創世記 36
36
以掃个後代
(歷代志上 1:34-37)
1 以掃个後代記在下背；以掃又安到以東。
2 以掃㧯迦南女子結婚；佢討赫人以倫个妹仔亞大，又討希未人祭便个孫女 — 亞拿个妹仔阿何利巴瑪， 3又討以實瑪利个妹仔 — 尼拜約个老妹芭實抹。 4亞大𫱔以利法；芭實抹𫱔流珥； 5阿何利巴瑪𫱔耶烏斯、雅蘭、可拉。以掃這兜孻仔全部係在迦南出世个。
6 以掃帶佢个大婆、細姐、子女㧯佢全家人，並佢所有个牛羊、頭牲㧯在迦南得到个財物，離開厥老弟雅各，去別个地方。 7因為佢兩家有當多牛羊㧯盡多財產，佢等做旅客个地方毋罅闊，無法度共下住， 8以掃就離開該地方，去住在以東山區；以掃又安到以東。
9以下係以東人个祖先以掃个後代。
10 以掃孻仔个名記在下背：以掃个𡜵娘亞大𫱔一個孻仔安到以利法。以掃个𡜵娘芭實抹𫱔一個孻仔安到流珥。
11 以利法个孻仔就係：提幔、阿抹、洗玻、迦坦、基納斯。 12以利法个細姐亭納𫱔一個孻仔亞瑪力。以上係以掃个𡜵娘亞大个子孫。
13 流珥个孻仔就係：拿哈、謝拉、沙瑪、米撒。以上係以掃个𡜵娘芭實抹个子孫。
14 以掃个𡜵娘阿何利巴瑪係祭便个孫女 — 亞拿个妹仔；姖㧯以掃𫱔个孻仔就係：耶烏斯、雅蘭、可拉。
15以下係以掃後代个支族。以掃个長子以利法係提幔、阿抹、洗玻、基納斯、 16可拉、迦坦、亞瑪力各族个祖先。這兜支族住在以東，全部係以掃个𡜵娘亞大个後代。
17 以掃个孻仔流珥係拿哈、謝拉、沙瑪、米撒各族个祖先。這兜支族住在以東，全部係以掃个𡜵娘芭實抹个後代。
18 耶烏斯、雅蘭、可拉各族係以掃个𡜵娘 — 亞拿个妹仔阿何利巴瑪个後代。
19以上這兜支族全部係以掃个後代；以掃又安到以東。
西珥个後代
(歷代志上 1:38-42)
20-21 以東地區原住民个祖先全部係何利人西珥个後代。佢等係：羅坍、朔巴、祭便、亞拿、底順、以察、底珊。
22 羅坍係何利、希幔兩族个祖先。 (羅坍有一個老妹名安到亭納。)
23 朔巴係亞勒文、瑪拿轄、以巴錄、示玻、阿南各族个祖先。
24 祭便有兩個孻仔，就係亞雅㧯亞拿。 (當年在曠野代阿爸掌驢仔、尋到溫泉个，就係這個亞拿。)
25 亞拿係底順个阿爸；亞拿有一個妹仔名安到阿何利巴瑪。 26底順係欣但、伊是班、益蘭、基蘭各族个祖先。
27 以察係辟罕、撒番、亞干各族个祖先。
28 底珊係烏斯㧯亞蘭兩族个祖先。
29-30 以東地區何利人个各族就係：羅坍、朔巴、祭便、亞拿、底順、以察、底珊。
以東列王
(歷代志上 1:43-54)
31 以色列人還吂有君王以前，在以東做王个，記在下背：
32 比珥个孻仔比拉在以東做王，佢个京城安到亭哈巴。 33比拉死後，波斯拉人謝拉个孻仔約巴接等佢做王。 34約巴死後，提幔地區个人戶珊接等佢做王。 35戶珊死後，比達个孻仔哈達接等佢做王；這哈達就係在摩押地打贏米甸人个，佢个京城安到亞未得。 36哈達死後，瑪士利加人桑拉接等佢做王。 37桑拉死後，大河壩个利河伯人少羅接等佢做王。 38少羅死後，亞革波个孻仔巴勒‧哈南接等佢做王。 39亞革波个孻仔巴勒‧哈南死後，哈達接等佢做王；佢个京城安到巴烏；佢个𡜵娘安到米希她別，係瑪特列个妹仔 — 米‧薩合个孫女。
40 以掃係亭納、亞勒瓦、耶帖、 41阿何利巴瑪、以拉、比嫩、 42基納斯、提幔、米比薩、 43瑪基疊㧯以蘭這兜以東人各族个祖先。各族所住个地區，用各族个名來安名。
اکنون انتخاب شده:
創世記 36: THV12Hdb
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2012
All rights reserved
© 台灣聖經公會版權所有 2012