Lawa a wúlu-bɔlen 7
7
Zɛ̀rɛ si ǹ wúlu màn
1Zɛ̀rɛ si Lawa la ǹ wúlu lɛ a bɔ ǹ gɔn nə́ ke: Dɛnaa Lawa dinsɔɔ̃ a màn nɛ. 2Ǹ bɛ́ *wúlu màn tiɛ̃ kɛ a tɔɔ dii bǎã mɛn nɛ, ǹ doamaa nɛ, ǹ zɛ̀rɛ si Lawa la ǹ wɔ lɛ dɔ a tɔɔ dɛ walan, ǹ na a mà pɛpɛsɛ̃ *wúlu bɔ ǹ bǎã lɛ wàãn tumaa ganaa. 3A nyɔɔ bǎã kɛ tumaa, Lawa a wúlu-bɔle lɛ doamaa nɛ, a da ka bɛ nɛ Dɛnaa Lawa yɔrɔ-a bɔrɔ: a muigoã nɛ, a nyɔɔ mɛn tumaa bɛ́ pɛnɛɛ nɛ a nàn ganaa, 4a dɔ̀ɔ̃ koron màn paa kɛ laanka nyɔɔ mɛn bɛ́ doa-n kɔn, nyɔɔ mɛn dɔ bɛ́ a kolon li, a foo lɛwɔn nɛ, ǹ bɛ bɔ kun ka a dɔ̀ɔ̃ koronən lɛn nɛ. 5Bɛ kio, Lawa a wúlu-bɔle bɛa mànan lɛn tã wúlu bɔ ǹ bǎã nɛ. Zɛ̀rɛ si Dɛnaa Lawa la ǹ wúlu màn nɛ, ǹ nə́ tã Dɛnaa Lawa wɔ lɛa. 6Giĩ mɛn tumaa bɛ́ Lawa a wúlu-bɔlen kion min lɛa, bɛn tá boe la, ǹ na a siĩ sɔ̃. Sɛnɛ, ǹ bǎã mɛn bɔ ǹ nə́ koa Lawa wɔ lɛa, a doamaa nɛ a n sɔ̃ walan, a giala, Lawa dinsɔɔ̃ a màn nɛ. 7Sii baraa sawaa ǹ wúlu bɛ́ n boe lɔn, zɛ̀rɛ si Lawa la ǹ wɔ lɛ dɔ nə n boe miɛ̃. Ǹ dinin paanan a zɛnaa ǹ gɔn nə goon. Wúlu-bɔle mɛn sii baraa sawaa ǹ wúlu lɛ bɔ, tɔɔ lɛ a siĩ n doe bɛ ganaa.
Màn mɛn bɛ́ doe wúlu-bɔle ganaa
8Wúlu-bɔle mɛn dɔ bɛ́ min a wúlu màn tiɛ̃, tɔɔ lɛ a ki n doe wúlu-bɔle lɛ ganaa a wɔ lɛa. 9Lawa gɔ ǹ màn mɛn tumaa bɛ́ ǹ nə́ kɔrɛ kùsì la, hinlaa fɔlɔ donkolon ne, hinlaa màn kɔrɛ ǹ fɔlɔ kɛ la, bɛ tumaa n doe wúlu-bɔle ganaa, ǹ mɛn bɛa wúlu lɛ bɔ. 10Lawa gɔ ǹ màn mɛn bɛ́ ǹ nə́ yia ka nyɔɔ nɛ, hinlaa ta a geremaa nɛ, bɛ nə n gii Aarɔn a nɛgiĩn lɛn bii, ǹ tumaa wɔ gii goã goon.
Barka da Lawa nɛ ǹ wúlu màn
11Barka da ǹ wúlu màn mɛn bɛ́ ǹ tá koe Dɛnaa Lawa la, bɛa bɔ ǹ gɔn nə́ ke: 12Bɛ̀ barka da Lawa nɛ ǹ wúlu ni ǹ tá boe, ka buuru da ka nyɔɔ nɛ, yɔ bù ná a ba li wa, ka mɔ̀mɔ dɔ zɛnaa yɔ bù ná a ba li wa, sɛnɛ, ka nyɔɔ kaa a ganaa a bɔ, ka *wùsu sonbore dɔ yia, ka paparɛ nyɔɔ li. 13Buuru mɛn dɔ bɛ́ yɔ bù n li, ka da ka bɛ nɛ, ka ǹ kaa kun ka barka da Lawa nɛ ǹ wúlu màn lɛ nɛ. 14Ka n bɛa buuru tɔrɔn lɛn gogoonmaa boe Dɛnaa Lawa wɔ lɛa. Wúlu-bɔle mɛn barka da Lawa nɛ ǹ wúlu màn lɛ a mà pɛsɛ̃ wúlu bɔ ǹ bǎã lɛ wàãn ganaa, buuru lɛ n doe bɛ ganaa. 15Ǹ barka da Lawa nɛ ka tɔɔ màn mɛn lɛ nɛ, a siĩ nə n soɛ̃ a din pinaa. Ǹ doamaa bie ǹ na a pàn kɔn koa, lɛ̀ wo waa a ganaa wa.
16Bɛ̀ min na a lɛ kɔ Lawa la lɛ piɛ̃ ka wúlu màn mɛn nɛ, hinlaa ta a din dùũ wɔ nɛ, a siĩ nə n soɛ̃ a din pinaa. Sɛnɛ bɛ̀ a gialakun goã, ǹ tá boe la, ǹ bɛ sɔ̃ a lɛawaa. 17Sɛnɛ, bɛ̀ wúlu siĩ lɛ a kɔsɔ wusoo á n si á goã bɛ kio, a lɛawaa sɔɔbaa ǹ wɔ pinaa, ǹ da tɛ-n, ǹ tã lenlen. 18A lɛawaa sɔɔbaa ǹ wɔ pinaa, bɛ̀ ǹ dɛnaa nə́ n tã la, á ná a barka da Lawa nɛ ǹ wúlu màn lɛ a siĩ sɔ̃, Lawa ba a lɛ sii doo wa. Bɛa dɛnaa a wúlu màn na á ziziɛ̃. Bɛ̀ min mɛn dɔ́ bɛa siĩ lɛ sɔ̃, bɛa dɛnaa a sii baraa a dɔlɔ na a din mìi ni. 19*Gɔ̀ bɛ́ màn mɛn ganaa, bɛ̀ siĩ lɛ nə́ n lɔ bɛ ganaa, ǹ doamaa bie ǹ sɔ̃ doo wa. Sɛnɛ, ǹ doamaa nɛ, ǹ da tɛ-n ǹ tã lenlen. Yǎa ǹ goɛ̃ yoreene landa wɔ paǹ li, ǹ tɔn wúlu bɔ ǹ siĩ lɛ soɛ̃. 20Sɛnɛ, bɛ̀ min gɔ̀ toa a din ganaa, á barka da Lawa nɛ ǹ wúlu màn lɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ. 21Màn woo màn, gɔ̀ ná a ganaa, ta minbuiin nɛ nɛ, ta tɔɔ nɛ gɔ̀ ná a ganaa, hinlaa ta màn gɔgɔrɛ mɛn tɔrɔ nɛ, bɛ̀ min nə́ n gɔn da bɛ ganaa, á wusoo á barka da Lawa nɛ ǹ wúlu màn kɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.
Zaman lɛ doamaa bɛ́ a kɔ landa siin mɛnɛn lɛ
22Dɛnaa Lawa wusoo á boo da ka Muizu ni á pɛ nɛ: 23A pɛ Izirayeli minin lɛn manɛ: Ka nyan toa ka màn nyɔɔ kɔn wɔ ka lɛ-n wa. Ta dii wɔ nɛ, ta sère wɔ nɛ, ta bòe wɔ nɛ. 24Tɔɔ mɛn gã a din li, bɛ laanka don mànan bɛ́ ǹ nə́ ǹ mɛn dɛ, ka nyan toa, ka bɛa nyɔɔ wɔ ka lɛ-n wa. Sɛnɛ, ka á boe la, ka dí kɔsɔ tɔrɔ tumaa nya ka a nyɔɔ lɛ nɛ. 25Bɛ̀ min wúlu bɔ ka tɔɔ mɛn nɛ, á ná a siĩ kɔn tã Dɛnaa Lawa wɔ lɛa, bɛ̀ min mɛn bɛa nyɔɔ wɔ a lɛ-n sɛn, ka bɛa dɛnaa bɔ ka bɔ Izirayeli tɔrɔbaa nɛ.
