Peragenebesi 14
14
Paulus Barnabas e’birek o Ikonium welat togu legesa wene
1Is Paulus Barnabas e’birek o Ikonium eba welat, o aphwami Yahudi a’ge se’ban ogu legesema ’gwigisarik e, wene asogoat mo’gulentigisema, enebe esanat, Yahudi a’ge et, Yunani a’ge et, wene ai demat oluk wegesa. 2Wegesema, is aphwami Yahudi a’ge ado pema en e, wene ai enesa’go hologulat, demat oluk onogola opo erlak a’ge en e, is aphwami o’borloma a’ge Allah eiyagai enebit emagoluk onogola ’gagalogu legesa. 3Asogo onogola ’gagalogukhweat de, is Paulus Barnabas e’birek agauwa esanat o eba onogorlok erlaksogoat welat e, wene nonue ’gain Onuk Logo a’ge taga laga wene ai mo’gulontogu legesa. Mo’gulontogulat, Allah ebabut op en woknentasu wene ano,
“Demat o,” oluk pobi tuagoluk mo’gulontogwiam, is en elalin tu puk a’ge tagonobogu lemagoluk, Allah en enanniabenebasu laga. 4Asogo togu legesa a’geat de, is aphwami o kota eba a’ge enebe esanat me’gisogo re, is pema aphwami Yahudi a’ge oruak o’gwe agalat, is nin pema is ap Yesus en enebe yo’go onoboluk peragenebesi a’ge ebano oruak o’gwe agalat, tigisa. 5Asogo me’githoluk e, is aphwami o’borl o’gwe a’ge emin, Yahudi onuelak ’gaindek emin, enemin egesarik e,
“Paulus lak di obotut yu obotut tagonobogulat, enebe helep en modok waronobuok o,” oluk onobok ’baligisa. 6Onobok ’baligisema, is enaluk agarik e, hweiye ’bogulogo, o Likaonia do’go eba o Listra o, Derbe o, o eragam o’gwe eba logon o, ’bi legesa. 7’Bi legesarik e, wene op wene ano mo’gulontogu legesayat.
Paulus Barnabas e’birek o Listra welat tigisa wene
8O Listra eba ap mesik ia ogola en dagagalat oyuk soborak a’ge dagagarik oyuk ’guk en ebela lo erlakma en hweriogo modogat welaga. 9Hweriogo welat Paulus en wene mo’gulentasukhwe esa’go hwelak oruakma, at Paulus en il ebam pusogo yethasulat e, ede en e,
“Ap ai ede en,
Demat obapnobua, oluk epesirik oruak hegi o,” oluk ede epesi. 10Asogo epesirik, iak loksogoat mo’guleselat e,
“Hebe ’bekhitsogo inemen o,” oluk mo’gulesimu re, sialogo inagarik ebela lak-wak tegei. 11At Paulus en asogo tegeimu re, is aphwami esan ebano enil hegesarik e, is aphwami o Likaonia a’ge eniak pam disogo egesa,
“Ap yu enebe walhebak a’geat de, aphwami ’gela’ge egesarik en, onu’gwearlo poluk nene’bek ’bu egesa yu i o,” oluk eniak amitmit loksogo sup egesa. 12Eniak amitmit asogo sup egesarik e, Barnabas onuk Zeus tualogulat, ye, wene Paulus en ese laga ai en, at onuk Hermes tualogulat, tigisa. Asogo tualenebigisa ai re, is en e,
