Peragenebesi 13
13
Saulus Barnabas e’birek poligonoboluk peragenebegesa wene
1Allah eiyagai o Antiokhia odoktugu legesa a’ge ebano, is pema en Allah iak mo’gulontogulat, is nin pema en eniak pam ’beli’gogo mo’gulontogulat, togu legesa a’ge enebe ap mesik Barnabas ai, mesik Simeon onuk agaikhe Singon ogu legesa a’ge ai, mesik e, Lukius o Kirene a’ge ai, mesik e, Menahem, Herodes ’gain gubernur are e’birek mesik hegit yo’gulenebigisa a’ge ai, mesik Saulus ai, welegesa. 2Welat e, agauwa mesik pam Allah eiyagai enemin nonue ’gain Onuk Logo a’ge eragam ’gwigisarik, so’boru no erlakma en welat, at erliktugumu, Allah Arogun en mo’gulentasulat e,
“Saulus Barnabas e’birek en an nebaget togu lemagoluk, yo’go enebegi ai en e, is enebe an nebaget pulogo nobomup o,” oluk mo’gulentesi. 3Mo’gulentesimu re, so’boru no erlakma en se’ban modok ogu legesarik en, Saulus Barnabas e’birek ene’gik ena’gul sebelogo peragonobou wegesa.
Saulus Barnabas e’birek en, is aphwami ik e’genma Siprus a’ge op wene mo’gulentau wegesa wene
4Is Saulus Barnabas emin Allah Arogun en peragonobou wagama re, o Seleukia ’bu egesa. ’Bu egesarik e, o Seleukia eba en e, ik so pam en ik olo’gwe toluk o Siprus ik e’genma wegesa. 5Wegesarik, o Salamis wotluk e, aphwami Yahudi a’ge o se’ban ogu legesa o’gwe ’gwigisarik, Allah iak mo’gulentil denaga legesa. Mo’gulentil denagaihwe, at onuk Yohanes ogulat, Markus ogulat ogu legesa a’ge ano en lerentasu laga. 6O Siprus ik e’genma eba, o seli lo’bok no’gu legesarik e, pobuk o onuk Pafos wegesa. Wegesarik e, ap Yahudi a’ge mesik onuk Baryesus ai, ebe asuagun welat e, Allah iak ’gela’ge u’gwarek iak a’geat mo’gulentasu laga a’ge ano oruakma wegesa. 7O Siprus ik e’genma eba, ap ’gain gubernur ede ’gagalak a’ge onuk Sergius Paulus welaga. At gubernur ai, at asuagun ai are. Welat e, at Sergius en e,
“An Allah iak nesa’go holu nagai o,” oluk Saulus Barnabas eminat yo’go enebesi. 8Asogo yo’go enebesi a’geat de, ap asuagun Baryesus ai, is aphwami Yunani a’ge eniak pam onuk Elimas ogu legesa a’ge ai en e, ap ’gain gubernur ai wene wik-wok ede Yesus ebam he’berik pou wano oluk, Saulus Barnabas emin eniak sebeligoluk tegei. 9Asogo sebeligoluk tisoma, at Saulus, onuk mesik Paulus ano en e, Allah Arogun ogola ’beterak welat e, il Baryesus ebam putsogo yethasulat e, 10disogo mo’gulesi,
“Hat hebe Iblis omlogo yo. Aphwami lalenebiselat, nelagenebasulat, tago modok welat, di a’ge yu a’ge hegitsogo tuogoluk togwiam e, hat en erlagap paigoluk tago modok welegen yema re! Nonue ’gain Onuk Logo a’ge en, aphwami delnenebigoluk ebela hegitsogo yogo nenebesi a’ge, hat en mo u erlakma en dagantak paigoluk tago modok welegen ai nopaget. 11Yethemen! Asogo taga legen ai en, nonue ’gain Onuk Logo a’ge en wene hebam pesimu welegen o. Ai re, hat hebe yogodak lodu paget yayat hil hik uarik e, mo ai ogo hil yetho erlakma enat wolorogun o,” oluk mo’gulosokhwe erianoat, il o hena ’gela’ge en sebelholuk sagasogo hiktak pesi. Asogo hiktak pesimu re,
“Sa en ne’gik tenakho woknoboluk louwa o,” oluk e’gik dapak aphwami heraenebil laga. 12Asogo agama re, ap ’gain gubernur ano il hesirik e,
“Wene nonue ’gain Onuk Logo a’ge iak ai nogorlok o,” oluk erliktegeirik e, wene ai demat oluk wesi.
Is Paulus lak o Pisidia kota Antiokhia seli eba wegesa wene
13At Paulus lak o Pafos eba en e, ik so pam o propinsi Pamfilia kota onuk Perga eba wegesa. Wegesarik e, at onuk Yohanes ogulat, Markus ogulat, ogwi a’ge ano, is eba ugonoboluk e, pobuk togolik o Yerusalem laga. 14Lagama re, is ebano o Perga eba en e, o Pisidia do’go kota Antiokhia eba orlu egesa. Orlu egesarik e, agauwa Allah paget weat welat, o aphwami Yahudi a’ge se’ban ogu legesema ebano ’gwigisarik huregesa. 15Huregesarik oruakma re, is aphwami eba a’ge en, wene Allah en nenesa’go weregei a’ge ano onuk mo’gulogulat, wene is ap Allah iak mo’gulontogu legesa a’ge en pelal wegesa a’ge onuk mo’gulogulat, tigisarik e, onuelak ’gaindek en Paulus lak mo’gulontogulat e,
“Narilak o. Aphwami yema enede hurle emagoluk e, his en wene mesik oruak holuk e, mo’gulnontouwagoluk yo’go henebege o,” oluk egesema, 16at Paulus ebe inagarik e, wene mo’gulentaigoluk e’gik walok pam sebelentesi. Asogo e’gik sebelentesirik e,
“His aphwami Israel a’ge emin, o’borl o’gwe a’ge en Allah iak hwelakpoluk togu legep a’ge emin, narilak norokhwi. Wene ik a’ge ai henesa’go hwelit o. 17#Kel. 1:7; 12:51Nis aphwami Israel a’ge yema nenaik Allah en, nene’balak enebe poligonoboluk yo’go enebesi. Yo’go enebesimu, is o Mesir eba enebe ap ’bok ’gela’ge oruakma re, at en enebe seik-’beiksogo a’bik yarluk tagenebesi. Asogo tagenebesirik e, at e’gik anni pam wogonoboluk liplau waga ai o. 18#Bil. 14:34; Ula. 1:31Wogonoboluk liplau wagama, is o leimu aphwami erlakma eba mo ligom ’bugom osokhwe, 40 tahun welat, enebabut wiak togu legesa a’geat de, at epe mosogoat tenentarok welaga. 19#Ula. 7:1; Yos. 14:1Tenentarok welagarik e, o Kanaan wogonoboluk ’gu agarik, aphwami ena’gul onuk 7 a’ge, enebe modogat waronoboluk e, is ono’gwiang a’ge nis nene’balak eiye emagoluk wogentesi. 20#Hak. 2:16; 1Sam. 3:20Ai re, asogo tagenebil wagokhwe re, mo ligom ’bugom osokhwe 450 tahun ’gela’ge welegesarik en wogentesi ai o. Wogentesirik en, pobuk e, ap mesik en enemdema wasulat, wene mo’gulentasulat, togu lemagoluk, edigenebil waga lagarik hwerli, ap Samuel Allah iak mo’gulentasu laga a’ge ano edikpesimu welaga.
21 #
1Sam. 8:5; 10:21 Hwerli ai hwerli en e, is aphwami ebano en,
Nonue ’gain onuk logo a’ge mesik edikpo nenagai o, oluk Allah ’gonu mo’gulegisema re, at en e, Saul, ap onuk Kis a’gul onuk Benyamin a’ge omlogo, edikpoluk wogentesi. Wogentesimu, at ebe mo ligom ’bugom osokhwe 40 tahun ’gainat welaga. 22#1Sam. 13:14; 16:12; Mzm. 89:20Oruakma re, at Allah en ’gain Saul ’belakpoluk e, ebalema at Daud onuk logo welemagoluk, edikpoluk wogat entesi. Wogentesirik, wene at ebaget obok eselat e,
Isai omlogo Daud yu re, an nede hwedik a’ge,
an nogola nagai epasu a’ge hegitsogo taga lemagoluk mo’gulosoam e,
’berlegat elit nak tagalom hegirikmu re, wokhentegis o,
oluk mo’gulentesi. 23Ye, mesik e, nadugat at Allah en e,
His aphwami Israel a’ge delhonobuagoluk, at Daud en dogo’gwe a’ge mesik wokhentaik, oluk obok mo’gulentesi ai ’gela’geat, ebe Yesus edikpoluk wogentesi aiat o. 24#Mrk. 1:4; Luk. 3:3At Yesus ebe pobuk wagarik e, yabuk owan tu erlak oruakhwe re, ologotma Yohanes naduk wagarik, aphwami Israel a’ge disogo mo’gulentasu laga.
His wiak togu legep a’ge ’baksogo ukpoluk henebabut heberlit o. Heberlogupmu re, an en ik olomu ’belaphenebik o, oluk enebe ’berlegat mo’gulentasu laga. 25#Mat. 3:11; Mrk. 1:7; Luk. 3:16; Yoh. 1:20,27Asogo mo’gulentasu lagarik e, at en tu a’ge arat taga lagarik, ologun pam tigoluk e, disogo mo’gulentesi.
