2 Corintios 10
10
Are i Ajwal uya'om upatan i ma Pablo
1Yin, chi in ma Pablo, o jun utzil kintz'onoj chiwe ru' i nim laj k'axnab'al uk'ux i Cristo. Tupu kib'ij chwe chi are in o chixol lik xa in ajk'ix xwiri are in o naj lik o inkowil. 2Kintz'onoj jun utzil chiwe, mi'an chwe chi lik ko taq inwach chkiwach i winaq chi kkitzukuj qamak. Man ike kkib'ij chi are i kojtijin chu'anik, xwi chqe yoj kuriq wi uchak, pacha kki'an i winaq chi to' je re uwach i jyub' ta'aj. 3Qatzij oj o chwach i jyub' ta'aj, xwiri i ch'oj chi kqa'an yoj are ti pacha i kki'an i to' je re uwach i jyub' ta'aj.#10.3 I ch'oj kqa'an yoj, chrij i mak atzalal kqa'an wi. 4I ch'oj le chi kqa'an yoj ru' ti qanojb'al, xaq ru' ti qacho'ab' yoj kqa'an wi; ru' ucho'ab' i Dios, rumali kojtiki ni che kicho'ab' ni'pa i je ajch'oj, keje kich'akik ile kqa'an chke ni'pa i kkitzukuj tzij chqij. 5Kojtiki b'i chu'atixik taq i tzij chi xa ru' winaq petnaq wi; xaq kqesaj b'i ronojel taq i kyaw ti chke i winaq chi kketamaj ub'e i Dios. Xaq ni'pa taq i nojb'al chi xa ru' winaq petnaq wi, lik kqa'atsaj pu'ab' i Cristo, man kkojon na, xaq ku'an na pacha kraj Ire. 6Te'uri, are kqilo chi yix ki'an chik pacha i kub'ij i Ajwal, are uri yoj oj yij chik keqaya pa tojb'al mak ni'pa i kkaj ti kekojonik.
7Jun rajchak i Ajwal chitaqej wach o pranima; are ti kitaqej wach ktzunik. We o jun chila chi kub'ij: “Yin lik in re i Cristo” xaq chuch'ob'o uri chi yoj xaq oj re chik i Cristo. 8Lik k'iyal mul inb'im chiwe chi yin in o piwi yix; xwiri kink'ix ti chub'ixkil ile man are i Ajwal yawnaq pin-ab', in o piwi tob'al iwe che ik'aslemal chwach Ire; re ti tzaqsab'al iwe kin-ano. 9Kwaj ti yin we kich'ob' yix, chi i wuj kintz'ib'aj b'i chiwe moqxa to' xib'b'al iwe kin-ano. 10O jujun kkib'ij: Ni'pa taq i uwuj i ma Pablo, lik ko kch'aw chqe, lik o ucho'ab' kata yet; xwiri are o ire chqawach xaq are klapan qu', i utzij lik kaxij ti pich' awib' che. 11Pachin kub'ij ile chuta ub'e uri: Are kinupon iwu' kril ni uwach incho'ab' pacha inb'im chupam inwuj chi intz'ib'am are naj in o wi.
Ula'ik uwach chrij i ukojik mak re u'anik nim che qib'
12Lik kinpaj ti wib' ku' i winaq chi kkikoj ki'ij, ni'pa i kki'an keje ile, lik nti kinojb'al. 13Yin kinkoj ti in-ij che i chak chi we ti yin; xwiri are i Ajwal uya'om chwe ipa kinchakun wi; are ire yawnaq chwe chi kinchakun chixol yix chila pa Corinto. 14Lik kinkoj ti in-ij, Xwiri yoj oj uponnaq nab'e chila Corinto chuya'ik utzijol i utz laj tzij k'ak' re i Cristo chiwe yix. 15Yoj kqaj ti kqakoj qa'ij che uchak jun chik, o lik kik'aw taq i kqab'ij, kqa'an ti ile. Are i kqaj yoj, are ukowirik ukub'ib'al ik'ux yix che i Cristo; te'uri kojtiki ni chu'anik mas qachak chixol yix. Xwiri xwi kqa'ano pacha uya'om i Ajwal chqe. 16We xutzin i qachak chixol yix, te'uri koj-e chik chub'ixkil i utz laj tzij k'ak' re i Cristo mas k'a naj chwach ix o wi yix. Xwiri kqamina ti qib' che uchak jun chik, man keje ile kqakoj ti qa'ij yoj ru'.
17We o jun kraj ku'an nim che rib' (rumal jun chak u'anom), lik chukojo u'ij uri rumal kojonnaq chik che i Ajwal. 18I winaq chi xa kukoj u'ij ire utukel, nti kel wi uri'; xwiri we i Ajwal kkojow u'ij, alaj uri chi utz u'anom.
اکنون انتخاب شده:
2 Corintios 10: ACHICUB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala