Peragenebesi 15
15
O Yerusalem en wene logat ’baligisa wene
1 #
Ima. 12:3
Ap logon o Yudea en o Antiokhia wegesarik e, Allah eiyagai eba a’ge wene disogo oluk mo’gulentigisa,
“His e, wene Musa en,
Disogo, yusogo togulom oluk mo’gulnentesi wene ano hegitsogo re, henagap hene’gerlimu a’ge ’balhonobogwi erlak holuk e, henebe Allah en delhonobua erlak o,” oluk mo’gulentigisa. 2Wene asogo mo’gulentigisema, at Paulus Barnabas e’birek en is ap ai disogo mo’gulentigisa,
“His en egep ai modok wiagat egep o,” oluk, enemin wene ’balogulat, wene sorok ogulat, a’bigat tigisa. Wene asogo sorok egesema re, is eba a’ge en e, Paulus Barnabas e’birek, is logon eneminat o Yerusalem legesarik e, is ap Yesus en enebe yo’go onoboluk peragenebesi a’ge ebano emin, is ap Allah eiyagai tenentarok welegesa a’ge emin, enemin en wene ai paget hwaluagoluk peragonobouwogoluk tigisa. 3Is Allah eiyagai en asogo egesarik peragenebegesema re, o eba en e, Fenisia en, Samaria en, lagalat e, disogo mo’gulentil legesa,
“Is aphwami o’borl o’gwe a’ge enebabut heberlegesarik onolukhwe Allah wogegisema o,” oluk mo’gulentil lagaimu, is Allah eiyagai eba a’ge loksogoat enagai a’bik hegesa. 4Is ebano o Yerusalem legesema re, is ap Yesus en yo’go onoboluk peragenebesi a’ge ebano emin, is ap Allah eiyagai tenentarok welegesa a’ge emin, is Allah eiyagai logon eba enebe odoktugu legesa a’ge emin, enemin en, hau wusogo wogenebigisa. Wogenebigisema, is en e,
“Nis Allah emin en disogo tige, asogo tige o,” oluk wene ’beli’gogo mo’gulentigisa. 5Mo’gulontogwiam, is ap Farisi a’ge Yesus iak demat oluk wegesa a’ge logon inotluk e, disogo mo’gulentigisa,
“Aphwami o’borl o’gwe a’ge Yesus iak wegesa a’ge eba re, enagap ene’gerlimu a’ge ’balonobogulat, wene Allah en Musa yo’go poluk nenesa’go weregei wene ano tenak welat, togulom o,” oluk mo’gulentigisa. 6Asogo mo’gulentigisema re, is ap Yesus en enebe yo’go onoboluk peragenebesi a’ge ebano emin, is ap Allah eiyagai tenentarok welegesa a’ge ebano emin, wene ai hwaluogoluk odoktigisa. 7#Per. 10:1-43Asogo odoktigisarik, wene is logon en ogulat, is logon en ogulat, logat ogu legesarik, at Petrus inagarik e, disogo mo’gulentesi,
“Ap yema logwe. Narilak o. Is aphwami o’borl o’gwe a’ge en wene op wene enesa’go hologulat, onogola en demat oluk pobi togulat, tuagoluk, an pageat his henemin oruakma, is eba mo’gulentai louwagoluk Allah en poliknoboluk yo’go nebesi ai henaluk o. 8#Per. 10:44; 2:4At Allah aphwami nenede aluk a’ge ano enat,
Yu an neiyagai o, oluk Arogun nis woknentesi ai ’gela’geat is ai ogo wogentesiat o. 9Is ogo mu ebeleat tagenebasulat, nis ogo mu ebeleat taknenebasulat, tu erlak o. We, is en Yesus iak demat oluk wegesema re, at en onogola’gwe hoenebegei aiat o. 10Allah en asogo tagokhwe re, his en at ebabut ’baluogoluk togu legep ai nopaget. Wene ai e’gin a’bik en e, nene’balak wo re, mia welegesa. Ye, nis en ogo wo mia welarat de, pobuk is Yesus iak wegesa a’ge ai wouwagoluk egep ai nopaget. 11Erlak o. At nonue ’gain Onuk Logo a’ge Yesus ebabut op en e, nenede at ebam he’berik pogwiam, nis delnenebiselat, is delenebiselat, nenemin hegitsogoat delnenebiso ai o,” oluk mo’gulentesi.
12Asogo mo’gulentesimu, is aphwami esan ebano eniak u erlakma en mo egesa. Asogo mo egesema, Paulus Barnabas e’birek en wene mo’gulontogulat e,
“Is aphwami o’borl o’gwe a’ge wene mo’gulontogwiam pobi tuagoluk, nis en elalinat tagonobogulat til no’gu legerik wege ai, ebe re, Allah enat tagenebasu laga o,” oluk ’beli’gogo mo’gulentasukhwe, enesa’go hologo welegesa. 13Wene arat mo’gulentigisema re, at Yakobus en disogo mo’gulentesi,
“Ap yema logwe. Narilak. An wene ik a’ge yu henesa’go hwelit o. 14Allah en is aphwami o’borl o’gwe a’ge enebam ede eberegeitik e, disogo egei,
Is logon an neiyagai emagoluk wogenebik o, oluk wogenebegei a’ge paget, at Simon en mo’gulnentesi ai o. 15Asogo mo’gulnentesi ai re, is ap Allah iak mo’gulontogu legesa a’ge ebano en egesa hegitsogoat mo’gulnentesi o. Is en disogo oluk pelal wegesa,
16-17 #
Amo. 9:11-12
Nenaik ’gain Onuk Logo a’ge en e,
Aphwami ado pema eba ’berlek emin,
is aphwami o’borl o’gwe a’ge,
an neiyagai oluk nu’gwarek nonuk ’balogo poligenebegi a’ge ai eba ’berlek emin,
enemin la’buksogo enaik ’gain Nonuk Logo a’ge an nebeat horonobuagoluk,
an nu’gwarek pobuk weik o.
Weiktik e, o orlo’buk osoam pobuk ’get worogwi ai ’gela’ge,
Daud lak ononuk erlak aga ai,
ononuk oruagap paik o.
Moluk egei a’ge ai, an en pobuk o’borlogouk erlaksogo modok wusogo pasulat, ’gerap pasulat, tik o, oluk,
at Nenaik ’gain Onuk Logo a’ge ano ’berlegat tago a’ge en
18asogo nenaluk emagoluk pageat mo’gulentesimu,
pelal wokho pegesa ai o. 19Ai en e, an nogola re, is aphwami o’borl o’gwe a’ge enebabut heberlotluk, onolukhwe Allah wogogwi a’ge ai re, onogola wiagap po re, erlak epasu legi o. 20#Kel. 34:15-17; Ima. 17:10-16; 18:6-23We, nis en e, wene disogo oluk pelal wokho ene’bek perakpouwok o. Dogwi asua pam he’berik welat uam worogwi a’ge ’gwerik no’gwiam enebe wiagaphorlogwi a’ge ai no mia. ’Babi tenonto miayat. Ye, di a’ge yu a’ge o’gorlop ’berelogo werak a’ge no’gulat, mep no’gulat, tu miayat o, oluk enesa’go wusogo ene’bek perakpouwok o. 21Wene Allah en at Musa mo’gulesimu, at en nenesa’go weregei wene ano, hwerli nena’bu nene’balak page eba enat, o da ya o aphwami Yahudi a’ge se’ban ogwi’gwe, agauwa Allah paget weat welat nin hwedik nan hwedik wene ai onuk tualogo mo’gulontogwi a’ge oruagat o,” oluk at Yakobus en mo’gulentesi.
