Yaƹqub 3
3
Ccarr iy iǧan ḏeg yiȓes
1Ay ayṯma, itxeṣṣa war zzaywem itiȓi bu aṭṭas n imseȓmaḏen, aqa ṯessnem belli neccin imseȓmaḏen ataf axaneɣ izeyyar Arebbi ḏi lḥisab. 2Marra iḏneɣ ntegg aṭṭas n lɣalaṭ. Meȓa can yijjen war ixeṭṭi ca ḏeg wawaȓ nnes qaƹ, ataf wanita ḏ ijjen n bnaḏem nican ikmaȓ. Izemmar aḏ iḥkem x ddat nnes marra.
3Xmi ntegg sȓimeṯ deg uqemmum n ikiddaren, nneddeh-iṯen mani ma nexs. 4Cuf ƹaweḏ, aɣarrabu waxxa ḏ ameqqran aṭṭas iḏeffeƹ-iṯ arriḥ ijehḏen, walakin arrayes izemmar aṯ indeh s yijjen n dmam ḏ amezyan aṯ indeh mani ma ixes.
5Uȓa ḏ iȓes nneɣ netta ḏ ijjen n ṯmesȓayṯ ḏ ṯamezyant ḏi ddat nneɣ, walakin iteftaxar s ṯmesȓayin ṯimeqqranin. Cuf, ijjen n ȓɣabeṯ ḏ ṯameqqrant ṯesḥarreq-it ijjen n ṯȓuqit ḏ ṯamezyant! 6Iȓes netta ḏ ijjen n ṯmessi ḏayes ccarr aṭṭas iswessax marra min ɣarneɣ ḏi ddat nneɣ. Isruɣa ṯimessi ḏi marra ṯuḏarṯ nneɣ, ƹaweḏ netta s yixef nnes ṯesruqq-iṯ ṯmessi n jahennama.
7Izemmar bnaḏem aḏ irebba ȓuḥuc ḏ ijḍaḍ ḏ min itenḥuruḏen ḏ min itƹicen ḏi ȓebḥar mkuȓ nnuƹ, u ḏ ṣṣaḥ netta itrebba-ṯen. 8Walakin bnaḏem war izemmar aḏ irebba iȓes nnes, mayemmi? Netta ḏ ijjen n ccarr war iǧi uw iy ṯ ɣa isbedden iƹemmar s ssem ineqqen.
9Zzayes iy nḥemmeḏ Siḏi Arebbi Babaṯneɣ. Ma zzayes ƹaweḏ iy zi ɣa nenƹeȓ iryazen iy d ixȓeq Arebbi x ṣṣifeṯ nnes? 10Wac zeg yijjen n uqemmum iy zi ɣa nsufeɣ ccuker ḏ nnaƹȓeṯ? Lla ay ayṯma, manaya itxeṣṣa war itiȓi ca. 11Ma zemmaren aḏ ffɣen waman ḏ imiziḍen ḏ imerzagen zeg yijjen n ȓƹunṣar? 12Lla ay ayṯma. Ma ṯzemmar ṯcejjarṯ n ṯazarṯ aḏ tarew zzitun, niɣ ṯzayarṯ uḍiȓ aḏ tarew ṯazarṯ? Lla. Uȓa ḏ ȓƹunṣar ameǧaḥ war izemmar aḏ d isufeɣ aman ḏ imiziḍen.
Ṯanita ḏ ȓefhameṯ n ṣṣaḥ iy d yusin zi Arebbi
13Ma akiḏwem wenni iy ḏi ṯeǧa ȓefhameṯ ḏ ṯusna?#3.13 Ṯusna nettaṯ ḏ lmaƹrifa. Itxeṣṣa-yas aḏ d ismeḍhar manaya s mammec itƹic s lmaƹqul ḏ lḥasanaṯ nnes ig itegg ak yijjen n ttawaḍuƹ iy d itasen s ȓefhameṯ. 14Walakin meȓa ḏaywem ȓeḥseḏ ḏ aƹeffan ḏ lʼananiya, war teftaxareṯ ca s yixef nwem. Iƹni itxeṣṣa-yawem kenniw war ṯesxarriqem ca x lḥaqiqa. 15Nnuƹ n ȓefhameṯ-a war d thewwi ca zeg ujenna; Lla, nettaṯ n ddunect-a n yiwḏan n Cciṭan. 16Minzi mani ma iǧa ȓeḥseḏ ḏ lʼananiya, ḏinni uȓa ḏ ȓfawḍa ḏ kuȓ ccarr.
17Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq. 18Yinni isemṣȓaḥen iwḏan zerrƹen manayenni, ataf aḏ mjaren ijjen n ṯfeǧaḥṯ n ȓḥaqq.
اکنون انتخاب شده:
Yaƹqub 3: RIF
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید