LKK 1
1
Loe bibinaa
(1.1–2.7)
1 # Kiin1 4.32 Salomɔn a loe n ka kɛ nɛ. Salomɔn a loe kɔɔ̃n kɔɔ̃n nɛ.
Nɛniɛ laanka a tɔntɔraa
Nɛniɛ lɛ n boo diɛ
2N sɔɔ ma nɛ,
n sɔɔ ma-n kəni.
A giala n kɔn-narɛɛ
lɛ á soɛ duvɛ̃ nɛ,
3á soɛ n nyɔɔn kɛn gìĩ ni.
N tɔ nə́ n da wɔlɔ la
ka nyɔɔ gìĩ kɔɔ̃n bɛ́ lɔn.
Bɛ lɛ din taãn nə ke toɛ,
nɛnɛn yii á boe n li.
4Ma kũ n ma da n kio,
wɔ baa si.
Ma n maa kii lɛa,
ma kũ n wo ma nɛ n waa ǹ kion,
n wɔ dinin paanan
kaa nyɛnyɛɛ li,
n wɔ foo kɔɔ̃n kɔ.
N kɔn-narɛɛ ke a soɛ duvɛ̃ nɛ.
Sonbore tá nɛnɛn lɛn lon,
ǹ nə n narɛ.
5Zeruzalɛmu nɛnɛn lɛn,
masɛ gɔ̀nɔn nə tì birəəne,
sɛnɛ ma á siĩni.
Kedaara minin kionən kɛn,
ma gɔnɔn lɛ n tì birəə miɛ̃.
A laanka bɛ yii ni,
masɛ n siĩni,
ka Salomɔn a kion
mɔnaa nyaǹ dɛnan kɛn bɛ́ lɔn.
6Ka baran ga
maa tì birəəbaa kɛ-a wa,
wasa na á ma dɛ.
Ma dannɛn foo
na á goã á yoo ma li,
ǹ nə́ tɔ́n ma koa *rezɛ̃ da wurun li.
Ma dinmaa gɔ̀nɔn kɛ sɛ,
ma boo la má ga bɛ walan wa.
7Nsɛ mɛn lɛ bɛ́
ma tá n narɛ, a pɛ ma-n le,
ma n die woe ǹ tɔɔn lɛn lɛduĩ
maa kəni?
Penleen ne,
ma n die ǹ tɔɔn lɛn mìi susui maa kəni?
A pɛ ma nɛ, màn mɛn bɛ́ toɛ
n miã tɔɔn-lɛduə̃lin kɛn,
bɛn baran ma baa
giĩn-kuruli lɛa wa.
Tɔɔn-lɛduə̃lin man boo diɛ
8Nsɛ mɛn bɛ́,
n siĩnbaa miã ná a banban lɔn bii wa,
bɛ̀ n ba bǎã lɛ doɛ̃ wa,
n die n soo,
n kɔ tɔɔn lɛn basa lɛ,
n nə n bòe nɛn kɛn lɛduə̃,
tɔɔn-lɛduə̃lin giã ǹ bǎãn genli.
Tɔntɔraa lɛ n boo diɛ
9Maa paa ǹ wɔ,
maa nyaǹ màn!
Ń ke ka sùi dan kɛ nɛ,
bɛ̀ ǹ da kii
*Faarahɔn a wotoro-a.
10Too kaaranan kɛn nə́ na
n ganaa,
bɔlɔ ganaa ǹ giin kɛn nə́ n wìi si.
11Wɔ n die too kaaranan zɛnɛɛ
ka sana nɛ,
wɔrɔ konkoron nə́ ǹ ganaa,
wɔ ǹ kɔ n la.
Nɛniɛ lɛ n boo diɛ
12Kii lɛ laan bɛ̀ a n woe
a susu ǹ bǎã nɛ,
bɛ̀ maa nyɔɔ gìĩ kɔɔ̃n
kɛ gìĩ nə́ n da wɔlɔ la.
13Ma din foo dùũ wɔ lɛ n ka
*miíri nyɔɔ gìĩ kɔɔ̃n bɛ́ lɔn,
a n lɛ̀ wɛɛ a yii n koo kun ma nɛ.
14Ma foo dùũ wɔ lɛ n
gìbi lɛa ma yii li,
Ɛn-Gedii#1.14 Ɛn-Gedii n bǎã lɛa mu na a nɛ a tán dɔ n siĩni. a *rezɛ̃ da wuru kɛ nɛ.
Tɔntɔraa lɛ n boo diɛ
15N tá siĩn dɛ!
Maa paa ǹ wɔ,
n tá siĩni dɛ!
N yii nànan gamaa á kɔɔ̃nɛ,
maǹ siĩni ka
zɛrɛkantoanan bɛ́ lɔn.
Nɛniɛ lɛ n boo diɛ
16N dɔ á siĩni dɛ,
ma din foo dùũ wɔ,
n tá siĩni á là da.
Wɔa waa ǹ piì n buu buruu lɛa.
17Wɔa kion a mɛnɛn man ka
da kakan kɛn nɛ.
Wɔa kion gɔ̀nɔn man ka
gɔn sonboren kɛn nɛ.
اکنون انتخاب شده:
LKK 1: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.