Lawa a wúlu-bɔlen 5
5
Sii a kɔnboen kɔnɔn
1Bɛ̀ min na á sii yɛ a yii ni, hinlaa a na á ma, bɛ kio, ǹ bɛ́ sii lɛ a kiri we, bɛ̀ a lɛ kɔ a ná a taãn pɛ wa, ǹ dɛnaa na á sii baraa zɛnaa. A din tá re n toɛ̃ ka a sii baraa a guĩ ni.
2Màn woo màn tá gɔgɔrɛ, bɛ̀ min nə́ n gɔn da bɛ ganaa a ná a dɔ̃ wa, ta don màn gɔgɔrɛ gere ne, ta tɔɔ màn hinlaa màn baaran gɔgɔrɛ gere ne, bɛa dɛnaa na á *gɔ̀ da a din ganaa, á dɔlɔ da a din mìi ni.
3Gɔ̀ mɛn tumaa bɛ́ n bɔyɛɛ min li, bɛ̀ bɛ tá minbuiin nɛ mɛn ganaa, bɛ̀ min nə́ n gɔn da bɛ ganaa a ná a dɔ̃ wa, bɛ̀ á daa á dɔ̃ ǹ mɛn pinaa, a dɔlɔ na a mìi ni.
4Bɛ̀ min lɛ sã á n liɛ a ná a n taasɛ wa, ta sii mɛn din ni, min a là ta a-n hinlaa a là ba a-n wa, bɛ̀ á daa á dɔ̃ ǹ mɛn pinaa, a dɔlɔ na a mìi ni.
5Bɛ̀ min mɛn zɛ̀rɛ n ka bɛa sii kɛ lɛ mɛn nɛ, a sii baraa mɛn zɛnaa, a doamaa nɛ a golee bɛ li. 6A sii baraa mɛn zɛnaa, a doamaa nɛ a sère hinlaa bòe dan bɔ bɛa lɛa, a kɔ Dɛnaa Lawa la, a sii baraa lɛ a sawaa ǹ *wúlu màn lɛa. Lawa a wúlu-bɔle lɛ doamaa nɛ, a bɛ lɛ dɛ a sii baraa lɛ a sawaa ǹ wúlu màn lɛa.
Doobaa a sii baraa sawaa ǹ wúlu màn
7Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa. 8A wo ǹ kɔ wúlu-bɔle lɛ la. Ǹ mɛn bɛ́ sii baraa sawaa ǹ wúlu màn lɛa, wúlu-bɔle lɛ bɛ bɔ bɔrɔ, a na a wìi yiɛ, sɛnɛ, a baran a mìi na a bɔ a ganaa wa. 9A wúlu màn lɛ a mà kɔn pɛsɛ̃ *wúlu bɔ ǹ bǎã lɛ wàãn ganaa, a na a mà gialakun kɛ kaa tán wúlu bɔ ǹ bǎã lɛ genli. Sii baraa sawaa ǹ wúlu màn nɛ. 10Bàan lɛ a paabaa ǹ wɔ ke, a bɛ tã wúlu màn lɛa, a kɔnpɛ ka a zɛnaa ǹ gɔn nɛ. Lawa a wúlu-bɔle lɛ doamaa nɛ a bɛa dɛnaa lɛ a sii baraa sawaa ǹ wúlu bɔ miɛ̃, Lawa tɔn na a sii baraa lɛ toa nɛ.
11Bɛ̀ min mɛn dɔ a boe la á doe wuruun màn paa hinlaa zɛrɛkantoan màn paa lɛ ganaa á n koe a sii baraa sawaa ǹ wúlu màn lɛa wa, á boe la dinin a da ka wùsu nɔnɔɔ kilo sii ni, a sii baraa sawaa ǹ wúlu màn lɛa. Sɛnɛ, a baran nyɔɔ kaa li wa, a baran da yon gìĩ kɔɔ̃n da la wa. A giala, sii baraa sawaa ǹ wúlu màn nɛ. 12A wo bɛa wùsu lɛ kɔ wúlu-bɔle la, bɛ nə n gɔn pã a nɛ, yiri gisĩ sii ni ǹ màn lɛa, a tã wúlu bɔ ǹ bǎã kɛ nɛ, kun ka wúlu màn gialakunun kɛn nɛ, ǹ nə́ ǹ tiɛ̃ Dɛnaa Lawa wɔn lɛa. Sii baraa sawaa ǹ wúlu màn nɛ. 13Wúlu-bɔle lɛ doamaa nɛ a sii baraa zɛnaali lɛ a sii baraa sawaa ǹ wúlu bɔ miɛ̃, Lawa dɔ á re a sii baraan toɛ nɛ. Wúlu-bɔle lɛ doamaa nɛ a bɛa wúlu lɛ a sii yɔrɔ bɔ ka a bɛ́ á Lawa gɔ ǹ wɔ kɛ a sii yɔrɔ bɔ lɔn#5.13 Lawa a Boo sɛ́wɔn tɛnɛn man pii: a gialakun nə wúlu-bɔle wɔ lɛa, ka Lawa gɔ ǹ màn kɛa gialakun bɛ́ a wɔ lɛa lɔn..
Zɛ̀rɛ si Lawa la ǹ wúlu màn
14Dɛnaa Lawa wusoo á boo da ka Muizu ni, á pɛ nɛ: 15Bɛ̀ min mɛn sã á woo Dɛnaa Lawa gɔn màn wɔlɔ li, ǹ dɛnaa na á sii babaraa zɛnaa. Ǹ dɛnaa doamaa nɛ a sère gɔ̀lɔ̀ bɔ a tɔɔn bii, wɔ̀lɔ̀ ná a ba a ganaa wa, a da kɔ Dɛnaa Lawa la. Sère gɔ̀lɔ̀ lɛ giɔ̀mɔ doamaa nɛ a wɔrɔ giala garamu lɛ kɔn bɔ, a n kɔnpii ka kion sonbore kɛ a màn zɔɔ̃ ǹ wɔ nɛ. Bɛa sère gɔ̀lɔ̀ lɛ n zɛ̀rɛ si ǹ wúlu màn lɛa. 16A màn mɛn saa Lawa a kion lɛ nɛ, a doamaa nɛ a bɛ saraa, a wusoo a na a talakɔn sooro goon ti a ganaa, a kɔ Lawa a wúlu-bɔle la. Bɛ̀ Lawa a wúlu-bɔle lɛ ná a zɛ̀rɛ si Lawa la ǹ wúlu bɔ ka bɛa sère gɔ̀lɔ̀ lɛ nɛ, Lawa á die a sii baraa toɛ nɛ.
17Dɛnaa Lawa a gɔn waa ǹ boon bɛ́ pii mà ǹ baran sii mɛn tumaa zɛnaa wa, ta min na á bɛa goon toto dinsɔɔ̃ zɛnaa, ǹ dɛnaa na á sii baraa zɛnaa. Haalɛ ta a dɔ̃ wa, a zɛ̀rɛ nɛ, a sii baraa na a mìi ni. 18Ǹ dɛnaa doamaa nɛ, a sère gɔ̀lɔ̀ bɔ a tɔɔn bii, a giɔ̀mɔ n zɛ̀rɛ si ǹ wúlu màn kɛ wɔ boe, a da kɔ Lawa a wúlu-bɔle la. A sã á sii baraa mɛn lɛ zɛnaa a ná a dɔ̃ wa. Bɛ̀ wúlu-bɔle lɛ ná a sii baraa sawaa ǹ wúlu bɔ, Lawa á re a sii baraa toɛ nɛ. 19Zɛ̀rɛ si ǹ wúlu màn nɛ. A giala, ǹ dɛnaa lɛ na á sii la Dɛnaa Lawa la a giala yii li.
