Zer 47
47
Lawa a boo Filisiti minin wɔ paǹ li
1 #
Iza 14.29-31; Eze 25.15-17; Zow 3.4-8; Amɔ 1.6-8; Sof 2.4-7; Zak 9.5-7 Dɛnaa Lawa boo da Lawa a boo gii-dali Zeremii ni, Filisiti minin wɔ paǹ li. A bɛ́ n zɛnɛɛ, bɛ̀ Eziptin kii tɔn yoo Gaazaa gialaa wa. 2Dɛnaa Lawa boo mɛn da á ke:
Mu gole n boe gɔsɛ a lɛ̀gɔn la die.
Á mu zii baa, á pã á toɛ̃.
Á n kɔ gána lɛ tumaa lɛ,
màn mɛn tumaa bɛ́ a nɛ,
a kiwin ni ka a minin ni.
Minin man gú diɛ,
gána lɛ a min tumaa n gɛ̀ loe loe.
3Sùin gòã wuu n boe,
ziabaa ǹ wotoron wuu n boe,
Ǹ gòã wuu n nyɛ́ɛ diɛ.
Díin foo ziziɛ̃,
ǹ ba giɛ ǹ nɛnyaanan walan doo wa.
4A giala, Filisiti minin sii tumaa
ziziɛ̃ lɛawaa nɛ.
Min mɛn tumaa bɛ́ re n doe
Tiiri laanka Sidɔn kiwi lɛ,
maǹ die bɛn ziziɛ̃.
Filisiti minin li, Dɛnaa Lawa n
màn tumaa ziziɛ̃,
ka min mɛnɛn yii goã koo mu a
bǎã da bii wole Krɛti ni.
5Gaazaa kiwi, minin mìi n kɔɔ̃ nɛ,
maǹ gɛ̀ koɛ.
Asikalɔn kiwi, min tumaa nə́ n lɛ tã.
Kasɛn kɛn giã-n nyankɔrɔ lɛ kɛ nɛ,
ka ǹ die ka gɔ̀nɔn tɔtoɛ̃ yǎa biĩ kəni?
6Ka n pii: «E! Dɛnaa Lawa a gɔya sa,
yǎa biĩ kəni n tɔ nə n susui?
N dɔ n kii ni, n giã kiĩni,
n nyan sii kɔn zɛnaa doo wa.»
7Sɛnɛ, bɛa gɔya sa lɛn siɛ lɔn
a n susu.
Dɛnaa Lawa na á dí kɔ la,
mà a wo yǎa Asikalɔn,
yǎa yìsi mu lɛ-a.
A dí mɛn kɔ la, bɛ n ka kɛ nɛ.
اکنون انتخاب شده:
Zer 47: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.