“Nis en a’ge walhebak o,” oluk ebam he’berik welat erliktogu legesa ebano a’ge ononuk petne tualenebigisa ai o. 13Asogo tualenebigisarik e, ap Zeus eiye a’ge asua owi o kota eba esa’goma werik welaga a’ge en, wam sapi ierak a’ge emin, e owil-il op a’ge emin, woluk, o kota ’gogumu eba ’goduk emde ’belakma waga. Wagarik e, aphwami a’bik ebano enemin en, Paulus Barnabas e’birek warontouwogoluk tigisa. 14Warontouwogoluk togwiam, is Paulus Barnabas e’birek Yesus en yo’go onoboluk peragenebesi a’ge ebano enesa’go hweligisarik e, mo uagoluk, onu’gwarek en onosum o’borl o’gwe a’ge derlep-derlapsogo hwikholuk e, aphwami esan odoktak oruakma ene’bek pungtak legesa. Legesarik e, eniak loksogoat mo’gulontogulat,
15 #
Kel. 20:11; Mzm. 146:6 “Ap yema logwe. His no’gosogo togu legep. Narilak norokhwi. Nis nenebe re, his ’gela’ge aphwami a’geat o. A’ge re, his en di a’ge yu a’ge we ’burlat togu legep a’ge ai ukpoluk e, henebabut he’berloroguptik, honolukhwe Allah elaluk modok welago a’ge ai wogeripogoluk wene mo’gulhentil wege a’ge o. At Allah ai re, ’bogorl emin, ’gwiang emin, ik laut lok ye’gelak emin, di a’ge yu a’ge ’bogorl pam welago a’ge emin, ’gwiangma welago a’ge emin, ik olomu welago a’ge emin, walhesi a’ge o. 16Pageat nena’bulak en ’bekhit nenaiklak dagetil waga legesa eria erlige re, Allah en e,
Di aphwami yu aphwami ena’gul onuk lo’bok en enasua domok ebam he’berik oruakhweat de, at en ugenebasu laga. 17Asogo a’geat de, is aphwami en at ebe pobi tuagoluk, di a’ge yu a’ge logon walho erlakma en meme egeitik welago puk o. We, at op nak tagalat, nonso’boru nonogum ningsogo no’gulat, nonogola nenagai hogulat, togu lemagoluk, at moru ’bogorl pam en ’belakpou wagalat, no’gwi a’ge ai no hegit lau wagoam loksogoat woknentasulat, tiso ai o,” oluk enesa’go weregei. 18Enesa’go asogo weregei a’geat de, is aphwami esan ebano en sapi arat warontouwagoluk tigisarikmu no oluk e, enede no’gosogo sebelu ’gela’geat aga a’geat de, wene Paulus lak en asogo egesa pam, waronto erlakma en mo egesa.
19Asogo agama oruakma re, is aphwami Yahudi a’ge o Antiokhia en, Ikonium en, legesarik e, aphwami esan ebano wene ai ukpoluk is oruak o’gwe emagoluk onogola ’gagaligisa. Onogola ’gagaligisema, is oruak o’gwe egesarik, Paulus ano ebe helep pam werigisarik ebe modogat werige oluk, lisogo o kota leget abel o’borl akhit lebikpegesa. 20Asogo lebikpegesa a’geat de, is aphwami pema Yesus iak wegesarik welegesa a’ge wegesarik e, eragam wali’gogo inlau wegesema re, ebe inagarik o kota ma ’gwegei. ’Gwegeirik nogo oluk, hubet o’gwe Barnabas e’birek o Derbe ’bi legesa.