26 #
SGK 9.4; LWS 17.10-14; 19.26; TDP 12.16,23; 15.23. Màn mà tumaa, ta bàan mà nɛ, ta tɔɔ mà nɛ, ta ka n giã-n bǎã mɛn nɛ, ka nyan toa bɛ kɔn a mà wɔ ka lɛ-n wa. 27Màn mà woo màn mà, bɛ̀ min mɛn wɔ a lɛ-n, ka bɛa dɛnaa bɔ ka bɔ Izirayeli tɔrɔbaa nɛ.
28Dɛnaa Lawa wusoo á boo da ka Muizu ni á pɛ nɛ: 29A pɛ Izirayeli minin lɛn manɛ: Bɛ̀ min mɛn tá die barka da ǹ wúlu màn koe Dɛnaa Lawa la, a paǹ mɛn bɛ́ doe Dɛnaa Lawa lɛ ganaa, a da bɛ kɔ la. 30Ka bɛ́ re wúlu màn lɛ a paǹan mɛnɛn tiɛ̃ Dɛnaa Lawa wɔ lɛa, a nyɔɔ bǎãn kɛn lɛn, yǎa ǹ dɛnaa dinmaa gɔn die ka bɛn nɛ. A da ka a tìãbii bǎã kɛ dɔ nɛ. Ka doamaa nɛ, ka bɛa kɔ Lawa la ǹ sii zɛnaa Dɛnaa Lawa yɔrɔ-a. 31Lawa a wúlu-bɔle bɛa nyɔɔ bǎãn lɛn tã wúlu bɔ ǹ bǎã lɛ lalan. Sɛnɛ, a tìãbii kɛ n Aarɔn laanka a nɛgiĩn wɔ lɛa. 32Ǹ nə ǹ barka da Lawa nɛ ǹ wúlu màn lɛ a gusin a gisi bɔ ǹ kɔ Lawa a wúlu-bɔle lɛ dɔ la. 33Aarɔn a nɛgiĩn lɛn mɛn bɛ́ re barka da ǹ wúlu lɛ boe ka tɔɔ lɛ a mà laanka a nyɔɔ nɛ, tɔɔ lɛ a gisi lɛ n doe bɛ ganaa. 34A giala, tɔɔ lɛ a tìãbii kɛ laanka a gisi ke, ǹ nə́ barka da Lawa nɛ ǹ wúlu bɔ nɛ, masɛ bɛn si Izirayeli minin lɛn la, má ǹ kɔ Aarɔn laanka a nɛgiĩn la, ǹ wɔ gii lɛa yǎa duduu. 35Aarɔn laanka a nɛgiĩn lɛn wɔ gii n ka bɛ nɛ, Dɛnaa Lawa a wúlu mànan lɛn gɔ́ɔ̃ nɛ. Bɛ̀ ka ǹ koa Dɛnaa Lawa a wúlu-bɔlen lɛa ǹ mɛn pinaa gɔrɔ, bɛ lɛ n doe ǹ ganaa. 36Dɛnaa Lawa na á pɛ Izirayeli minin lɛn manɛ, bɛ̀ Aarɔn a nɛgiĩn lɛn nə́ wúlu-bɔlen baa ǹ mɛn pinaa gɔrɔ, ka bɛ lɛ kɔ ǹ la ǹ wɔ gii lɛa. Bɛ n landa lɛa ka mìi ni miɛ̃ duduu, kaa tɔrɔn tumaa wɔ lɛa, a ná a ba n bɔyɛɛ wa.
37Wúlu màn tiɛ̃ nɛ, Lawa gɔ ǹ màn nɛ, sii baraa sawaa ǹ wúlu ni, zɛ̀rɛ si Lawa la ǹ wɔ nɛ, wúlu-bɔlen koa ǹ wɔ nɛ, ka barka da Lawa nɛ ǹ wɔ nɛ, ǹ bɔ ǹ gɔn lɛ n ka bɛ nɛ. 38Dɛnaa Lawa bɛ́ á pɛ Izirayeli minin lɛn manɛ ǹ mɛn pinaa Sinayii kele la, mà ǹ da wúlu mànan kɔ asɛ la, a na á bɛa wúlun kɛn lɛn dɔn bɔ ǹ gɔn nyaa Muizu-n bɛ lɛ a pinaa, Sinayii kele la.
Lawa a wúlu-bɔle bibinaan koa
اکنون انتخاب شده:
Lawa a wúlu-bɔlen 7: SCE2013
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.
