɔ kɛ a gɔn yii goon ne, ka da yon gìĩ kɔɔ̃n kɛ tumaa-n la, a tã wúlu bɔ ǹ bǎã kɛ lalan. Yiri gisĩ sii ni ǹ màn nɛ, a tɛmaa gìĩ n kɔɔ̃n Dɛnaa Lawa ganaa. 9Ǹ mɛn bɛ́ goɛ̃, Aarɔn laanka a nɛgiĩn kɛn tá boe la ǹ bɛ bii. Sɛnɛ, yɔ bù doamaa bie a goã li wa. Ǹ bǎã mɛn bɔ ǹ nə́ koa Lawa wɔ lɛa, ǹ doamaa nɛ ǹ bii walan, kɔn yɛ ka Lawa nɛ ǹ kion kɛ a sumu-n. 10A ba n zɛnɛɛ ka yɔ bù n li wa. Ǹ wɔ gii n ka bɛ lɛ nɛ, masɛ á koe ǹ la. A n boe wúlu mànan kɛn nɛ, bɛ̀ ǹ nə ǹ tã masɛ Dɛnaa Lawa wɔn lɛa. Bɛ na a gɔrɔn masɛ Dɛnaa Lawa wɔ lɛa, goon ka màn mɛn bɛ́ boe sii baraa sawaa ǹ wúlu màn hinlaa zɛ̀rɛ si ǹ wɔ kɛ nɛ, bɛ̀ a dɔ ǹ ganaa. 11Aarɔn a nɛgiĩn lɛn dininsɔɔ̃nɔn man boe la ǹ bii. Ǹ bɛ́ wúlu mànan mɛnɛn tiɛ̃ Dɛnaa Lawa wɔ lɛa, ǹ bɔ bɛn lɛn nɛ miɛ̃ duduu, bɛ̀ ǹ kɔ ǹ la. Ǹ wɔ gii n ka bɛ lɛ-n miɛ̃ duduu. Bɛ lɛ nɛ, bɛ̀ min mɛn kɔsɔ woo a wɔlɔ li, a dɔlɔ á re n boe a ganaa.
12Dɛnaa Lawa wusoo á boo da ka Muizu ni á pɛ nɛ: 13Bɛ̀ ka nyɔɔ kaa Aarɔn laanka a nɛgiĩn lɛn mìi ni, ka ǹ bɔ ka ǹ koa wúlu-bɔle lɛa ǹ mɛn pinaa, ka doamaa nɛ ka Dɛnaa Lawa gɔ ka kɛ nɛ: wùsu nɔnɔɔ kilo sɔɔ, ka bɛ kɔ Dɛnaa Lawa la miɛ̃ duduu. Ka a talɛɛ kɔ la baayɛlɛ, ka a talɛɛ kɔ la wasamiɛ̃nɛ. 14Ka doamaa nɛ ka nyɔɔ kaa wùsu lɛ li ǹ yia, ka tɔn bɛ lɛ da fɔlɔ donkolon ne. Bɛ kio, ka tɔn kukuru kɔn ka da nɛ Lawa gɔ ǹ màn lɛa, a gìĩ n kɔɔ̃n Dɛnaa Lawa ganaa. 15Ka bɛ́ re nyɔɔ kiɛ Aarɔn a nɛgiĩ lɛ mɛn mìi ni, ka bɔ ka koa a bǎã nɛ wúlu-bɔle lɛa, bɛ dɔ doamaa nɛ, a zɛnaa miɛ̃. A zɛnaa ǹ gɔn lɛ n ka bɛ lɛ nɛ miɛ̃ duduu. Ka a tumaa tã lenlen Dɛnaa Lawa wɔ lɛa. 16A giala, Lawa a wúlu-bɔle a wúlu màn tumu doamaa nɛ, a n tã lenlen. Ka doamaa bie ka màn kɔn bii a-n wa.
Sii baraa sawaa ǹ wúlu màn
17Dɛnaa Lawa wusoo á boo da ka Muizu ni á pɛ nɛ: 18A pɛ Aarɔn laanka a nɛgiĩn manɛ: Sii baraa sawaa ǹ wúlu lɛ a bɔ ǹ gɔn nə́ ke: Ǹ doamaa nɛ ǹ sii baraa sawaa ǹ wúlu lɛ a tɔɔ dɛ kɔn yɛ ka Lawa nɛ ǹ kion kɛ yɔrɔ-a, wúlu màn tiɛ̃ kɛ a tɔɔ dɛ ǹ bǎã nɛ. Dɛnaa Lawa dinsɔɔ̃ a màn nɛ. 19Lawa a wúlu-bɔle mɛn bɛ́ re bɛa wúlu lɛ boe, bɛ á boe la, a na a siĩ sɔ̃. Ǹ bɛ́ ǹ nə́ bǎã mɛn bɔ ǹ nə́ koa Lawa wɔ lɛa, a doamaa nɛ a n sɔ̃ walan, kɔn yɛ ka Lawa nɛ ǹ kion kɛ a sumu-n. 20Bɛ̀ màn hinlaa min kɔsɔ woo a siĩ wɔlɔ li, bɛ na á n din bɔ. Bɛ̀ a mà dɔ́ parɛ á kaa mɔnaa mɛn ganaa, ǹ bǎã mɛn bɔ ǹ nə́ koa Lawa wɔ lɛa, ǹ wo a mà bǎã lɛ pii walan.
21Ǹ bɛ́ re wúlu màn lɛ kɔrɛɛ tii donkolon mɛn nɛ, bɛ̀ ǹ nə́ nya, ǹ bɛ yu. Sɛnɛ, bɛ̀ zan donkolon ne, ǹ bɛ gɔ́ɔ̃ pii, ǹ koosa mu li. 22Wúlu-bɔlen lɛn kion minin mɛnɛn bɛ́ giĩn lɛa, bɛn dininsɔɔ̃nɔn man boe la, ǹ bɛa siĩ lɛ sɔ̃. A giala, bɛ na a gɔrɔn masɛ Dɛnaa Lawa wɔ lɛa. 23Sɛnɛ, tɔɔ mɛn tumaa bɛ́ sii baraa sawaa ǹ wúlu màn lɛa, ǹ nə́ die we ka a mà nɛ kɔn yɛ ka Lawa nɛ ǹ kion kɛ nɛ, ǹ sii baraa sawaa ǹ wúlu bɔ nɛ Lawa a bǎã sonbore kɛ nɛ, bɛa tɔɔ lɛ kɔn siĩ doamaa bie a n sɔ̃ wa. A doamaa nɛ, a n tã lenlen.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.