Wene pelal wokho is Allah eiyagai o Antiokhia a’ge ene’bek perakpou wegesa wene
22Wene asogo egesarik e, is ap Yesus en enebe yo’go onoboluk peragenebesi a’ge ebano emin, is ap Allah eiyagai ’gwelagentarok welegesa a’ge ebano emin, Allah eiyagai logon odoktak welegesa a’ge ’berlek emin, enemin en wene disogo oluk ’baligisa,
“Ap nis a’ge logon pulogo yo’go onoboluk, Paulus Barnabas e’birek enemin o Antiokhia louwagoluk, peragonobouwok o,” oluk egesa. Asogo egesarik e, is Allah eiyagai logon en, at Yudas onuk mesik Barsabas ai emin, Silas ai emin,
“Enebabut op o,” oluk opogu legesa a’ge en, pelal wogo ai ene’gikmu woluk louwagoluk yo’go enebegesa. 23Wene ai pam pelal wokho pogulat, disogo egesa,
“Nis henarilak honorokhwi Yesus en nenebe yo’go nonoboluk peraknonobou waga a’ge emin, Allah eiyagai tenentarok welege a’ge emin, nenemin en e, his o Antiokhia a’ge, Siria a’ge, Kilikia a’ge, henebe o’borl o’gwe a’geat de, Allah eiyagai a’ge nenarilak nonorokhwi, oluk hau wathenebige ai o. 24Ap nis a’ge logon his hene’bek wegesarik e, nis en,
Wene disogo mo’gulentai lit, oluk peragonobou wom erlak a’geat de, is en his mo’gulhontogulat e, henede wiagaphonobogulat, henede yarluktak pogulat, tigisa o, oluk aphwami en egesema nenesa’go hwelige o. 25-27Nenesa’go hweligerik e, nenebe odoksogo welat wene ’balige o. Wene asogo ’baligerik e, Barnabas Paulus e’birek enebe nenede hwedik a’ge, enebe nonue ’gain Onuk Logo a’ge Yesus Kristus paget onoboluk, waronobuogoluk tugukhweat de, at ebaget togwi a’ge enemin hene’bek wemagoluk ap logon Yudas Silas e’birek yo’go enebegema wema ani o. Is wemarik e, wene pelal wokho pege a’ge ai enemde pam en ’beli’gogo mo’gulhontouwak o. 28Nis Allah Arogun emin welat e, wene disogo oluk ’balige ai. Wene e’gin a’ge mo’gulhonto mia o. We, wene yuat henesa’go holu o, oluk ege. 29Dogwi asua pam he’berik welat uam warogwi a’ge ai ’gwerik nagup erlak. Mep ai nagup erlagat o. Di a’ge yu a’ge o’gorlop ’berelogo werak a’ge ai nagup erlagat o. ’Babi tenentagubat o, oluk wene ’balige. Asogo tu erlakma en mo ogup holuk e, his op togu legep o, oluk ul ai o. Wene ai pam arat mo’gulhentige o. Narilak norokhwi,”
oluk pelal wokho perakpou wegesa.
30Asogo pelal wokho perakpou wegesema, o Antiokhia arat wegesarik e, Allah eiyagai enebe ’berlegat odoktagonoboluk, wene pelal wogo a’ge ano wogentigisa.
31Wogentigisema, onuk mo’gulegisarik e,
“Wene ai pam nonogola op aga,” oluk onogola enagai a’bik hegesa. 32Onogola enagai a’bik hegesema re, at Yudas Silas e’birek Allah iak mo’gulontogu legesa a’ge no oluk e, Allah eiyagai ebano enede sebelogulat, ago weragonobogulat, tuogoluk e, wene logat mo’gulontogu legesa. 33Asogo mo’gulontogwi welegesarikmu en, is Allah eiyagai o Antiokhia a’ge en e, is Yudas Silas e’birek hau wusogo, is enebe peragonobou wegesa a’ge ebano ene’bek pobuk togolik peragenebegesa. [ 34A’ge re, at Silas en e,
“An mo ik o,” oluk o Antiokhia mo egei.] 35Is Paulus Barnabas e’birek ogo re, o Antiokhia eba mo egesarik, is aphwami logon esanat enemin eba welat e, wene nonue ’gain Onuk Logo a’ge iak op wene ai mo’gulontogulat, enesa’go worogulat, togu legesa.
