BPS 5
5
Maǹ Dɛnaa Lawa a makara nyankoe
1Sii mɛn wɔ yɛ,
Dɛnaa Lawa yiri nyan bɔ-n wa.
Ga, ǹ bɛ́ sìi mɛn diɛ
wɔ ganaa, n bɛ dɔ̃.
2N gána mɛn kɔ wɔ la,
á ke tiin wɔ lɛa.
Min mɛnɛn bɛ́ wɔ ba ǹ doɛ̃ wa,
wɔa kionən man bɛn gɔn.
3Wɔa díin banban.
Á ke, wɔ n nɛ toenən lɛa.
Wɔ daanan man ka giɔɔrɔn bɛ́ lɔn.
4Wɔ n wɔrɔ boe mu ganaa,
wɔ tɔ n yɛ wɔ mi.
Wɔ n gɔn pii,
wɔ tɔn tɛ koa nɛ.
5Min mɛnɛn bɛ́ fuu nyɛɛ wɔ nɛ,
maǹ tɔn wɔ kio lui.
Wɔ́ nɔmaa,
susui ba wɔ la wa.
6Wɔ́ n gɔn dia Ezipti laanka
Asiirii gána la,
màn mɛn bɛ́ toɛ wɔ boo la
wɔ màn yɛ wɔ bii.
7Wɔ digolon nə́ sii baraa zɛnaa.
Sɛnɛ, ǹ banban doo wa.
Ǹ sii baraan gugurubaa
na á kũ wɔ dinin mìi ni.
8Bɛ̀rɛn man wɔa maadigiĩn lɛa.
Min banban á wɔ sii ǹ la wa.
9Wɔ nə n nyin koe wɔ tɔn màn-bii yɛ
diə gɔ́ɔ̃ nɛ ǹ denzuun taman yii.
10Bòo taman yii,
wɔ gɔ̀nɔn nə wɛɛ̃-n ka belebele
ka wɔ n kùsì ni.
11Wɔa zɔ́ɔn nə́ pàã zɛnaa
lɔn ganaa *Siɔn kiwi,
ka nɛlɔn nɛ Zudaa gána nɛ.
12Ǹ dininmaan nə́ kiwi lɛ a
nyɛɛnaandɛnan tɛnɛn bɔlɔ yu.
Ǹ min golen guguru kɔ wa.
13Tɔntɔraan man wii lɔ ǹ gii guĩ.
Nɛ tenən manə n gòã niɛ̃
ka gɔn yii ni ǹ mìi ni.
14Min golen ba woe
kiwi lɛ a kiɛnlɛ-a doo wa.
Tɔntɔraan nə́ loe lɔ lɛ da.
15Foo kɔɔ̃nbaa wɔlɔ lui wɔ ganaa.
Wɔa bɛ̀baa nə n bɔyaa á gɛ̀ koa baa.
16Kii bafolo bɔ wɔ
mìi ganaa á mɛnaa.
Wàa koe n ka kɛ nɛ!
A giala wɔ sii baraa zɛnaa.
17Bɛ lɛ n wɔ foo busi,
wɔ yii a wɔlɔ yii doɛ̃ wa.
18A giala, Siɔn kiwi lɛ
nə n bɔyaa á diə baa,
á n baa tolokan giã ǹ bǎã lɛa.
19Sɛnɛ, nsɛ Dɛnaa Lawa,
ma n kii lɛa yǎa duduu.
Kiibaa mɛn bɛ́ a nyɛɛ wa,
bɛ nə n wɔ lɛa yǎa duduu.
20Wàa na á baa,
n yiri n boe ka wɔ nɛ
biikoo tumaa li?
Ma n die n la boe wɔ ganaa duduu?
21Toa, wɔ wusoo wɔ da n li
Dɛnaa Lawa!
Sonbore, wɔ á n bɔyɛɛ wɔ daa.
Yiikoonaabaa dii kɔ wɔ la,
a n baa ka lɛlɛ ǹ wɔ bɛ́ lɔn!
22Ma nə n wɔ daa lenlen ya?
N foo na á yoo wɔ li á la yii ni?
اکنون انتخاب شده:
BPS 5: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.