His en e, an nebe sa opogu legep. His en yetharok welegep ai, ebe an erlak o. Henede eberak welemis o. At ebe an ne’berlik wema o. Wagoam e, an nebe malik wei a’ge o. Ye, ’gain e, arat o. At oyuk sepatu ’buktak a’ge ai, an en hebelu mia o, oluk mo’gulentesi.
26Holuk e, his aphwami Abraham en dogo’gwe a’ge emin, his o’borl o’gwe a’ge Allah iak hologo togu legep a’ge yema enemin welegep a’ge emin, narilak norokhwi. Wene delnonobu wene ai Allah en nisat nenebam perakpou wagama yu i o. 27Wene perakpou waga a’ge ai, is aphwami o Yerusalem a’ge onuelak ’gaindek enemin enat, Yesus ebe pobitu erlak. Pobirak erlak welat, page enat is ap Allah iak mo’gulontogu legesa a’ge ebano en wene pelal wokho pegesa a’ge oruakma, agauwa se’ban nin hwedik nan hwedik ogulat onuk mo’gulogukhwe enesa’go hologu legesa a’geat de, wene ebe pobi togu legesa erlak. Asogo pobi togwi erlak welat, Yesus wene ebam poluk ebe werigisa ai pam, wene naduk egesa a’ge ano demat aga ai o. 28#Mat. 27:22-23; Mrk. 15:13-14; Luk. 23:21-23; Yoh. 19:15Is en e,
Wene ’gesogo ebam poluk wotul, oluk wene heratigisa ’gal e, wene ebe ebam erlak aga a’geat de, at Pilatus en woruagoluk wogegisa ai o. 29#Mat. 27:57-61; Mrk. 15:42-47; Luk. 23:50-56; Yoh. 19:38-42At Yesus pagerat,
Disogo tua, oluk pelal wokho pegesa a’ge ano hegitsogo ’berlegat tigisarik e, ebe werak ano e pam en ’belakpobu egesarik e, owikmuat ’gwelakpegesa. 30Werak asogo ’gwelakpegesa a’geat de, pobuk Allah en elalugap pesi ai o. 31#Per. 1:3Elalugap pesimu re, is Yesus emin o Galilea do’go en o Yerusalem ’bigisa a’ge ebano enil houwagoluk onorogolema agauwa esanamat inaga laga. Asogo onorogolema inaga lagama re, enil hegesarik, is en e,
Ebe demat nenil disogo hege, oluk yogodak aphwami Israel a’ge mo’gulontogwi ai. 32-33#Mzm. 2:7Holuk e, yogodak nis en wene op wene ai, his mo’gulhentau wege yu i o. Allah en e,
Disogo wokhontouwa, oluk nene’balak wene obok mo’gulentesi a’ge ai ebe re, o yogodak nis is en dogo’gwe a’ge welege ya pam Yesus at woknentesimu worogwiam waragama re, Allah en elalugaptegei ai o. Asogo tigoluk, weni Mazmur nomor 2 pam, Allah en disogo egei,
Hat an nomlogo yo.
Hebe yogodak dakhebegis o,
oluk egeimu re, pelal wokho pegesa hegitsogoat aga o. 34#Yes. 55:3Yesus ebe waragarik oruakma, Allah en elalugap pesimu re, pobuk warotluk muk ema erlak o, oluk wene mesik disogo egei,
Disogo takhebaik, oluk, wene an nu’gwarek en iktik en,
pobuk sogwi ema erlak a’ge demat Daud wene werak pegi a’ge ai harat wokheik o,
oluk mo’gulesi ai o. 35#Mzm. 16:10Ye, mesik e, at Daud en Allah disogo mo’gulesi,
Hat hu’gwarek homlogo hiak hologo tago a’ge ano re,
muk agarik erlak emagoluk ukpagun erlak o,
oluk mo’gulesi. 36At Daud ai re, arilak mesik hegit dagegesa a’ge enemin welat, Allah en,
Disogo tuak, oluk ede epesi a’ge hegitsogoat taga lagarik en, ebe waraga ai o. Waragama re, e’balak werak a’ge salenebigisema ebano enebam louksogoat saligisema re, muk agarik e, erlagat aga ai. 37Asogo a’geat de, at Yesus ebe waragama en, Allah en togolik elalugaptegei a’ge ai nak e, muk agarik, erlak om erlak o.