Paulus Barnabas e’birek Markus paget il-il wene ’baligisarik hundomok ’bogoligisa wene
36O eba agauwa logon enemin welegesarik en e, Paulus en Barnabas mo’guleselat e,
“O da ya nonue ’gain Onuk Logo a’ge iak mo’gulentil no’gu lege’gwe ebano pobuk togolik louwok o. Lagalat Allah eiyagai nenarilak nonorokhwi ebano no’gosogo oruak oluk, o seli lo’bok nenil entil louwok o,” oluk mo’gulesi. 37Asogo mo’gulesimu, at Barnabas en e, at Yohanes onuk mesik Markus ano woluk laigoluk tegei. 38#Per. 13:13Asogo tagoma, at Paulus en e,
“Erlak o. Nis Allah paget nemin til louwogoluk legerik en e, o Pamfilia en togolik sogulogo waga ebano re, pobuk togolik woluk lul erlak o,” oluk mo’gulesi. 39Asogo mo’gulesimu, e’birek wene harowiak ’baligisarik e, hun hunat ’bogoligisa. At Barnabas en e, Markus woluk e, ik olo’gwe ik so wusogo o Siprus waga. 40Wagama re, at Paulus en e, Silas yo’go pesirik womogoluk togumu, is Allah eiyagai o Antiokhia a’ge en e,
“Nonue ’gain Onuk Logo a’ge ebabut op a’ge ano en wokhonoboluk louwak o,” oluk hau wusogo peragonobou wegesema wegesa. 41Is ebano wagalat e, o propinsi Siria eba en ’bekhit o propinsi Kilikia Allah eiyagai enede ago weragenebil wegesa.
اکنون انتخاب شده:
Peragenebesi 15: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Peragenebesi 15
15
O Yerusalem en wene logat ’baligisa wene
1 #
Ima. 12:3
Ap logon o Yudea en o Antiokhia wegesarik e, Allah eiyagai eba a’ge wene disogo oluk mo’gulentigisa,
“His e, wene Musa en,
Disogo, yusogo togulom oluk mo’gulnentesi wene ano hegitsogo re, henagap hene’gerlimu a’ge ’balhonobogwi erlak holuk e, henebe Allah en delhonobua erlak o,” oluk mo’gulentigisa. 2Wene asogo mo’gulentigisema, at Paulus Barnabas e’birek en is ap ai disogo mo’gulentigisa,
“His en egep ai modok wiagat egep o,” oluk, enemin wene ’balogulat, wene sorok ogulat, a’bigat tigisa. Wene asogo sorok egesema re, is eba a’ge en e, Paulus Barnabas e’birek, is logon eneminat o Yerusalem legesarik e, is ap Yesus en enebe yo’go onoboluk peragenebesi a’ge ebano emin, is ap Allah eiyagai tenentarok welegesa a’ge emin, enemin en wene ai paget hwaluagoluk peragonobouwogoluk tigisa. 3Is Allah eiyagai en asogo egesarik peragenebegesema re, o eba en e, Fenisia en, Samaria en, lagalat e, disogo mo’gulentil legesa,
“Is aphwami o’borl o’gwe a’ge enebabut heberlegesarik onolukhwe Allah wogegisema o,” oluk mo’gulentil lagaimu, is Allah eiyagai eba a’ge loksogoat enagai a’bik hegesa. 4Is ebano o Yerusalem legesema re, is ap Yesus en yo’go onoboluk peragenebesi a’ge ebano emin, is ap Allah eiyagai tenentarok welegesa a’ge emin, is Allah eiyagai logon eba enebe odoktugu legesa a’ge emin, enemin en, hau wusogo wogenebigisa. Wogenebigisema, is en e,