20 #
MNS 5.5-8. Dɛnaa Lawa wusoo á boo da ka Muizu ni, á pɛ nɛ: 21Min bɛ́ sii baraa kɔsɔ mɛn zɛnɛɛ a wɔ Dɛnaa Lawa lon ne, bɛ n ka kɛ nɛ: n miã na á màn kɔ n la mà n koa. A laadoo bɛ́ á dɔ a ganaa, n soɛ bɔ, mà a màn koa nsɛ li wa; n wo màn dɔnbii min la, bɛ kio, n nə n piã, mà a màn kɔn ba nsɛ gɔn wa; n nə n miã a màn koã, hinlaa, n si la ka pàã nɛ, n wusoo n soɛ bɔ, mà a ba nsɛ gɔn wa; 22n miã a màn papaã n saa, n nə́ n ba lɛ koe n tá nyɛɛ-n wa. Bɛa zɛnaa ǹ siin kɛn lɛn tumaa n sii baraa lɛa. Bɛ̀ min ná a goon zɛnaa á wusoo á n liɛ á da bɛ la, ǹ dɛnaa na á soɛ bɔ. 23Bɛ̀ min bɛa sii baraa lɛ zɛnaa, ǹ dɛnaa zɛ̀rɛ nɛ. A màn mɛn koã, a ǹ mɛn si ǹ miã la ka pàã nɛ, ǹ nə ǹ mɛn kɔ la mà a koa a li, hinlaa màn mɛn papaã á yɛ á saa, a doamaa nɛ a saraa, 24kun ka a bɛ́ á n liɛ soɛ la màn mɛn tumaa wɔ paǹ li. Bɛ̀ á ná a din zɛ̀rɛ dɔ̃ ǹ mɛn pinaa gɔrɔ#5.24 Min tɛnɛn nə́ bɛa boo kɛ lɛ giala ma kɛnɛn: bɛ̀ a tá a zɛ̀rɛ si ǹ wúlu boe ǹ mɛn pinaa gɔrɔ..., a doamaa nɛ a na a tumaa saraa, a na a giɔ̀mɔ a talakɔn sooro goon da la, a kɔ màn lɛ a dɛnaa taãn la. 25A doamaa nɛ a sère gɔ̀lɔ̀ bɔ a tɔɔn bii, wɔ̀lɔ̀ ná a ba a ganaa wa, a giɔ̀mɔ n zɛ̀rɛ si ǹ wúlu màn kɛ wɔ boe, a da kɔ wúlu-bɔle la, a zɛ̀rɛ si Lawa la ǹ màn lɛa. 26Ta a zɛ̀rɛ n ka sii woo sii ni, bɛ̀ Lawa a wúlu-bɔle lɛ ná a sii baraa sawaa ǹ wúlu bɔ Dɛnaa Lawa yɔrɔ-a, Lawa dɔ na a sii baraan toɛ nɛ.
اکنون انتخاب شده:
Lawa a wúlu-bɔlen 5: SCE2013
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.
Lawa a wúlu-bɔlen 5
5
Sii a kɔnboen kɔnɔn
1Bɛ̀ min na á sii yɛ a yii ni, hinlaa a na á ma, bɛ kio, ǹ bɛ́ sii lɛ a kiri we, bɛ̀ a lɛ kɔ a ná a taãn pɛ wa, ǹ dɛnaa na á sii baraa zɛnaa. A din tá re n toɛ̃ ka a sii baraa a guĩ ni.
2Màn woo màn tá gɔgɔrɛ, bɛ̀ min nə́ n gɔn da bɛ ganaa a ná a dɔ̃ wa, ta don màn gɔgɔrɛ gere ne, ta tɔɔ màn hinlaa màn baaran gɔgɔrɛ gere ne, bɛa dɛnaa na á *gɔ̀ da a din ganaa, á dɔlɔ da a din mìi ni.
3Gɔ̀ mɛn tumaa bɛ́ n bɔyɛɛ min li, bɛ̀ bɛ tá minbuiin nɛ mɛn ganaa, bɛ̀ min nə́ n gɔn da bɛ ganaa a ná a dɔ̃ wa, bɛ̀ á daa á dɔ̃ ǹ mɛn pinaa, a dɔlɔ na a mìi ni.
4Bɛ̀ min lɛ sã á n liɛ a ná a n taasɛ wa, ta sii mɛn din ni, min a là ta a-n hinlaa a là ba a-n wa, bɛ̀ á daa á dɔ̃ ǹ mɛn pinaa, a dɔlɔ na a mìi ni.
5Bɛ̀ min mɛn zɛ̀rɛ n ka bɛa sii kɛ lɛ mɛn nɛ, a sii baraa mɛn zɛnaa, a doamaa nɛ a golee bɛ li. 6A sii baraa mɛn zɛnaa, a doamaa nɛ a sère hinlaa bòe dan bɔ bɛa lɛa, a kɔ Dɛnaa Lawa la, a sii baraa lɛ a sawaa ǹ *wúlu màn lɛa. Lawa a wúlu-bɔle lɛ doamaa nɛ, a bɛ lɛ dɛ a sii baraa lɛ a sawaa ǹ wúlu màn lɛa.