38Narilak norokhwi. Wene yu henaluksogo wolomup o. At Yesus Allah en asogo elalugaptegei ai pam, his wiak togu legep a’ge ai, at en erlagapsogo ukpou wagoluk mo’gulhontogu lege ai o. 39Di wiak yu wiak togwiam e, wene Allah en Musa yo’go poluk enesa’go weregei a’ge ano pam, no’gorlogo wokho mia a’geat de, nenebe lo’bok nenede Yesus ebam he’berik pulmu nak e, elit no’gorlogo wokho a’ge oruak o. 40-41#Hab. 1:5A’ge re, is ap Allah iak mo’gulontogu legesa a’ge ebano en e, disogo egesa,
His o yogodak welegep ya pam e, an en di a’ge yu a’ge tisokhwe,
at ap mesik en dokhumsogo mo’gulhentasuam e,
his en demat oluk pobitu erlak welat
honogola en mi-miarak pogu legep ai yethemit o!
An en asogo tisokhwe henil holuk erliktogulat e, henebe warorogup ai o,
oluk Allah en egeimu pelal wokho pegesa ai ’gela’ge, his henebam ema no oluk e, wene henesa’go dokhumsogo hologu lemis o,” oluk mo’gulentesi.
42Wene asogo mo’gulontoluk libagaiam e, is aphwami ebano en e,
“Se’ban pobuk ul ai pam en de, wene ai mesik emin lagaksogo mo’gulnonto yo,” oluk Paulus Barnabas emin mo’gulentigisa. 43Asogo mo’gulentigisema, is se’ban ogu legesema eba en libegesarik lagaimu re, is aphwami Yahudi a’ge emin, o’borl o’gwe a’ge Allah iak wegesarik Yahudi a’ge ’gela’ge welegesa a’ge emin, enebe esanat ene’berlik legesa. Legesema, is Paulus Barnabas e’birek en e, disogo mo’gulentigisa,
“Allah ebabut op en taknenebasu a’ge ai, henede hegitsogo welat togu lomup o,” oluk enesa’go werigisa.
44Asogo egesema, aphwami enesa’go holholuk e, se’ban pobuk ogumu, aphwami o kota eba welegesa a’ge enebe mesik-mesik nak mo ogukhwe, enebe ’berlegat nonue ’gain Onuk Logo a’ge iak enesa’go holuogoluk odoktigisa. 45Odoktigisema, is ap Yahudi a’ge ebano aphwami esanat enil entigisarik ’bousogo re,
“Wene Paulus en oso ai henesa’go hologup no yo,” oluk wene ’balugulat, Paulus lak wene yagontogulat, tigisa. 46-47#Yes. 42:6; 49:6Asogo tigisa a’geat de, is Paulus Barnabas e’birek en onogorlok erlaksogoat welat e, disogo egesa,
“Allah iak ai his naduk mo’gulhonto hegitsogoat mo’gulhentau wege a’geat de, his henebit en ukpegeptik, honu’gwarek en e,
Nis noburlal-hoburlal taknonobo re, mia o, oluk u ’gela’geat ogu legep ai en, nis nonue ’gain Onuk Logo a’ge en yo’go nenebasulat mo’gulnentesi ’gela’geat tul o. At en,
An en e, aphwami o’borlma a’ge o dakharak enebasulat,
o ologun pam oruak a’ge delenebiselat, tigoluk e,
esaga ’gwielak ’gela’ge, his henebeat henebegi o,
oluk mo’gulnentesi hegitsogoat, hebeksogo is aphwami o’borloma a’ge mo’gulentai lul o,” oluk mo’gulentigisa. 48Asogo mo’gulontogwiam e, is aphwami o’borl o’gwe a’ge enesa’go hweligisarik, is en e,
“Nonue ’gain Onuk Logo a’ge en e, wene ai op modok egeimu hegi o,” oluk erliktigisarik onogola enagai hegesa. Onogola enagai holuk, Allah en is noburlal-hoburlal tagenebaigoluk poligenebesi a’ge en,
“Wene ai demat o,” oluk pobi tigisarik wegesa. 49Asogo wegesema re, o eba nonue ’gain Onuk Logo a’ge iak ai wiyaletil libaga.
50Asogo wiyaletil libagama re, is aphwami Yahudi a’ge en e, hwami ap o’borloma a’ge onugwami is ’gaindek Allah iak wegesa a’ge emin, is ap o kota eba ’gaindek welegesa a’ge emin, enemin en Paulus Barnabas e’birek mugontouwagoluk onogola ’gagaligisa. Asogo onogola ’gagaligisema re, is en e,
“His nis nonowi pam yema wolorogup erlak o,” oluk mukho lebigenebegesa. 51#Mat. 10:14; Mrk. 6:11; Luk. 9:5; 10:11Lebigonobogwiam, enede eberak welemagoluk, is Paulus Barnabas e’birek en e,
“Heneba lo’bok o,” oluk onoyuk ollong hosogo ukpoluk e, o Ikonium ’gwi legesa. 52’Gwi legesema, aphwami o Antiokhia eba a’ge Yesus iak wegesa a’ge ebano Allah Arogun onogola ’betesogo ’gwegeimu onogola enagai a’bik hegesa.
اکنون انتخاب شده:
Peragenebesi 13: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Peragenebesi 13
13
Saulus Barnabas e’birek poligonoboluk peragenebegesa wene
1Allah eiyagai o Antiokhia odoktugu legesa a’ge ebano, is pema en Allah iak mo’gulontogulat, is nin pema en eniak pam ’beli’gogo mo’gulontogulat, togu legesa a’ge enebe ap mesik Barnabas ai, mesik Simeon onuk agaikhe Singon ogu legesa a’ge ai, mesik e, Lukius o Kirene a’ge ai, mesik e, Menahem, Herodes ’gain gubernur are e’birek mesik hegit yo’gulenebigisa a’ge ai, mesik Saulus ai, welegesa. 2Welat e, agauwa mesik pam Allah eiyagai enemin nonue ’gain Onuk Logo a’ge eragam ’gwigisarik, so’boru no erlakma en welat, at erliktugumu, Allah Arogun en mo’gulentasulat e,
“Saulus Barnabas e’birek en an nebaget togu lemagoluk, yo’go enebegi ai en e, is enebe an nebaget pulogo nobomup o,” oluk mo’gulentesi. 3Mo’gulentesimu re, so’boru no erlakma en se’ban modok ogu legesarik en, Saulus Barnabas e’birek ene’gik ena’gul sebelogo peragonobou wegesa.
Saulus Barnabas e’birek en, is aphwami ik e’genma Siprus a’ge op wene mo’gulentau wegesa wene
4Is Saulus Barnabas emin Allah Arogun en peragonobou wagama re, o Seleukia ’bu egesa. ’Bu egesarik e, o Seleukia eba en e, ik so pam en ik olo’gwe toluk o Siprus ik e’genma wegesa. 5Wegesarik, o Salamis wotluk e, aphwami Yahudi a’ge o se’ban ogu legesa o’gwe ’gwigisarik, Allah iak mo’gulentil denaga legesa. Mo’gulentil denagaihwe, at onuk Yohanes ogulat, Markus ogulat ogu legesa a’ge ano en lerentasu laga. 6O Siprus ik e’genma eba, o seli lo’bok no’gu legesarik e, pobuk o onuk Pafos wegesa. Wegesarik e, ap Yahudi a’ge mesik onuk Baryesus ai, ebe asuagun welat e, Allah iak ’gela’ge u’gwarek iak a’geat mo’gulentasu laga a’ge ano oruakma wegesa. 7O Siprus ik e’genma eba, ap ’gain gubernur ede ’gagalak a’ge onuk Sergius Paulus welaga. At gubernur ai, at asuagun ai are. Welat e, at Sergius en e,
“An Allah iak nesa’go holu nagai o,” oluk Saulus Barnabas eminat yo’go enebesi. 8Asogo yo’go enebesi a’geat de, ap asuagun Baryesus ai, is aphwami Yunani a’ge eniak pam onuk Elimas ogu legesa a’ge ai en e, ap ’gain gubernur ai wene wik-wok ede Yesus ebam he’berik pou wano oluk, Saulus Barnabas emin eniak sebeligoluk tegei. 9Asogo sebeligoluk tisoma, at Saulus, onuk mesik Paulus ano en e, Allah Arogun ogola ’beterak welat e, il Baryesus ebam putsogo yethasulat e, 10disogo mo’gulesi,
“Hat hebe Iblis omlogo yo. Aphwami lalenebiselat, nelagenebasulat, tago modok welat, di a’ge yu a’ge hegitsogo tuogoluk togwiam e, hat en erlagap paigoluk tago modok welegen yema re! Nonue ’gain Onuk Logo a’ge en, aphwami delnenebigoluk ebela hegitsogo yogo nenebesi a’ge, hat en mo u erlakma en dagantak paigoluk tago modok welegen ai nopaget. 11Yethemen! Asogo taga legen ai en, nonue ’gain Onuk Logo a’ge en wene hebam pesimu welegen o. Ai re, hat hebe yogodak lodu paget yayat hil hik uarik e, mo ai ogo hil yetho erlakma enat wolorogun o,” oluk mo’gulosokhwe erianoat, il o hena ’gela’ge en sebelholuk sagasogo hiktak pesi. Asogo hiktak pesimu re,
“Sa en ne’gik tenakho woknoboluk louwa o,” oluk e’gik dapak aphwami heraenebil laga. 12Asogo agama re, ap ’gain gubernur ano il hesirik e,
“Wene nonue ’gain Onuk Logo a’ge iak ai nogorlok o,” oluk erliktegeirik e, wene ai demat oluk wesi.
Is Paulus lak o Pisidia kota Antiokhia seli eba wegesa wene
13At Paulus lak o Pafos eba en e, ik so pam o propinsi Pamfilia kota onuk Perga eba wegesa. Wegesarik e, at onuk Yohanes ogulat, Markus ogulat, ogwi a’ge ano, is eba ugonoboluk e, pobuk togolik o Yerusalem laga. 14Lagama re, is ebano o Perga eba en e, o Pisidia do’go kota Antiokhia eba orlu egesa. Orlu egesarik e, agauwa Allah paget weat welat, o aphwami Yahudi a’ge se’ban ogu legesema ebano ’gwigisarik huregesa. 15Huregesarik oruakma re, is aphwami eba a’ge en, wene Allah en nenesa’go weregei a’ge ano onuk mo’gulogulat, wene is ap Allah iak mo’gulontogu legesa a’ge en pelal wegesa a’ge onuk mo’gulogulat, tigisarik e, onuelak ’gaindek en Paulus lak mo’gulontogulat e,
“Narilak o. Aphwami yema enede hurle emagoluk e, his en wene mesik oruak holuk e, mo’gulnontouwagoluk yo’go henebege o,” oluk egesema, 16at Paulus ebe inagarik e, wene mo’gulentaigoluk e’gik walok pam sebelentesi. Asogo e’gik sebelentesirik e,
“His aphwami Israel a’ge emin, o’borl o’gwe a’ge en Allah iak hwelakpoluk togu legep a’ge emin, narilak norokhwi. Wene ik a’ge ai henesa’go hwelit o. 17#Kel. 1:7; 12:51Nis aphwami Israel a’ge yema nenaik Allah en, nene’balak enebe poligonoboluk yo’go enebesi. Yo’go enebesimu, is o Mesir eba enebe ap ’bok ’gela’ge oruakma re, at en enebe seik-’beiksogo a’bik yarluk tagenebesi. Asogo tagenebesirik e, at e’gik anni pam wogonoboluk liplau waga ai o. 18#Bil. 14:34; Ula. 1:31Wogonoboluk liplau wagama, is o leimu aphwami erlakma eba mo ligom ’bugom osokhwe, 40 tahun welat, enebabut wiak togu legesa a’geat de, at epe mosogoat tenentarok welaga. 19#Ula. 7:1; Yos. 14:1Tenentarok welagarik e, o Kanaan wogonoboluk ’gu agarik, aphwami ena’gul onuk 7 a’ge, enebe modogat waronoboluk e, is ono’gwiang a’ge nis nene’balak eiye emagoluk wogentesi. 20#Hak. 2:16; 1Sam. 3:20Ai re, asogo tagenebil wagokhwe re, mo ligom ’bugom osokhwe 450 tahun ’gela’ge welegesarik en wogentesi ai o. Wogentesirik en, pobuk e, ap mesik en enemdema wasulat, wene mo’gulentasulat, togu lemagoluk, edigenebil waga lagarik hwerli, ap Samuel Allah iak mo’gulentasu laga a’ge ano edikpesimu welaga.
21 #
1Sam. 8:5; 10:21 Hwerli ai hwerli en e, is aphwami ebano en,
Nonue ’gain onuk logo a’ge mesik edikpo nenagai o, oluk Allah ’gonu mo’gulegisema re, at en e, Saul, ap onuk Kis a’gul onuk Benyamin a’ge omlogo, edikpoluk wogentesi. Wogentesimu, at ebe mo ligom ’bugom osokhwe 40 tahun ’gainat welaga. 22#1Sam. 13:14; 16:12; Mzm. 89:20Oruakma re, at Allah en ’gain Saul ’belakpoluk e, ebalema at Daud onuk logo welemagoluk, edikpoluk wogat entesi. Wogentesirik, wene at ebaget obok eselat e,
Isai omlogo Daud yu re, an nede hwedik a’ge,
an nogola nagai epasu a’ge hegitsogo taga lemagoluk mo’gulosoam e,
’berlegat elit nak tagalom hegirikmu re, wokhentegis o,
oluk mo’gulentesi. 23Ye, mesik e, nadugat at Allah en e,
His aphwami Israel a’ge delhonobuagoluk, at Daud en dogo’gwe a’ge mesik wokhentaik, oluk obok mo’gulentesi ai ’gela’geat, ebe Yesus edikpoluk wogentesi aiat o. 24#Mrk. 1:4; Luk. 3:3At Yesus ebe pobuk wagarik e, yabuk owan tu erlak oruakhwe re, ologotma Yohanes naduk wagarik, aphwami Israel a’ge disogo mo’gulentasu laga.
His wiak togu legep a’ge ’baksogo ukpoluk henebabut heberlit o. Heberlogupmu re, an en ik olomu ’belaphenebik o, oluk enebe ’berlegat mo’gulentasu laga. 25#Mat. 3:11; Mrk. 1:7; Luk. 3:16; Yoh. 1:20,27Asogo mo’gulentasu lagarik e, at en tu a’ge arat taga lagarik, ologun pam tigoluk e, disogo mo’gulentesi.