Paulus Barnabas e’birek togolik o Antiokhia legesa wene
21O Derbe eba wene op wene mo’gulontogwi welat e, aphwami enebe esanat wogenebigisema Yesus iak wegesa. Wegesema onoboluk, is Paulus Barnabas e’birek pobuk togolik o Listra en, Ikonium en, ’bekhit o Pisidia do’go o kota Antiokhia liplau wegesa. 22Naduk ’gwi lagalat, aphwami Yesus iak mo’gulentil ’gwi legesema wegesa a’ge pobuk ene’bek til-til liplau wagalat, enede ago weragonobogulat, enesa’go worogulat, til-til liplau wagalat e, disogo mo’gulentegisa,
“Wene demat oluk henede Yesus ebam he’berik pegep a’ge ai, ningsogoat he’berik wolomup o. Nis pobuk Allah eragam modok wolomogoluk e, nenebam di obotut yu obotut hogu lomultik enat ’gwi lul ani o,” oluk mo’gulentil entil liplau wegesa. 23Asogo mo’gulentil liplau wagalat e, o da ya, Allah eiyagai odoktugu legesa a’ge lo’bok, onuelak tenentarok welemagoluk edigonoboluk e, agauwa mesik se’ban uogoluk so’boru no erlakma en weat welat se’ban disogo ogu legesa,
“Yesus nonue. Heiyagai enede hebam he’berik oruak a’ge yema, tenentarok wolorogun en hat he’gik pam pege o,” oluk se’ban egesarik liplau wegesa. 24Liplau wagalat, o Pisidia do’go en ’bekhit e, o propinsi Pamfilia ’bigisa. 25’Bigisarik, o Pamfilia eba o kota Perga wene mo’gulontoluk e, o kota Atalya ’bi legesa. 26O Atalya en e, ik olo’gwe ik so wusogo o Antiokhia togolik legesa. Eba en, asogo til no’gu lemagoluk pageat is Allah eiyagai en peragonobou wagalat e,
“Allah ebabut op ano en wokhonoboluk louwak o,” oluk peragonobou wegesema asogo til no’gu legesarik e, arat toluk pobuk togolik legesa ai o. 27O Antiokhia legesarik, Allah eiyagai odoktagonoboluk e, disogo mo’gulentigisa,
“Nis Allah emin en disogo tige, asogo tige,” oluk wene ’beli’gogo mo’gulontogulat e, disogo mo’gulentigisa,
“Is aphwami o’borl o’gwe a’ge wene ai demat oluk wouwagoluk, Allah en ’goduk hwerik pesimu elit wo a’ge oruak o,” oluk mo’gulentigisa. 28Asogo mo’gulentigisarik e, aphwami Yesus iak wegesa a’ge ebano enemin agauwa a’bigat welegesa.
اکنون انتخاب شده:
Peragenebesi 14: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Peragenebesi 14
14
Paulus Barnabas e’birek o Ikonium welat togu legesa wene
1Is Paulus Barnabas e’birek o Ikonium eba welat, o aphwami Yahudi a’ge se’ban ogu legesema ’gwigisarik e, wene asogoat mo’gulentigisema, enebe esanat, Yahudi a’ge et, Yunani a’ge et, wene ai demat oluk wegesa. 2Wegesema, is aphwami Yahudi a’ge ado pema en e, wene ai enesa’go hologulat, demat oluk onogola opo erlak a’ge en e, is aphwami o’borloma a’ge Allah eiyagai enebit emagoluk onogola ’gagalogu legesa. 3Asogo onogola ’gagalogukhweat de, is Paulus Barnabas e’birek agauwa esanat o eba onogorlok erlaksogoat welat e, wene nonue ’gain Onuk Logo a’ge taga laga wene ai mo’gulontogu legesa. Mo’gulontogulat, Allah ebabut op en woknentasu wene ano,
“Demat o,” oluk pobi tuagoluk mo’gulontogwiam, is en elalin tu puk a’ge tagonobogu lemagoluk, Allah en enanniabenebasu laga. 4Asogo togu legesa a’geat de, is aphwami o kota eba a’ge enebe esanat me’gisogo re, is pema aphwami Yahudi a’ge oruak o’gwe agalat, is nin pema is ap Yesus en enebe yo’go onoboluk peragenebesi a’ge ebano oruak o’gwe agalat, tigisa. 5Asogo me’githoluk e, is aphwami o’borl o’gwe a’ge emin, Yahudi onuelak ’gaindek emin, enemin egesarik e,
“Paulus lak di obotut yu obotut tagonobogulat, enebe helep en modok waronobuok o,” oluk onobok ’baligisa. 6Onobok ’baligisema, is enaluk agarik e, hweiye ’bogulogo, o Likaonia do’go eba o Listra o, Derbe o, o eragam o’gwe eba logon o, ’bi legesa. 7’Bi legesarik e, wene op wene ano mo’gulontogu legesayat.
Paulus Barnabas e’birek o Listra welat tigisa wene
8O Listra eba ap mesik ia ogola en dagagalat oyuk soborak a’ge dagagarik oyuk ’guk en ebela lo erlakma en hweriogo modogat welaga. 9Hweriogo welat Paulus en wene mo’gulentasukhwe esa’go hwelak oruakma, at Paulus en il ebam pusogo yethasulat e, ede en e,
“Ap ai ede en,
Demat obapnobua, oluk epesirik oruak hegi o,” oluk ede epesi. 10Asogo epesirik, iak loksogoat mo’guleselat e,
“Hebe ’bekhitsogo inemen o,” oluk mo’gulesimu re, sialogo inagarik ebela lak-wak tegei. 11At Paulus en asogo tegeimu re, is aphwami esan ebano enil hegesarik e, is aphwami o Likaonia a’ge eniak pam disogo egesa,
“Ap yu enebe walhebak a’geat de, aphwami ’gela’ge egesarik en, onu’gwearlo poluk nene’bek ’bu egesa yu i o,” oluk eniak amitmit loksogo sup egesa. 12Eniak amitmit asogo sup egesarik e, Barnabas onuk Zeus tualogulat, ye, wene Paulus en ese laga ai en, at onuk Hermes tualogulat, tigisa. Asogo tualenebigisa ai re, is en e,
“Nis en a’ge walhebak o,” oluk ebam he’berik welat erliktogu legesa ebano a’ge ononuk petne tualenebigisa ai o. 13Asogo tualenebigisarik e, ap Zeus eiye a’ge asua owi o kota eba esa’goma werik welaga a’ge en, wam sapi ierak a’ge emin, e owil-il op a’ge emin, woluk, o kota ’gogumu eba ’goduk emde ’belakma waga. Wagarik e, aphwami a’bik ebano enemin en, Paulus Barnabas e’birek warontouwogoluk tigisa. 14Warontouwogoluk togwiam, is Paulus Barnabas e’birek Yesus en yo’go onoboluk peragenebesi a’ge ebano enesa’go hweligisarik e, mo uagoluk, onu’gwarek en onosum o’borl o’gwe a’ge derlep-derlapsogo hwikholuk e, aphwami esan odoktak oruakma ene’bek pungtak legesa. Legesarik e, eniak loksogoat mo’gulontogulat,
15 #
Kel. 20:11; Mzm. 146:6 “Ap yema logwe. His no’gosogo togu legep. Narilak norokhwi. Nis nenebe re, his ’gela’ge aphwami a’geat o. A’ge re, his en di a’ge yu a’ge we ’burlat togu legep a’ge ai ukpoluk e, henebabut he’berloroguptik, honolukhwe Allah elaluk modok welago a’ge ai wogeripogoluk wene mo’gulhentil wege a’ge o. At Allah ai re, ’bogorl emin, ’gwiang emin, ik laut lok ye’gelak emin, di a’ge yu a’ge ’bogorl pam welago a’ge emin, ’gwiangma welago a’ge emin, ik olomu welago a’ge emin, walhesi a’ge o. 16Pageat nena’bulak en ’bekhit nenaiklak dagetil waga legesa eria erlige re, Allah en e,
Di aphwami yu aphwami ena’gul onuk lo’bok en enasua domok ebam he’berik oruakhweat de, at en ugenebasu laga. 17Asogo a’geat de, is aphwami en at ebe pobi tuagoluk, di a’ge yu a’ge logon walho erlakma en meme egeitik welago puk o. We, at op nak tagalat, nonso’boru nonogum ningsogo no’gulat, nonogola nenagai hogulat, togu lemagoluk, at moru ’bogorl pam en ’belakpou wagalat, no’gwi a’ge ai no hegit lau wagoam loksogoat woknentasulat, tiso ai o,” oluk enesa’go weregei. 18Enesa’go asogo weregei a’geat de, is aphwami esan ebano en sapi arat warontouwagoluk tigisarikmu no oluk e, enede no’gosogo sebelu ’gela’geat aga a’geat de, wene Paulus lak en asogo egesa pam, waronto erlakma en mo egesa.
19Asogo agama oruakma re, is aphwami Yahudi a’ge o Antiokhia en, Ikonium en, legesarik e, aphwami esan ebano wene ai ukpoluk is oruak o’gwe emagoluk onogola ’gagaligisa. Onogola ’gagaligisema, is oruak o’gwe egesarik, Paulus ano ebe helep pam werigisarik ebe modogat werige oluk, lisogo o kota leget abel o’borl akhit lebikpegesa. 20Asogo lebikpegesa a’geat de, is aphwami pema Yesus iak wegesarik welegesa a’ge wegesarik e, eragam wali’gogo inlau wegesema re, ebe inagarik o kota ma ’gwegei. ’Gwegeirik nogo oluk, hubet o’gwe Barnabas e’birek o Derbe ’bi legesa.
Paulus Barnabas e’birek togolik o Antiokhia legesa wene
21O Derbe eba wene op wene mo’gulontogwi welat e, aphwami enebe esanat wogenebigisema Yesus iak wegesa. Wegesema onoboluk, is Paulus Barnabas e’birek pobuk togolik o Listra en, Ikonium en, ’bekhit o Pisidia do’go o kota Antiokhia liplau wegesa. 22Naduk ’gwi lagalat, aphwami Yesus iak mo’gulentil ’gwi legesema wegesa a’ge pobuk ene’bek til-til liplau wagalat, enede ago weragonobogulat, enesa’go worogulat, til-til liplau wagalat e, disogo mo’gulentegisa,
“Wene demat oluk henede Yesus ebam he’berik pegep a’ge ai, ningsogoat he’berik wolomup o. Nis pobuk Allah eragam modok wolomogoluk e, nenebam di obotut yu obotut hogu lomultik enat ’gwi lul ani o,” oluk mo’gulentil entil liplau wegesa. 23Asogo mo’gulentil liplau wagalat e, o da ya, Allah eiyagai odoktugu legesa a’ge lo’bok, onuelak tenentarok welemagoluk edigonoboluk e, agauwa mesik se’ban uogoluk so’boru no erlakma en weat welat se’ban disogo ogu legesa,
“Yesus nonue. Heiyagai enede hebam he’berik oruak a’ge yema, tenentarok wolorogun en hat he’gik pam pege o,” oluk se’ban egesarik liplau wegesa. 24Liplau wagalat, o Pisidia do’go en ’bekhit e, o propinsi Pamfilia ’bigisa. 25’Bigisarik, o Pamfilia eba o kota Perga wene mo’gulontoluk e, o kota Atalya ’bi legesa. 26O Atalya en e, ik olo’gwe ik so wusogo o Antiokhia togolik legesa. Eba en, asogo til no’gu lemagoluk pageat is Allah eiyagai en peragonobou wagalat e,
“Allah ebabut op ano en wokhonoboluk louwak o,” oluk peragonobou wegesema asogo til no’gu legesarik e, arat toluk pobuk togolik legesa ai o. 27O Antiokhia legesarik, Allah eiyagai odoktagonoboluk e, disogo mo’gulentigisa,
“Nis Allah emin en disogo tige, asogo tige,” oluk wene ’beli’gogo mo’gulontogulat e, disogo mo’gulentigisa,
“Is aphwami o’borl o’gwe a’ge wene ai demat oluk wouwagoluk, Allah en ’goduk hwerik pesimu elit wo a’ge oruak o,” oluk mo’gulentigisa. 28Asogo mo’gulentigisarik e, aphwami Yesus iak wegesa a’ge ebano enemin agauwa a’bigat welegesa.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید