Zak 13
13
1Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»
Lawa a boo gii-dali soɛ-bɔlen loo
2Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ. 3Min woo min bɛ́ re yui mà asɛ n Lawa a boo gii diɛ, a din a yɛ ǹ di laanka a yɛ ǹ dan tá re yui a gialaa ǹ pɛ nɛ: «N doamaa-n ka gɛ̀ nɛ, a giala, n nə́ n soɛ bɔ ka Dɛnaa Lawa tɔ nɛ.» A toa a n soɛ boe ka masɛ tɔ nɛ, a din a yɛ ǹ di laanka a yɛ ǹ dan tá re dii a gã. 4Bɛa waáraa, sìi á re Lawa a boo gii-dali soɛ-bɔlen kuĩ ǹ Lawa a boo gii-dalibaa laanka ǹ sii-yɛn kɛn laakalaa a lɛa. Ǹ yii á re we doo ǹ maa zaman sã ka Lawa a boo gii-dalin ki mɔnaa kɛa wɔ-n wa. 5Sɛnɛ, didie á re pii: «Ma bie Lawa a boo gii-dali lɛa wa, man buu-kɔsɔli lɛa. Wurun man ma lon a kũ maa tenmaa waáraa ganaa.» 6Bɛ̀ min nɔ̀n da la: «Busulɛ kɛ n wàa lɛa n gɔn tìsì ni?» Á re pii: «Maǹ nə́ kiɛ̃ ma-a maa giaáran piɛ.»
Lɛ kɔ kɔn la dii
7 #
Mat 26.31; Mar 14.27 Dɛnaa Lawa Pàãyiidɛnaa a da ǹ boo á ke:
«Gɔya sa,
n yii bũ maa tɔɔn-lɛduə̃li kɛ li,
ma giaára ke.
Tɔɔn-lɛduə̃li lɛ məə,
màn mɛn bɛ́ toɛ,
sèren lɛn nə n pɛsɛ̃ bǎã yii ni,
ma tɔn da ǹ nɛ binbisinin dɛ.»
8Dɛnaa Lawa Pàãyiidɛnaa a da ǹ boo á ke: «Gána lɛ a zaman a talɛɛ sɔɔ a talɛɛ paa n die giɛ̃, a talɛɛ goon yii goã koo. 9Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»
اکنون انتخاب شده:
Zak 13: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.