Eze 42
42
Kionən mɛnɛn bɛ́ doa-n Lawa a kion lɛ ganaa
1Bɛ kio, giĩ lɛ ma kũ á n woe ma nɛ kanaa a sumu gɔ́ɔ̃ kɛ nɛ, á n yɔrɔ dia gɔsɛ a lɛ̀gɔn la. Kionən mɛnɛn bɛ́ bɛa sumu lɛ laanka Lawa a kion lɛ yɔrɔ-a walan, á ma kũ, á wɔ ka ma nɛ bɛn gɔ́ɔ̃ nɛ. 2Kionən mɛnɛn bɛ́ gɔsɛ a lɛ̀gɔn la a kiɛnlɛ lɛ wàãn li, bɛn sasabaa n gùrù yii paabiɛ, ǹ gɔ́ɔ̃ a golebaa n gùrù yii posooro. 3Sumu gɔ́ɔ̃ a gùrù yii fuə kɛ laanka sumu gɔ́ɔ̃ a bìbì kɛ yɔrɔ-a, kiɛ̃ ǹ bǎãn man nə́ goã kɔn mìi ni, sanabolo sɔɔ. 4Kiɛ̃ ǹ bǎã goon na á goã kionən lɛn yɔrɔ-a. A golebaa na á goã gùrù yii fù, dia-n woe sumu gɔ́ɔ̃ lɛ la. A sasabaa na á goã gùrù yii paabiɛ. Kionən lɛn wɔ ǹ kiɛnlɛn man nə́ goã gɔsɛ a lɛ̀gɔn la. 5Kionən mɛnɛn bɛ́ lon, bɛn gɔ́ɔ̃ goã kikiɛɛrɛ giulun wɔn kɛn laanka bii wɔn kɛn ganaa, a giala, kiɛ̃ ǹ bǎãn lɛn nə́ màn pɔrɔ ǹ ganaa. 6Bɛa kionən lɛn kaa kun na á n baa sanabolo màn sɔɔ, bìbìn dɔn nə́ ǹ ba ǹ giulun, ka sumu gɔ́ɔ̃n laanka sɔmɔ gɔ́ɔ̃n a bìbìn kɛn bɛ́ lɔn wa. Bɛ lɛ na á toa ǹ gɔ́ɔ̃ kiɛɛrɛ kɔ á la kionən kɛn wɔ nɛ, a kũ tán wɔn kɛn ganaa, a da bii wɔn kɛn yaa. 7Kanaa a sumu kɛ wàã li kungɔn mɛn bɛ́ kionən lɛn waã li, bɛn sasabaa na á goã gùrù yii posooro. 8Kionən lɛn dininmaan man gùrù yii posooro. Sɛnɛ, ǹ mɛnɛn bɛ́ dia-n Lawa a kion lɛ din la, bɛn sasabaa na á goã gùrù yii paabiɛ. 9Bɛ̀ n tá li n nə n toa sɔmɔ gɔ́ɔ̃ nɛ n da wɔ, wɔ ǹ kiɛnlɛ na á goã a din kionən lɛn giulun, dia-n woe lɛ̀giala la. 10Kion nɛn nə́ goã sumu gɔ́ɔ̃ a kungɔn kɛ ganaa dia-n woe lɛ̀giala li, ǹ yɔrɔ n dia-n sumu gɔ́ɔ̃ laanka Lawa a kion kɛ la, 11kiɛ̃ ǹ bǎã nə́ ǹ bii. A din yii goon ne, ka kionən kɛn dɔn nɛ gɔsɛ a lɛ̀gɔn la. Ǹ sasabaa laanka ǹ gɔ́ɔ̃ a golebaa nɛ, ǹ dɔ ǹ gɔn nɛ, ǹ wɔ ǹ kiɛnlɛn laanka ǹ soo ǹ kiɛnlɛn nɛ, a din goon ne. 12Ǹ kiɛnlɛn lɛn man nə́ goã ka kion nɛn kɛn wɔn bɛ́ lɔn, ǹ mɛnɛn bɛ́ gusin a lɛ̀gɔn la. Kungɔn mɛn bɛ́ n koe Lawa a kion lɛ lɛ, kiɛ̃ ǹ bǎã lɛ a kiɛnlɛ na á goã bɛ yɔrɔ-a, lɛ̀giala gɔn la. Wɔ ǹ bǎã lɛ na á goã ka bɛ lɛ nɛ. 13Giĩ lɛ tɔ́n nə n toa ma ganaa: «Kion nɛn mɛnɛn bɛ́ gɔsɛ a lɛ̀gɔn la, ǹ mɛnɛn dɔn bɛ́ gusin a lɛ̀gɔn la, ǹ yɔrɔ n dia nɛ Lawa a kion lɛ la, bɛn man Lawa wɔn lɛa. Sonbore, wúlu-bɔlen mɛnɛn bɛ́ n mɔrɛ Dɛnaa Lawa ganaa, bɛn doamaa nɛ ǹ na a màn sonbore sonboren kɛn bii walan. Màn sonbore sonboren mɛnɛn bɛ́ Lawa wɔn lɛa, a gɔ ǹ màn kɛ nɛ, sii baraa sawaa ǹ wúlu mànan laanka zɛ̀rɛ si Lawa la ǹ wúlu mànan kɛn nɛ, ǹ doamaa nɛ, ǹ nə ǹ tumaa kaa walan. A giala, bǎã sonbore ne. 14Bɛ̀ wúlu-bɔlen lɛn nə́ wɔ bǎã sonbore kɛ nɛ, bɛ̀ ǹ tá re soe, ǹ mɔnaan mɛnɛn wɔ ǹ nə́ wúlu lɛ bɔ nɛ, ǹ doamaa nɛ ǹ bɛn waa ǹ nə ǹ kaa tán walan. A giala, bɛa mɔnaan lɛn man Lawa a dí nya ǹ wɔn lɛa. Ǹ doamaa nɛ, ǹ mɔnaa kɔsɔn wɔ. Bɛ̀ ǹ nə́ bɛ zɛnaa, bǎã mɛn nə n koa zaman kɛ wɔ lɛa, ǹ tá re boe la ǹ nə n mɔrɔ bɛ-a.»
15Giĩ lɛ kion lɛ gɔ́ɔ̃ zɔɔ̃ á nya. A bɛ́ á nya, kiɛnlɛ mɛn yɔrɔ bɛ́ dia-n lɛ̀giala gɔn la, á ma kũ, á woo soo ka ma-n walan, á sɔmɔ a kungɔn lɛ zɔɔ̃. 16Lɛ̀giala gɔn la a kungɔn, á bɛ zɔɔ̃ ka a màn zɔɔ̃ ǹ bàlà lɛ nɛ: bɛ na á goã gùrù yii biɛsooro (500). 17Gɔsɛ a lɛ̀gɔn la wɔ ke, á bɛ dɔ zɔɔ̃ gùrù yii biɛsooro. 18Á n bɔyaa a ná a gusin a lɛ̀gɔn la wɔ zɔɔ̃. Bɛ dɔ na á goã gùrù yii biɛsooro. 19Bɛ kio, á n pɛnɛ a ná a lɛ̀nyɛɛn la wɔ zɔɔ̃, bɛ dɔ na á goã gùrù yii biɛsooro. 20Á gùrù sii lɛ tumaa zɔɔ̃. Ǹ tumaa a sasabaa na á goã goon. A gogoonmaa, gùrù yii biɛsooro. Bǎã mɛn bɛ́ bǎã sonbore lɛa, kungɔn kɛ lɛ na á bɛ laanka bǎã kooro kɛ na kɔn.
اکنون انتخاب شده:
Eze 42: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.