Eze 15
15
Tɛ rezɛ̃ da mɛn kũ
1Dɛnaa Lawa boo da ma nɛ á pɛ: 2«Minbuiin a nɛ, wàa mɛn nə nyɛɛ mà rezɛ̃ da#15.2 Rezɛ̃ da: Sii a kɔnboe ne Izirayeli zaman bǎã nɛ, Lawa n diɛ a boo li. kɛa gɔn tá soɛ gɔn gialakunun kɛn manɛ? Wàa mɛn nə nyɛɛ mà a gùrùn tá soɛ dan kɛn wɔ nɛ daã gòã li?
3Ǹ tá a gɔn kuri bɛ̀ ǹ màn
zɛnaa-n ya?
Ǹ tá gɔn kara-a kuri a ganaa,
bɛ̀ ǹ màn lɔɔ a ganaa ya?
4 *Rezɛ̃ da a gɔn lɛ á ke ǹ nə́ da tɛ-n:
tɛ á ke a ná a lɛwɔn paanan kũ
a ná a bii wɔlɔ kũ,
á re màn bǐɛ̃ koe doo?
5A bɛ́ á goã a din yii lɛa
ǹ mɛn waáraa,
ǹ goã biɛ màn kɔn lɛa wa.
Bɛ̀ tɛ na á dɔ a ganaa á kũ sisia kəni,
ǹ tá boe la ǹ màn zɛnaa-n doo?
6Bɛ lɛ na á toa masɛ
Dɛnaa Lawa á kɛ pii:
Man rezɛ̃ da a gɔn tiɛ̃.
Bɛ n soɛ ma gɔn á la daã gòã li ǹ
dan kɛn gɔn nɛ.
Man die Zeruzalɛmu minin dɔn tiɛ̃.
7Man die n yɔrɔ bɔyɛɛ ma da ǹ la.
Maǹ nə́ soo tɛ-n, sɛnɛ,
tɛ á re wusii a ǹ kũ.
Bɛ̀ má n yɔrɔ bɔyaa má da ǹ la
ǹ mɛn waáraa,
ka á re doɛ̃ kəni,
mà ma din nə Dɛnaa Lawa lɛa.
8Gána kɛa minin nə sii baraa
mɛn zɛnaa,
ǹ nə́ ma bɔlɔ tii,
man die a gɔ́ɔ̃ kooro diɛ.
Ma din Dɛnaa Lawa a da ǹ boo ne.»
اکنون انتخاب شده:
Eze 15: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.