“Nis Allah emin en disogo tige, asogo tige o,” oluk wene ’beli’gogo mo’gulentigisa. 5Mo’gulontogwiam, is ap Farisi a’ge Yesus iak demat oluk wegesa a’ge logon inotluk e, disogo mo’gulentigisa,
“Aphwami o’borl o’gwe a’ge Yesus iak wegesa a’ge eba re, enagap ene’gerlimu a’ge ’balonobogulat, wene Allah en Musa yo’go poluk nenesa’go weregei wene ano tenak welat, togulom o,” oluk mo’gulentigisa. 6Asogo mo’gulentigisema re, is ap Yesus en enebe yo’go onoboluk peragenebesi a’ge ebano emin, is ap Allah eiyagai tenentarok welegesa a’ge ebano emin, wene ai hwaluogoluk odoktigisa. 7#Per. 10:1-43Asogo odoktigisarik, wene is logon en ogulat, is logon en ogulat, logat ogu legesarik, at Petrus inagarik e, disogo mo’gulentesi,
“Ap yema logwe. Narilak o. Is aphwami o’borl o’gwe a’ge en wene op wene enesa’go hologulat, onogola en demat oluk pobi togulat, tuagoluk, an pageat his henemin oruakma, is eba mo’gulentai louwagoluk Allah en poliknoboluk yo’go nebesi ai henaluk o. 8#Per. 10:44; 2:4At Allah aphwami nenede aluk a’ge ano enat,
Yu an neiyagai o, oluk Arogun nis woknentesi ai ’gela’geat is ai ogo wogentesiat o. 9Is ogo mu ebeleat tagenebasulat, nis ogo mu ebeleat taknenebasulat, tu erlak o. We, is en Yesus iak demat oluk wegesema re, at en onogola’gwe hoenebegei aiat o. 10Allah en asogo tagokhwe re, his en at ebabut ’baluogoluk togu legep ai nopaget. Wene ai e’gin a’bik en e, nene’balak wo re, mia welegesa. Ye, nis en ogo wo mia welarat de, pobuk is Yesus iak wegesa a’ge ai wouwagoluk egep ai nopaget. 11Erlak o. At nonue ’gain Onuk Logo a’ge Yesus ebabut op en e, nenede at ebam he’berik pogwiam, nis delnenebiselat, is delenebiselat, nenemin hegitsogoat delnenebiso ai o,” oluk mo’gulentesi.
12Asogo mo’gulentesimu, is aphwami esan ebano eniak u erlakma en mo egesa. Asogo mo egesema, Paulus Barnabas e’birek en wene mo’gulontogulat e,
“Is aphwami o’borl o’gwe a’ge wene mo’gulontogwiam pobi tuagoluk, nis en elalinat tagonobogulat til no’gu legerik wege ai, ebe re, Allah enat tagenebasu laga o,” oluk ’beli’gogo mo’gulentasukhwe, enesa’go hologo welegesa. 13Wene arat mo’gulentigisema re, at Yakobus en disogo mo’gulentesi,
“Ap yema logwe. Narilak. An wene ik a’ge yu henesa’go hwelit o. 14Allah en is aphwami o’borl o’gwe a’ge enebam ede eberegeitik e, disogo egei,
Is logon an neiyagai emagoluk wogenebik o, oluk wogenebegei a’ge paget, at Simon en mo’gulnentesi ai o. 15Asogo mo’gulnentesi ai re, is ap Allah iak mo’gulontogu legesa a’ge ebano en egesa hegitsogoat mo’gulnentesi o. Is en disogo oluk pelal wegesa,
16-17 #
Amo. 9:11-12
Nenaik ’gain Onuk Logo a’ge en e,
Aphwami ado pema eba ’berlek emin,
is aphwami o’borl o’gwe a’ge,
an neiyagai oluk nu’gwarek nonuk ’balogo poligenebegi a’ge ai eba ’berlek emin,
enemin la’buksogo enaik ’gain Nonuk Logo a’ge an nebeat horonobuagoluk,
an nu’gwarek pobuk weik o.
Weiktik e, o orlo’buk osoam pobuk ’get worogwi ai ’gela’ge,
Daud lak ononuk erlak aga ai,
ononuk oruagap paik o.
Moluk egei a’ge ai, an en pobuk o’borlogouk erlaksogo modok wusogo pasulat, ’gerap pasulat, tik o, oluk,
at Nenaik ’gain Onuk Logo a’ge ano ’berlegat tago a’ge en
18asogo nenaluk emagoluk pageat mo’gulentesimu,
pelal wokho pegesa ai o. 19Ai en e, an nogola re, is aphwami o’borl o’gwe a’ge enebabut heberlotluk, onolukhwe Allah wogogwi a’ge ai re, onogola wiagap po re, erlak epasu legi o. 20#Kel. 34:15-17; Ima. 17:10-16; 18:6-23We, nis en e, wene disogo oluk pelal wokho ene’bek perakpouwok o. Dogwi asua pam he’berik welat uam worogwi a’ge ’gwerik no’gwiam enebe wiagaphorlogwi a’ge ai no mia. ’Babi tenonto miayat. Ye, di a’ge yu a’ge o’gorlop ’berelogo werak a’ge no’gulat, mep no’gulat, tu miayat o, oluk enesa’go wusogo ene’bek perakpouwok o. 21Wene Allah en at Musa mo’gulesimu, at en nenesa’go weregei wene ano, hwerli nena’bu nene’balak page eba enat, o da ya o aphwami Yahudi a’ge se’ban ogwi’gwe, agauwa Allah paget weat welat nin hwedik nan hwedik wene ai onuk tualogo mo’gulontogwi a’ge oruagat o,” oluk at Yakobus en mo’gulentesi.
Wene pelal wokho is Allah eiyagai o Antiokhia a’ge ene’bek perakpou wegesa wene
22Wene asogo egesarik e, is ap Yesus en enebe yo’go onoboluk peragenebesi a’ge ebano emin, is ap Allah eiyagai ’gwelagentarok welegesa a’ge ebano emin, Allah eiyagai logon odoktak welegesa a’ge ’berlek emin, enemin en wene disogo oluk ’baligisa,
“Ap nis a’ge logon pulogo yo’go onoboluk, Paulus Barnabas e’birek enemin o Antiokhia louwagoluk, peragonobouwok o,” oluk egesa. Asogo egesarik e, is Allah eiyagai logon en, at Yudas onuk mesik Barsabas ai emin, Silas ai emin,
“Enebabut op o,” oluk opogu legesa a’ge en, pelal wogo ai ene’gikmu woluk louwagoluk yo’go enebegesa. 23Wene ai pam pelal wokho pogulat, disogo egesa,
“Nis henarilak honorokhwi Yesus en nenebe yo’go nonoboluk peraknonobou waga a’ge emin, Allah eiyagai tenentarok welege a’ge emin, nenemin en e, his o Antiokhia a’ge, Siria a’ge, Kilikia a’ge, henebe o’borl o’gwe a’geat de, Allah eiyagai a’ge nenarilak nonorokhwi, oluk hau wathenebige ai o. 24Ap nis a’ge logon his hene’bek wegesarik e, nis en,
Wene disogo mo’gulentai lit, oluk peragonobou wom erlak a’geat de, is en his mo’gulhontogulat e, henede wiagaphonobogulat, henede yarluktak pogulat, tigisa o, oluk aphwami en egesema nenesa’go hwelige o. 25-27Nenesa’go hweligerik e, nenebe odoksogo welat wene ’balige o. Wene asogo ’baligerik e, Barnabas Paulus e’birek enebe nenede hwedik a’ge, enebe nonue ’gain Onuk Logo a’ge Yesus Kristus paget onoboluk, waronobuogoluk tugukhweat de, at ebaget togwi a’ge enemin hene’bek wemagoluk ap logon Yudas Silas e’birek yo’go enebegema wema ani o. Is wemarik e, wene pelal wokho pege a’ge ai enemde pam en ’beli’gogo mo’gulhontouwak o. 28Nis Allah Arogun emin welat e, wene disogo oluk ’balige ai. Wene e’gin a’ge mo’gulhonto mia o. We, wene yuat henesa’go holu o, oluk ege. 29Dogwi asua pam he’berik welat uam warogwi a’ge ai ’gwerik nagup erlak. Mep ai nagup erlagat o. Di a’ge yu a’ge o’gorlop ’berelogo werak a’ge ai nagup erlagat o. ’Babi tenentagubat o, oluk wene ’balige. Asogo tu erlakma en mo ogup holuk e, his op togu legep o, oluk ul ai o. Wene ai pam arat mo’gulhentige o. Narilak norokhwi,”
oluk pelal wokho perakpou wegesa.
30Asogo pelal wokho perakpou wegesema, o Antiokhia arat wegesarik e, Allah eiyagai enebe ’berlegat odoktagonoboluk, wene pelal wogo a’ge ano wogentigisa.
31Wogentigisema, onuk mo’gulegisarik e,
“Wene ai pam nonogola op aga,” oluk onogola enagai a’bik hegesa. 32Onogola enagai a’bik hegesema re, at Yudas Silas e’birek Allah iak mo’gulontogu legesa a’ge no oluk e, Allah eiyagai ebano enede sebelogulat, ago weragonobogulat, tuogoluk e, wene logat mo’gulontogu legesa. 33Asogo mo’gulontogwi welegesarikmu en, is Allah eiyagai o Antiokhia a’ge en e, is Yudas Silas e’birek hau wusogo, is enebe peragonobou wegesa a’ge ebano ene’bek pobuk togolik peragenebegesa. [ 34A’ge re, at Silas en e,
“An mo ik o,” oluk o Antiokhia mo egei.] 35Is Paulus Barnabas e’birek ogo re, o Antiokhia eba mo egesarik, is aphwami logon esanat enemin eba welat e, wene nonue ’gain Onuk Logo a’ge iak op wene ai mo’gulontogulat, enesa’go worogulat, togu legesa.
Paulus Barnabas e’birek Markus paget il-il wene ’baligisarik hundomok ’bogoligisa wene
36O eba agauwa logon enemin welegesarik en e, Paulus en Barnabas mo’guleselat e,
“O da ya nonue ’gain Onuk Logo a’ge iak mo’gulentil no’gu lege’gwe ebano pobuk togolik louwok o. Lagalat Allah eiyagai nenarilak nonorokhwi ebano no’gosogo oruak oluk, o seli lo’bok nenil entil louwok o,” oluk mo’gulesi. 37Asogo mo’gulesimu, at Barnabas en e, at Yohanes onuk mesik Markus ano woluk laigoluk tegei. 38#Per. 13:13Asogo tagoma, at Paulus en e,
“Erlak o. Nis Allah paget nemin til louwogoluk legerik en e, o Pamfilia en togolik sogulogo waga ebano re, pobuk togolik woluk lul erlak o,” oluk mo’gulesi. 39Asogo mo’gulesimu, e’birek wene harowiak ’baligisarik e, hun hunat ’bogoligisa. At Barnabas en e, Markus woluk e, ik olo’gwe ik so wusogo o Siprus waga. 40Wagama re, at Paulus en e, Silas yo’go pesirik womogoluk togumu, is Allah eiyagai o Antiokhia a’ge en e,
“Nonue ’gain Onuk Logo a’ge ebabut op a’ge ano en wokhonoboluk louwak o,” oluk hau wusogo peragonobou wegesema wegesa. 41Is ebano wagalat e, o propinsi Siria eba en ’bekhit o propinsi Kilikia Allah eiyagai enede ago weragenebil wegesa.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید