آیات محبوب کتاب مقدس از मत्‌ती 19

به اشتراک گذاشتن

ईसु तींद्‌रे भीणी एक हेट्‌यु भाळीन कह्‌यु, “माणसे सी ज नी बणे, बाकुन भगवान सी आखो काय कर सके।”

अळतेन चे हय सी दुय नी, बाकुन एक डील छे। तेरेमां तीनाक भगवान जुड़लु छे, तीना काजे माणुस अलग नी करे।”

ईसु कह्‌यु, “काय तुहुंं चुखली सास्‌तुर मां नी भण्‌या की, जु तीनुक बणायु चु सुरु सी अदमी ने बायरी काजे बणायु। ईनी वजे सी माणुस आपणा आयस-बास सी अलग हयन, आपसी बायरी साते रवसे ने चे दुयु जणा एक डील बणीन रवसे।

ईसु कह्‌यु, “पुर्‌या काजे मारे धड़े आवणे देवु, ने हीनुक मां रुकु, काहाकी सरग वाळा भगवानेन राज असलात छे।”

बाकुन बेसका माणसे हय अगळ छे, चे पछळ हय जासे, ने जे हय पछळ छे, चे अगळ हय जासे।

ने जु कुय बी घर, नीते भायसेक, नीते बहणीस, नीते बास, नीते माय, नीते नानला पुर्‌या नीते खेते काजे मारा नाव वाटे छुड़ देदला छे, तीना काजे सोव गुणा फळ जड़से, ने चे जलम जीवनेन हकदार्‌या बी हय जासे।

ईसु तीना काजे कह्‌यु, “कदी तु पाक्‌कु बन्‌ने चाहे ती जां तारा धन काजे वेचीन गरीब काजे आप दे, ने तुसे सरगे मां धन जड़से; ने तु मारु चेलु बणीन मारे पुठ्‌ये चाल।”

ईसु तीना काजे कह्‌यु, “तु मारे सी भलायन बारामां काहा पुछे? वारु ते एकुत छे, कदी तु जीवन मां जाणे चाहे ती भला काम करने वाळा भगवानेन हुकुम काजे मान्‌या कर।”

तुंद्‌रे सी अळी कह्‌व की, भगवानेन राज मां धन वाळा काजे भरायणु उटड़ान सुईन नाचका मां भरायणु जादा सरल छे।”

ने मे तुंद्‌रे सी कह्‌व की, जे दीसरान उतरेन वजे सी आपणी बायर काजे छुड़ीन दीसरी सी ईयाव करे चु छीनाळो करे ने जे हीनी छुल्‌ली सी ईयाव करसे चु बी छीनाळो करे।”

तत्‌यार ईसु तेरा चेला काजे कह्‌यु, “मे तुंद्‌रे सी छाचलीन कह्‌व की धन वाळा माणसे काजे सरग वाळा भगवानेन राज मां जाणु काठो छे।