آیات محبوب کتاب مقدس از Yaƹqub 3

به اشتراک گذاشتن

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

Ma akiḏwem wenni iy ḏi ṯeǧa ȓefhameṯ ḏ ṯusna? Itxeṣṣa-yas aḏ d ismeḍhar manaya s mammec itƹic s lmaƹqul ḏ lḥasanaṯ nnes ig itegg ak yijjen n ttawaḍuƹ iy d itasen s ȓefhameṯ.

Yinni isemṣȓaḥen iwḏan zerrƹen manayenni, ataf aḏ mjaren ijjen n ṯfeǧaḥṯ n ȓḥaqq.

Minzi mani ma iǧa ȓeḥseḏ ḏ lʼananiya, ḏinni uȓa ḏ ȓfawḍa ḏ kuȓ ccarr.

Zzayes iy nḥemmeḏ Siḏi Arebbi Babaṯneɣ. Ma zzayes ƹaweḏ iy zi ɣa nenƹeȓ iryazen iy d ixȓeq Arebbi x ṣṣifeṯ nnes? Wac zeg yijjen n uqemmum iy zi ɣa nsufeɣ ccuker ḏ nnaƹȓeṯ? Lla ay ayṯma, manaya itxeṣṣa war itiȓi ca.

Iȓes netta ḏ ijjen n ṯmessi ḏayes ccarr aṭṭas iswessax marra min ɣarneɣ ḏi ddat nneɣ. Isruɣa ṯimessi ḏi marra ṯuḏarṯ nneɣ, ƹaweḏ netta s yixef nnes ṯesruqq-iṯ ṯmessi n jahennama.

Walakin bnaḏem war izemmar aḏ irebba iȓes nnes, mayemmi? Netta ḏ ijjen n ccarr war iǧi uw iy ṯ ɣa isbedden iƹemmar s ssem ineqqen.

Ay ayṯma, itxeṣṣa war zzaywem itiȓi bu aṭṭas n imseȓmaḏen, aqa ṯessnem belli neccin imseȓmaḏen ataf axaneɣ izeyyar Arebbi ḏi lḥisab.