Doobaa a sii baraa sawaa ǹ wúlu màn
7Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa. 8A wo ǹ kɔ wúlu-bɔle lɛ la. Ǹ mɛn bɛ́ sii baraa sawaa ǹ wúlu màn lɛa, wúlu-bɔle lɛ bɛ bɔ bɔrɔ, a na a wìi yiɛ, sɛnɛ, a baran a mìi na a bɔ a ganaa wa. 9A wúlu màn lɛ a mà kɔn pɛsɛ̃ *wúlu bɔ ǹ bǎã lɛ wàãn ganaa, a na a mà gialakun kɛ kaa tán wúlu bɔ ǹ bǎã lɛ genli. Sii baraa sawaa ǹ wúlu màn nɛ. 10Bàan lɛ a paabaa ǹ wɔ ke, a bɛ tã wúlu màn lɛa, a kɔnpɛ ka a zɛnaa ǹ gɔn nɛ. Lawa a wúlu-bɔle lɛ doamaa nɛ a bɛa dɛnaa lɛ a sii baraa sawaa ǹ wúlu bɔ miɛ̃, Lawa tɔn na a sii baraa lɛ toa nɛ.
11Bɛ̀ min mɛn dɔ a boe la á doe wuruun màn paa hinlaa zɛrɛkantoan màn paa lɛ ganaa á n koe a sii baraa sawaa ǹ wúlu màn lɛa wa, á boe la dinin a da ka wùsu nɔnɔɔ kilo sii ni, a sii baraa sawaa ǹ wúlu màn lɛa. Sɛnɛ, a baran nyɔɔ kaa li wa, a baran da yon gìĩ kɔɔ̃n da la wa. A giala, sii baraa sawaa ǹ wúlu màn nɛ. 12A wo bɛa wùsu lɛ kɔ wúlu-bɔle la, bɛ nə n gɔn pã a nɛ, yiri gisĩ sii ni ǹ màn lɛa, a tã wúlu bɔ ǹ bǎã kɛ nɛ, kun ka wúlu màn gialakunun kɛn nɛ, ǹ nə́ ǹ tiɛ̃ Dɛnaa Lawa wɔn lɛa. Sii baraa sawaa ǹ wúlu màn nɛ. 13Wúlu-bɔle lɛ doamaa nɛ a sii baraa zɛnaali lɛ a sii baraa sawaa ǹ wúlu bɔ miɛ̃, Lawa dɔ á re a sii baraan toɛ nɛ. Wúlu-bɔle lɛ doamaa nɛ a bɛa wúlu lɛ a sii yɔrɔ bɔ ka a bɛ́ á Lawa gɔ ǹ wɔ kɛ a sii yɔrɔ bɔ lɔn#5.13 Lawa a Boo sɛ́wɔn tɛnɛn man pii: a gialakun nə wúlu-bɔle wɔ lɛa, ka Lawa gɔ ǹ màn kɛa gialakun bɛ́ a wɔ lɛa lɔn..
Zɛ̀rɛ si Lawa la ǹ wúlu màn
14Dɛnaa Lawa wusoo á boo da ka Muizu ni, á pɛ nɛ: 15Bɛ̀ min mɛn sã á woo Dɛnaa Lawa gɔn màn wɔlɔ li, ǹ dɛnaa na á sii babaraa zɛnaa. Ǹ dɛnaa doamaa nɛ a sère gɔ̀lɔ̀ bɔ a tɔɔn bii, wɔ̀lɔ̀ ná a ba a ganaa wa, a da kɔ Dɛnaa Lawa la. Sère gɔ̀lɔ̀ lɛ giɔ̀mɔ doamaa nɛ a wɔrɔ giala garamu lɛ kɔn bɔ, a n kɔnpii ka kion sonbore kɛ a màn zɔɔ̃ ǹ wɔ nɛ. Bɛa sère gɔ̀lɔ̀ lɛ n zɛ̀rɛ si ǹ wúlu màn lɛa. 16A màn mɛn saa Lawa a kion lɛ nɛ, a doamaa nɛ a bɛ saraa, a wusoo a na a talakɔn sooro goon ti a ganaa, a kɔ Lawa a wúlu-bɔle la. Bɛ̀ Lawa a wúlu-bɔle lɛ ná a zɛ̀rɛ si Lawa la ǹ wúlu bɔ ka bɛa sère gɔ̀lɔ̀ lɛ nɛ, Lawa á die a sii baraa toɛ nɛ.
17Dɛnaa Lawa a gɔn waa ǹ boon bɛ́ pii mà ǹ baran sii mɛn tumaa zɛnaa wa, ta min na á bɛa goon toto dinsɔɔ̃ zɛnaa, ǹ dɛnaa na á sii baraa zɛnaa. Haalɛ ta a dɔ̃ wa, a zɛ̀rɛ nɛ, a sii baraa na a mìi ni. 18Ǹ dɛnaa doamaa nɛ, a sère gɔ̀lɔ̀ bɔ a tɔɔn bii, a giɔ̀mɔ n zɛ̀rɛ si ǹ wúlu màn kɛ wɔ boe, a da kɔ Lawa a wúlu-bɔle la. A sã á sii baraa mɛn lɛ zɛnaa a ná a dɔ̃ wa. Bɛ̀ wúlu-bɔle lɛ ná a sii baraa sawaa ǹ wúlu bɔ, Lawa á re a sii baraa toɛ nɛ. 19Zɛ̀rɛ si ǹ wúlu màn nɛ. A giala, ǹ dɛnaa lɛ na á sii la Dɛnaa Lawa la a giala yii li.
20 #
MNS 5.5-8. Dɛnaa Lawa wusoo á boo da ka Muizu ni, á pɛ nɛ: 21Min bɛ́ sii baraa kɔsɔ mɛn zɛnɛɛ a wɔ Dɛnaa Lawa lon ne, bɛ n ka kɛ nɛ: n miã na á màn kɔ n la mà n koa. A laadoo bɛ́ á dɔ a ganaa, n soɛ bɔ, mà a màn koa nsɛ li wa; n wo màn dɔnbii min la, bɛ kio, n nə n piã, mà a màn kɔn ba nsɛ gɔn wa; n nə n miã a màn koã, hinlaa, n si la ka pàã nɛ, n wusoo n soɛ bɔ, mà a ba nsɛ gɔn wa; 22n miã a màn papaã n saa, n nə́ n ba lɛ koe n tá nyɛɛ-n wa. Bɛa zɛnaa ǹ siin kɛn lɛn tumaa n sii baraa lɛa. Bɛ̀ min ná a goon zɛnaa á wusoo á n liɛ á da bɛ la, ǹ dɛnaa na á soɛ bɔ. 23Bɛ̀ min bɛa sii baraa lɛ zɛnaa, ǹ dɛnaa zɛ̀rɛ nɛ. A màn mɛn koã, a ǹ mɛn si ǹ miã la ka pàã nɛ, ǹ nə ǹ mɛn kɔ la mà a koa a li, hinlaa màn mɛn papaã á yɛ á saa, a doamaa nɛ a saraa, 24kun ka a bɛ́ á n liɛ soɛ la màn mɛn tumaa wɔ paǹ li. Bɛ̀ á ná a din zɛ̀rɛ dɔ̃ ǹ mɛn pinaa gɔrɔ#5.24 Min tɛnɛn nə́ bɛa boo kɛ lɛ giala ma kɛnɛn: bɛ̀ a tá a zɛ̀rɛ si ǹ wúlu boe ǹ mɛn pinaa gɔrɔ..., a doamaa nɛ a na a tumaa saraa, a na a giɔ̀mɔ a talakɔn sooro goon da la, a kɔ màn lɛ a dɛnaa taãn la. 25A doamaa nɛ a sère gɔ̀lɔ̀ bɔ a tɔɔn bii, wɔ̀lɔ̀ ná a ba a ganaa wa, a giɔ̀mɔ n zɛ̀rɛ si ǹ wúlu màn kɛ wɔ boe, a da kɔ wúlu-bɔle la, a zɛ̀rɛ si Lawa la ǹ màn lɛa. 26Ta a zɛ̀rɛ n ka sii woo sii ni, bɛ̀ Lawa a wúlu-bɔle lɛ ná a sii baraa sawaa ǹ wúlu bɔ Dɛnaa Lawa yɔrɔ-a, Lawa dɔ na a sii baraan toɛ nɛ.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.