آیات محبوب کتاب مقدس از मत्‌ती 18

به اشتراک گذاشتن

काहाकी जां दुय नीते तीन मारा नाव सी भेळा हवसे, ती मे तींद्‌रे ईचमां रव।”

“अळी मे तुंद्‌रे छाचलीन सी कहं, कदी तुंद्‌रे मां सी दुय जणा धरती पर काहनीक वात वाटे एक मन्‌या हय्‌न मांगसे, ती च मारा बास भीणी सी जु सरग मां छे, हींद्‌रे वाटे हय जासे।

तत्‌यार ईसु एक नानला पुर्‌या काजे धड़े बुलायन हींद्‌रे ईचमां उबु कर्‌यु, ने कह्‌यु, “मे तुंद्‌रे सी छाचलीन कहं की जत्‌यार लग तुहुंं पाप भीणी सी मन नी फेरवु चां लग तुहुंं हीना नानला पुर्‌यान तसा नी बणु, तत्‌यार लग तुहुंं सरगेन राज मां नी जाय सकु।”

जु कुय बी आपसा काजे हीना नानला पुर्‌यान तसु नानलु बणसे, चु सरग वाळा भगवानेन राज मां आखा सी मटु बण जासे।

ने जु कुय बी मारा नाव सी एक असला नानला पुर्‌यान आव-भाव करसे, चु मारु आव-भाव करे।

“मे तुहुंंक छाचलीन कह्‌वो, ज काय तुहुंं कळी पर बांदसु, च सरग मां बांदायसे, ने ज काय तुहुंं कळी पर उघाड़सु, च सरग मां उघड़से।

“हीनीत रीते कदी तुंद्‌रे मां सी कुय आपणा भाय काजे मन सी माफ नी करे, ती मारु बास सरगे मां छे, तुहुंंक बी माफ नी करे।”

“बाकुन जु कुय बी हीनु नानला मां सी जे मारे पर भुरसु करे ने एक काजे ठुकर खावाड़ेन वजे बणे, तेरे वाटे ते ज वारु छे की मट्‌ली घट्‌टीन पुड़ तेरे गळा मां बांदीन, नेचु उंडला समुदर मां डुब जाय।

“तुंद्‌रु काय वीच्‌यार छे? कदी काहनाक माणसेन सोव गाडरा रवे; ने तींद्‌रे मां सी एक खुवाय जाय, ती काय चु एक कम सोव गाडरा काजे रहणीदीन, बयड़ा पर जाय्‌न तीनु खुवायला काजे नी हेरे?