His en e, an nebe sa opogu legep. His en yetharok welegep ai, ebe an erlak o. Henede eberak welemis o. At ebe an ne’berlik wema o. Wagoam e, an nebe malik wei a’ge o. Ye, ’gain e, arat o. At oyuk sepatu ’buktak a’ge ai, an en hebelu mia o, oluk mo’gulentesi.
26Holuk e, his aphwami Abraham en dogo’gwe a’ge emin, his o’borl o’gwe a’ge Allah iak hologo togu legep a’ge yema enemin welegep a’ge emin, narilak norokhwi. Wene delnonobu wene ai Allah en nisat nenebam perakpou wagama yu i o. 27Wene perakpou waga a’ge ai, is aphwami o Yerusalem a’ge onuelak ’gaindek enemin enat, Yesus ebe pobitu erlak. Pobirak erlak welat, page enat is ap Allah iak mo’gulontogu legesa a’ge ebano en wene pelal wokho pegesa a’ge oruakma, agauwa se’ban nin hwedik nan hwedik ogulat onuk mo’gulogukhwe enesa’go hologu legesa a’geat de, wene ebe pobi togu legesa erlak. Asogo pobi togwi erlak welat, Yesus wene ebam poluk ebe werigisa ai pam, wene naduk egesa a’ge ano demat aga ai o. 28#Mat. 27:22-23; Mrk. 15:13-14; Luk. 23:21-23; Yoh. 19:15Is en e,
Wene ’gesogo ebam poluk wotul, oluk wene heratigisa ’gal e, wene ebe ebam erlak aga a’geat de, at Pilatus en woruagoluk wogegisa ai o. 29#Mat. 27:57-61; Mrk. 15:42-47; Luk. 23:50-56; Yoh. 19:38-42At Yesus pagerat,
Disogo tua, oluk pelal wokho pegesa a’ge ano hegitsogo ’berlegat tigisarik e, ebe werak ano e pam en ’belakpobu egesarik e, owikmuat ’gwelakpegesa. 30Werak asogo ’gwelakpegesa a’geat de, pobuk Allah en elalugap pesi ai o. 31#Per. 1:3Elalugap pesimu re, is Yesus emin o Galilea do’go en o Yerusalem ’bigisa a’ge ebano enil houwagoluk onorogolema agauwa esanamat inaga laga. Asogo onorogolema inaga lagama re, enil hegesarik, is en e,
Ebe demat nenil disogo hege, oluk yogodak aphwami Israel a’ge mo’gulontogwi ai. 32-33#Mzm. 2:7Holuk e, yogodak nis en wene op wene ai, his mo’gulhentau wege yu i o. Allah en e,
Disogo wokhontouwa, oluk nene’balak wene obok mo’gulentesi a’ge ai ebe re, o yogodak nis is en dogo’gwe a’ge welege ya pam Yesus at woknentesimu worogwiam waragama re, Allah en elalugaptegei ai o. Asogo tigoluk, weni Mazmur nomor 2 pam, Allah en disogo egei,
Hat an nomlogo yo.
Hebe yogodak dakhebegis o,
oluk egeimu re, pelal wokho pegesa hegitsogoat aga o. 34#Yes. 55:3Yesus ebe waragarik oruakma, Allah en elalugap pesimu re, pobuk warotluk muk ema erlak o, oluk wene mesik disogo egei,
Disogo takhebaik, oluk, wene an nu’gwarek en iktik en,
pobuk sogwi ema erlak a’ge demat Daud wene werak pegi a’ge ai harat wokheik o,
oluk mo’gulesi ai o. 35#Mzm. 16:10Ye, mesik e, at Daud en Allah disogo mo’gulesi,
Hat hu’gwarek homlogo hiak hologo tago a’ge ano re,
muk agarik erlak emagoluk ukpagun erlak o,
oluk mo’gulesi. 36At Daud ai re, arilak mesik hegit dagegesa a’ge enemin welat, Allah en,
Disogo tuak, oluk ede epesi a’ge hegitsogoat taga lagarik en, ebe waraga ai o. Waragama re, e’balak werak a’ge salenebigisema ebano enebam louksogoat saligisema re, muk agarik e, erlagat aga ai. 37Asogo a’geat de, at Yesus ebe waragama en, Allah en togolik elalugaptegei a’ge ai nak e, muk agarik, erlak om erlak o.
38Narilak norokhwi. Wene yu henaluksogo wolomup o. At Yesus Allah en asogo elalugaptegei ai pam, his wiak togu legep a’ge ai, at en erlagapsogo ukpou wagoluk mo’gulhontogu lege ai o. 39Di wiak yu wiak togwiam e, wene Allah en Musa yo’go poluk enesa’go weregei a’ge ano pam, no’gorlogo wokho mia a’geat de, nenebe lo’bok nenede Yesus ebam he’berik pulmu nak e, elit no’gorlogo wokho a’ge oruak o. 40-41#Hab. 1:5A’ge re, is ap Allah iak mo’gulontogu legesa a’ge ebano en e, disogo egesa,
His o yogodak welegep ya pam e, an en di a’ge yu a’ge tisokhwe,
at ap mesik en dokhumsogo mo’gulhentasuam e,
his en demat oluk pobitu erlak welat
honogola en mi-miarak pogu legep ai yethemit o!
An en asogo tisokhwe henil holuk erliktogulat e, henebe warorogup ai o,
oluk Allah en egeimu pelal wokho pegesa ai ’gela’ge, his henebam ema no oluk e, wene henesa’go dokhumsogo hologu lemis o,” oluk mo’gulentesi.
42Wene asogo mo’gulontoluk libagaiam e, is aphwami ebano en e,
“Se’ban pobuk ul ai pam en de, wene ai mesik emin lagaksogo mo’gulnonto yo,” oluk Paulus Barnabas emin mo’gulentigisa. 43Asogo mo’gulentigisema, is se’ban ogu legesema eba en libegesarik lagaimu re, is aphwami Yahudi a’ge emin, o’borl o’gwe a’ge Allah iak wegesarik Yahudi a’ge ’gela’ge welegesa a’ge emin, enebe esanat ene’berlik legesa. Legesema, is Paulus Barnabas e’birek en e, disogo mo’gulentigisa,
“Allah ebabut op en taknenebasu a’ge ai, henede hegitsogo welat togu lomup o,” oluk enesa’go werigisa.
44Asogo egesema, aphwami enesa’go holholuk e, se’ban pobuk ogumu, aphwami o kota eba welegesa a’ge enebe mesik-mesik nak mo ogukhwe, enebe ’berlegat nonue ’gain Onuk Logo a’ge iak enesa’go holuogoluk odoktigisa. 45Odoktigisema, is ap Yahudi a’ge ebano aphwami esanat enil entigisarik ’bousogo re,
“Wene Paulus en oso ai henesa’go hologup no yo,” oluk wene ’balugulat, Paulus lak wene yagontogulat, tigisa. 46-47#Yes. 42:6; 49:6Asogo tigisa a’geat de, is Paulus Barnabas e’birek en onogorlok erlaksogoat welat e, disogo egesa,
“Allah iak ai his naduk mo’gulhonto hegitsogoat mo’gulhentau wege a’geat de, his henebit en ukpegeptik, honu’gwarek en e,
Nis noburlal-hoburlal taknonobo re, mia o, oluk u ’gela’geat ogu legep ai en, nis nonue ’gain Onuk Logo a’ge en yo’go nenebasulat mo’gulnentesi ’gela’geat tul o. At en,
An en e, aphwami o’borlma a’ge o dakharak enebasulat,
o ologun pam oruak a’ge delenebiselat, tigoluk e,
esaga ’gwielak ’gela’ge, his henebeat henebegi o,
oluk mo’gulnentesi hegitsogoat, hebeksogo is aphwami o’borloma a’ge mo’gulentai lul o,” oluk mo’gulentigisa. 48Asogo mo’gulontogwiam e, is aphwami o’borl o’gwe a’ge enesa’go hweligisarik, is en e,
“Nonue ’gain Onuk Logo a’ge en e, wene ai op modok egeimu hegi o,” oluk erliktigisarik onogola enagai hegesa. Onogola enagai holuk, Allah en is noburlal-hoburlal tagenebaigoluk poligenebesi a’ge en,
“Wene ai demat o,” oluk pobi tigisarik wegesa. 49Asogo wegesema re, o eba nonue ’gain Onuk Logo a’ge iak ai wiyaletil libaga.
50Asogo wiyaletil libagama re, is aphwami Yahudi a’ge en e, hwami ap o’borloma a’ge onugwami is ’gaindek Allah iak wegesa a’ge emin, is ap o kota eba ’gaindek welegesa a’ge emin, enemin en Paulus Barnabas e’birek mugontouwagoluk onogola ’gagaligisa. Asogo onogola ’gagaligisema re, is en e,
“His nis nonowi pam yema wolorogup erlak o,” oluk mukho lebigenebegesa. 51#Mat. 10:14; Mrk. 6:11; Luk. 9:5; 10:11Lebigonobogwiam, enede eberak welemagoluk, is Paulus Barnabas e’birek en e,
“Heneba lo’bok o,” oluk onoyuk ollong hosogo ukpoluk e, o Ikonium ’gwi legesa. 52’Gwi legesema, aphwami o Antiokhia eba a’ge Yesus iak wegesa a’ge ebano Allah Arogun onogola ’betesogo ’gwegeimu onogola enagai a’bik hegesa.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید