Surona Pueꞌ Iesu Laluita to mopakanótó óntóꞌna sura
Laluita to mopakanótó óntóꞌna sura
I lalu “Daritakáná Pobágóꞌraꞌ Surona Pueꞌ Iesu” deꞌe, Lukasi mopaliliu apa to naukiꞌ i lalu “Ngkóráꞌ Marasa Lukasi.” I lalu sura deꞌe, Lukasi motuntu pobágóꞌraꞌ topeguruna Pueꞌ Iesu i popahaweꞌraꞌ Ngkóráꞌ Marasa. Ánti peteteꞌna Inao to Magasaꞌ, bámbári to maroꞌa iti rapahaweꞌ “i Ierusale, i humalele tampoꞌ Iudá hai Samaria, haweꞌ-haweꞌ i humalele duniáꞌ” (1:8). I popahaweꞌraꞌ Ngkóráꞌ Marasa, handaꞌ tauna mepoinálái i Pueꞌ Iesu. To napakanótó woꞌo Lukasi: (1) tiꞌara ara tunggáiáraꞌ toSarani mampeliꞌ kamanawoꞌána kadatuá Roma; hai (2) apa to rapoinálái toIahudiꞌ, tebukeki miꞌi i lalu ágámáraꞌ toSarani.
To napaioru Lukasi i lalu sura deꞌe ia miꞌi pobágóꞌna Inao to Magasaꞌ. I Alo Pendáuluána Inao to Magasaꞌ (Alo Pentakosta), Inao to Magasaꞌ mokuasaꞌi upu-upu tauna to mepoinálái i Iesu i kótá Ierusale. Tabásá woꞌo i sura deꞌe noumbá rárána Inao to Magasaꞌ moteteꞌ toSarani hai mopakaróhó pepoináláiraꞌ. Lempóna Ngkóráꞌ Marasa rapakanótóákeꞌ, hai ane tabásá sura deꞌe, ina tongawaꞌ miꞌi kamakuasaꞌna Ngkóráꞌ Marasa iti i lalu katueꞌraꞌ upu-upu tauna to mepoinálái i Pueꞌ Iesu.
Óntóꞌna
1. Rárá mopahaweꞌ Ngkóráꞌ Marasa rapatimama (1:1-26)
a. Pueꞌ Iesu mopahaweꞌ hawaꞌNa hai dándiNa to kahópóꞌána (1:1-14)
b. Mátiá rapileꞌi mopaháwángi Iudasiꞌ (1:15-26)
2. Ngkóráꞌ Marasa rabámbári i Ierusale (2:1–6:7)
3. Setepanu rahakaꞌ haneꞌi rapapate (6:8–7:60)
4. Ngkóráꞌ Marasa rabámbári i tampoꞌ Iudá hai Samaria (8:4–12:25)
5. Pobágóꞌna Paulu mopahaweꞌ Ngkóráꞌ Marasa (13:1–28:31)
a. Polumaona Paulu to rungu-runguna (13:1–14:28)
b. Pogómbó i Ierusale (15:1-35)
c. Polumaona Paulu to karongkánina (15:36–18:22)
d. Polumaona Paulu to katáluna kánina (18:23–21:16)
e. Paulu ratarungku i Ierusale, Kaisarea, hai i Roma (21:17–28:31)
اکنون انتخاب شده:
Surona Pueꞌ Iesu Laluita to mopakanótó óntóꞌna sura: NTBEP
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bahasa Behoa Shorter Bible © Indonesian Bible Society, 2015.