Lawa a wúlu-bɔlen 7
7
Zɛ̀rɛ si ǹ wúlu màn
1Zɛ̀rɛ si Lawa la ǹ wúlu lɛ a bɔ ǹ gɔn nə́ ke: Dɛnaa Lawa dinsɔɔ̃ a màn nɛ. 2Ǹ bɛ́ *wúlu màn tiɛ̃ kɛ a tɔɔ dii bǎã mɛn nɛ, ǹ doamaa nɛ, ǹ zɛ̀rɛ si Lawa la ǹ wɔ lɛ dɔ a tɔɔ dɛ walan, ǹ na a mà pɛpɛsɛ̃ *wúlu bɔ ǹ bǎã lɛ wàãn tumaa ganaa. 3A nyɔɔ bǎã kɛ tumaa, Lawa a wúlu-bɔle lɛ doamaa nɛ, a da ka bɛ nɛ Dɛnaa Lawa yɔrɔ-a bɔrɔ: a muigoã nɛ, a nyɔɔ mɛn tumaa bɛ́ pɛnɛɛ nɛ a nàn ganaa, 4a dɔ̀ɔ̃ koron màn paa kɛ laanka nyɔɔ mɛn bɛ́ doa-n kɔn, nyɔɔ mɛn dɔ bɛ́ a kolon li, a foo lɛwɔn nɛ, ǹ bɛ bɔ kun ka a dɔ̀ɔ̃ koronən lɛn nɛ. 5Bɛ kio, Lawa a wúlu-bɔle bɛa mànan lɛn tã wúlu bɔ ǹ bǎã nɛ. Zɛ̀rɛ si Dɛnaa Lawa la ǹ wúlu màn nɛ, ǹ nə́ tã Dɛnaa Lawa wɔ lɛa. 6Giĩ mɛn tumaa bɛ́ Lawa a wúlu-bɔlen kion min lɛa, bɛn tá boe la, ǹ na a siĩ sɔ̃. Sɛnɛ, ǹ bǎã mɛn bɔ ǹ nə́ koa Lawa wɔ lɛa, a doamaa nɛ a n sɔ̃ walan, a giala, Lawa dinsɔɔ̃ a màn nɛ. 7Sii baraa sawaa ǹ wúlu bɛ́ n boe lɔn, zɛ̀rɛ si Lawa la ǹ wɔ lɛ dɔ nə n boe miɛ̃. Ǹ dinin paanan a zɛnaa ǹ gɔn nə goon. Wúlu-bɔle mɛn sii baraa sawaa ǹ wúlu lɛ bɔ, tɔɔ lɛ a siĩ n doe bɛ ganaa.
Màn mɛn bɛ́ doe wúlu-bɔle ganaa
8Wúlu-bɔle mɛn dɔ bɛ́ min a wúlu màn tiɛ̃, tɔɔ lɛ a ki n doe wúlu-bɔle lɛ ganaa a wɔ lɛa. 9Lawa gɔ ǹ màn mɛn tumaa bɛ́ ǹ nə́ kɔrɛ kùsì la, hinlaa fɔlɔ donkolon ne, hinlaa màn kɔrɛ ǹ fɔlɔ kɛ la, bɛ tumaa n doe wúlu-bɔle ganaa, ǹ mɛn bɛa wúlu lɛ bɔ. 10Lawa gɔ ǹ màn mɛn bɛ́ ǹ nə́ yia ka nyɔɔ nɛ, hinlaa ta a geremaa nɛ, bɛ nə n gii Aarɔn a nɛgiĩn lɛn bii, ǹ tumaa wɔ gii goã goon.
Barka da Lawa nɛ ǹ wúlu màn
11Barka da ǹ wúlu màn mɛn bɛ́ ǹ tá koe Dɛnaa Lawa la, bɛa bɔ ǹ gɔn nə́ ke: 12Bɛ̀ barka da Lawa nɛ ǹ wúlu ni ǹ tá boe, ka buuru da ka nyɔɔ nɛ, yɔ bù ná a ba li wa, ka mɔ̀mɔ dɔ zɛnaa yɔ bù ná a ba li wa, sɛnɛ, ka nyɔɔ kaa a ganaa a bɔ, ka *wùsu sonbore dɔ yia, ka paparɛ nyɔɔ li. 13Buuru mɛn dɔ bɛ́ yɔ bù n li, ka da ka bɛ nɛ, ka ǹ kaa kun ka barka da Lawa nɛ ǹ wúlu màn lɛ nɛ. 14Ka n bɛa buuru tɔrɔn lɛn gogoonmaa boe Dɛnaa Lawa wɔ lɛa. Wúlu-bɔle mɛn barka da Lawa nɛ ǹ wúlu màn lɛ a mà pɛsɛ̃ wúlu bɔ ǹ bǎã lɛ wàãn ganaa, buuru lɛ n doe bɛ ganaa. 15Ǹ barka da Lawa nɛ ka tɔɔ màn mɛn lɛ nɛ, a siĩ nə n soɛ̃ a din pinaa. Ǹ doamaa bie ǹ na a pàn kɔn koa, lɛ̀ wo waa a ganaa wa.
16Bɛ̀ min na a lɛ kɔ Lawa la lɛ piɛ̃ ka wúlu màn mɛn nɛ, hinlaa ta a din dùũ wɔ nɛ, a siĩ nə n soɛ̃ a din pinaa. Sɛnɛ bɛ̀ a gialakun goã, ǹ tá boe la, ǹ bɛ sɔ̃ a lɛawaa. 17Sɛnɛ, bɛ̀ wúlu siĩ lɛ a kɔsɔ wusoo á n si á goã bɛ kio, a lɛawaa sɔɔbaa ǹ wɔ pinaa, ǹ da tɛ-n, ǹ tã lenlen. 18A lɛawaa sɔɔbaa ǹ wɔ pinaa, bɛ̀ ǹ dɛnaa nə́ n tã la, á ná a barka da Lawa nɛ ǹ wúlu màn lɛ a siĩ sɔ̃, Lawa ba a lɛ sii doo wa. Bɛa dɛnaa a wúlu màn na á ziziɛ̃. Bɛ̀ min mɛn dɔ́ bɛa siĩ lɛ sɔ̃, bɛa dɛnaa a sii baraa a dɔlɔ na a din mìi ni. 19*Gɔ̀ bɛ́ màn mɛn ganaa, bɛ̀ siĩ lɛ nə́ n lɔ bɛ ganaa, ǹ doamaa bie ǹ sɔ̃ doo wa. Sɛnɛ, ǹ doamaa nɛ, ǹ da tɛ-n ǹ tã lenlen. Yǎa ǹ goɛ̃ yoreene landa wɔ paǹ li, ǹ tɔn wúlu bɔ ǹ siĩ lɛ soɛ̃. 20Sɛnɛ, bɛ̀ min gɔ̀ toa a din ganaa, á barka da Lawa nɛ ǹ wúlu màn lɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ. 21Màn woo màn, gɔ̀ ná a ganaa, ta minbuiin nɛ nɛ, ta tɔɔ nɛ gɔ̀ ná a ganaa, hinlaa ta màn gɔgɔrɛ mɛn tɔrɔ nɛ, bɛ̀ min nə́ n gɔn da bɛ ganaa, á wusoo á barka da Lawa nɛ ǹ wúlu màn kɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.
Zaman lɛ doamaa bɛ́ a kɔ landa siin mɛnɛn lɛ
22Dɛnaa Lawa wusoo á boo da ka Muizu ni á pɛ nɛ: 23A pɛ Izirayeli minin lɛn manɛ: Ka nyan toa ka màn nyɔɔ kɔn wɔ ka lɛ-n wa. Ta dii wɔ nɛ, ta sère wɔ nɛ, ta bòe wɔ nɛ. 24Tɔɔ mɛn gã a din li, bɛ laanka don mànan bɛ́ ǹ nə́ ǹ mɛn dɛ, ka nyan toa, ka bɛa nyɔɔ wɔ ka lɛ-n wa. Sɛnɛ, ka á boe la, ka dí kɔsɔ tɔrɔ tumaa nya ka a nyɔɔ lɛ nɛ. 25Bɛ̀ min wúlu bɔ ka tɔɔ mɛn nɛ, á ná a siĩ kɔn tã Dɛnaa Lawa wɔ lɛa, bɛ̀ min mɛn bɛa nyɔɔ wɔ a lɛ-n sɛn, ka bɛa dɛnaa bɔ ka bɔ Izirayeli tɔrɔbaa nɛ.
26 #
SGK 9.4; LWS 17.10-14; 19.26; TDP 12.16,23; 15.23. Màn mà tumaa, ta bàan mà nɛ, ta tɔɔ mà nɛ, ta ka n giã-n bǎã mɛn nɛ, ka nyan toa bɛ kɔn a mà wɔ ka lɛ-n wa. 27Màn mà woo màn mà, bɛ̀ min mɛn wɔ a lɛ-n, ka bɛa dɛnaa bɔ ka bɔ Izirayeli tɔrɔbaa nɛ.
28Dɛnaa Lawa wusoo á boo da ka Muizu ni á pɛ nɛ: 29A pɛ Izirayeli minin lɛn manɛ: Bɛ̀ min mɛn tá die barka da ǹ wúlu màn koe Dɛnaa Lawa la, a paǹ mɛn bɛ́ doe Dɛnaa Lawa lɛ ganaa, a da bɛ kɔ la. 30Ka bɛ́ re wúlu màn lɛ a paǹan mɛnɛn tiɛ̃ Dɛnaa Lawa wɔ lɛa, a nyɔɔ bǎãn kɛn lɛn, yǎa ǹ dɛnaa dinmaa gɔn die ka bɛn nɛ. A da ka a tìãbii bǎã kɛ dɔ nɛ. Ka doamaa nɛ, ka bɛa kɔ Lawa la ǹ sii zɛnaa Dɛnaa Lawa yɔrɔ-a. 31Lawa a wúlu-bɔle bɛa nyɔɔ bǎãn lɛn tã wúlu bɔ ǹ bǎã lɛ lalan. Sɛnɛ, a tìãbii kɛ n Aarɔn laanka a nɛgiĩn wɔ lɛa. 32Ǹ nə ǹ barka da Lawa nɛ ǹ wúlu màn lɛ a gusin a gisi bɔ ǹ kɔ Lawa a wúlu-bɔle lɛ dɔ la. 33Aarɔn a nɛgiĩn lɛn mɛn bɛ́ re barka da ǹ wúlu lɛ boe ka tɔɔ lɛ a mà laanka a nyɔɔ nɛ, tɔɔ lɛ a gisi lɛ n doe bɛ ganaa. 34A giala, tɔɔ lɛ a tìãbii kɛ laanka a gisi ke, ǹ nə́ barka da Lawa nɛ ǹ wúlu bɔ nɛ, masɛ bɛn si Izirayeli minin lɛn la, má ǹ kɔ Aarɔn laanka a nɛgiĩn la, ǹ wɔ gii lɛa yǎa duduu. 35Aarɔn laanka a nɛgiĩn lɛn wɔ gii n ka bɛ nɛ, Dɛnaa Lawa a wúlu mànan lɛn gɔ́ɔ̃ nɛ. Bɛ̀ ka ǹ koa Dɛnaa Lawa a wúlu-bɔlen lɛa ǹ mɛn pinaa gɔrɔ, bɛ lɛ n doe ǹ ganaa. 36Dɛnaa Lawa na á pɛ Izirayeli minin lɛn manɛ, bɛ̀ Aarɔn a nɛgiĩn lɛn nə́ wúlu-bɔlen baa ǹ mɛn pinaa gɔrɔ, ka bɛ lɛ kɔ ǹ la ǹ wɔ gii lɛa. Bɛ n landa lɛa ka mìi ni miɛ̃ duduu, kaa tɔrɔn tumaa wɔ lɛa, a ná a ba n bɔyɛɛ wa.
37Wúlu màn tiɛ̃ nɛ, Lawa gɔ ǹ màn nɛ, sii baraa sawaa ǹ wúlu ni, zɛ̀rɛ si Lawa la ǹ wɔ nɛ, wúlu-bɔlen koa ǹ wɔ nɛ, ka barka da Lawa nɛ ǹ wɔ nɛ, ǹ bɔ ǹ gɔn lɛ n ka bɛ nɛ. 38Dɛnaa Lawa bɛ́ á pɛ Izirayeli minin lɛn manɛ ǹ mɛn pinaa Sinayii kele la, mà ǹ da wúlu mànan kɔ asɛ la, a na á bɛa wúlun kɛn lɛn dɔn bɔ ǹ gɔn nyaa Muizu-n bɛ lɛ a pinaa, Sinayii kele la.
Lawa a wúlu-bɔle bibinaan koa
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.