Bɔ bɛ̀rɛbaa nɛ Da yiri-a ǹ boo
Da yiri-a ǹ boo
Sɛ́wɔ kɛ n boo diɛ wɔ nɛ Izirayeli minin bɔ bɛ̀rɛbaa-n wɔ paǹ li Ezipti gána nɛ. Bɛa bɔ bɛ̀rɛbaa-n kɛ lɛ n sii gole lɛa Izirayeli minin sii tumaa gɔ́ɔ̃ nɛ. Lawa na á min goon bɔ, mà a wo ǹ waa a ǹ bɔ bɛa bɛ̀rɛbaa lɛ nɛ, bɛ n ka Muizu ni. Bɛ doamaa nɛ a mɛ ǹ nyɛɛnɛ, a woo ǹ ne yǎa gána mɛn bɛ́ Lawa nə́ n lɛ kɔ ǹ la mà á re koe ǹ la.
Eziptin kii goã li a Izirayeli zaman lɛ toa ǹ woo wa, sɛnɛ Lawa kaãbaa ǹ siin zɛnaa, a ná a zaman kirisibaa nɛ. Zaman lɛ zii tɔ wɔ lɛ̀ pusi diə gole gɔ́ɔ̃ nɛ, sɛnɛ Lawa mu laanka màn-bii kɔ ǹ la bɛa biikoo lɛ gɔ́ɔ̃ nɛ.
Lawa lɛ kɔ kɔn la wɔ ka a zaman lɛ nɛ. Á n din nyaa Muizu ni Sinayii kele la, á dí-pɛ fù boon kɔ la ka dí-pɛ kɔsɔn nɛ. A n nyɛɛ, ǹ bɛ́ siĩni ǹ na asɛ guguru kɔ lɔn. Lawa n sii yɔrɔ nyɛɛ ǹ nɛ kion kɛa paǹ li, ǹ bɛ́ ǹ nə́ kɔnbɔ ǹ nə ǹ mɛn lɛ dɔ asɛ guguru kɔ ǹ wɔ lɛa.
«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ: N baran Lawa kɔsɔ guguru kɔ masɛ kio wa. N baran màn nyin zɛnaa n bɛ baa n Lawa lɛa wa. A baran lon màn yiikoonaa baa wa, tán wɔ nɛ, ka mu giulun wɔ-n wa.» (20.1-4)
Sɛ́wɔ lɛ a boo mìi dadaran:
Soo Ezipti a wo yǎa Sinayii kele la boo, 1.1—18.27
Landa boon Lawa zii tɔ we laanka koa-kun sonbore wɔ paǹ li, 19.1—24.18
Lɛ kɔ kɔn la ka Lawa nɛ ǹ kion boo. Doreen mɛnɛn nə n kɔ Lawa a kion wɔ paǹ li, 25.1—40.38
اکنون انتخاب شده:
Bɔ bɛ̀rɛbaa nɛ Da yiri-a ǹ boo: SCE2013
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.