آیات محبوب کتاب مقدس از Marcos 10

به اشتراک گذاشتن

Tan VIK'AOL U NAJE' kat uli jit ti' uva' la lochpi ta'n unq'a tename' kat ulkat, pet kat uli ti' ul taq'at tib' kamoj ti' iq'alpul unq'a tename' vatz vipaave',— ti'k u Jesúse'.

As isaji ve't u Jesús chajnaj. Ech tal ve't Aak ile': —As vatz unq'a uxhchile', as a' chite' ye' la uchi. Pet ech koj vatz u Tiixhe', tan la chit ib'ane',— ti'k Aak.

As ech tal ve't u Jesús ile': —Kuxh ve'te', tan ti' uva' kat ak'ujb'a' ak'u'l svi', as kat ilonyu ve't vavatze',— ti'k Aak. As yak kuxh ilon ve't naj. As xekeb' ve't naj ti' u Jesús tul b'en ve't Aak.

As la val sete, tan ab'il uva' a' u Tiixhe' kat b'anon uva' kat teq'o tib', as ye'xheb'il la jatxon ivatz,— ti'k u Jesús.

As isaji ve't u Jesús naj. As ixo'ni ve't Aak naj. Ech tal ve't Aak ile': —Atil chit uma'te uva' ye' ab'ane'te. Pet kuxh k'ayi kan unq'a tx'iib'al aq'iie' skajayil. As la ajatx ve't vija'mile' xo'l unq'a meeb'a'e'. As nimal u b'a'nile' lak'ul tu almika'. Pet si'u. Xekeb'en svi', as k'uxh la apaleb'e k'axk'o as moj la kam axh svi',— ti'k Aak.

As ech tal ve't u Jesús ile': —¿Kam q'i nasa' uva' la unb'ane'?— ti'k Aak. Ech tal ve't u tzot ile': —Chusul, a' ni vale' uva' la ilon vunvatze',— ti'k naj.

Pet jit'e'ch la ib'an sexo'l, tan ab'iste ex uva' nesa' uva' nim etalche' ti' unq'a emoole', as exe' lochol tetz vemoole' la ib'ane'.

As jik chit tuk val sete, tan ab'il uva' jit'e'ch vitxumb'ale' eche' itxumb'al umaj talaj intxa' la ib'ane' ti' uva' la til u Tiixhe' isuuchil, as ye'l tokeb'al xo'l u tename' uva' at jaq' u tijle'm u Tiixhe',— ti'k u Jesús.

Tan nimal unq'a uxhchile' uva' ni toksal iq'ii ta'n unq'a tename', as tul a'e' uva' jit nim talche' vatz u Tiixhe'. Pet ech koj unq'a uxhchile' uva' ye'l iq'ii vatz unq'a tename', as a'e' uva' nim talche' vatz u Tiixhe',— ti'k u Jesús.

Tan tixe'teb'al u vatz tx'ava'e' kat icheesa u Tiixhe' u naje' as u ixoje'. Esti'e' la taq' ve't kan u naje' vib'aale' tuk' vitxutxe'. As la teq'o ve't tib' naj tuk' u tixqele'. As eela kuxh stuk' uva' uma'l kuxh ve't uxhchil la ib'ane' vatz u Tiixhe'. As jit ve't ka'va'l, pet unvatzul kuxh ve't vichi'ole' skaab'il la ib'ane'.