آیات محبوب کتاب مقدس از رومیوں 10

به اشتراک گذاشتن

جے تُوں آپنڑی زبان نال اِقرار کریں جو یسُوع خُداوند ہے تے آپنڑے دل نال اِیمان گِھن آویں جو خُدا اُونکُوں مُردیاں ءچوں زندہ کیتے تاں نجات پا گِھنسیں۔

کیوں جو راستباز کھڑائے ونجنڑ کیتے دل نال اِیمان گِھن آونڑاں ہوندے تے نجات حاصل کرݨ کیتے اِقرار مُنہ کنُوں کیتا ویندے۔

بس اِیمان سُنڑݨ تُوں پیدا تھیندے یعنی مسیح دا کلام سُنڑݨ نال۔

اِیں واسطے خُدا دا کلام ایہ آدھے جو ”جیہڑا کوئی اُوندے اُتے اِیمان گِھن آسی او کڈھائیں شرمندہ نہ تھیسی۔“ کیوں جو یہُودی تے غیریہُودی ءچ کوئی فرق نئیں اِیں واسطے جو خُداوند ای سبھ دا خُداوند ہے تے سبھ کُوں جیہڑے اُوندے تُوں دُعا کریندن فیاضی نال برکت ڈیندے۔ کیوں جو ”جیہڑا وی رب دا ناں گِھنسی نجات پیسی۔“

تے خوشخبری کِینویں سُنڑاوݨ جئیں تئیں کوئی اُنہاں کُوں نہ بھیجے ؟ اِیں واسطے لِکھیا ہے جو ”جیہڑے لوک خوشخبری سُنڑیندے ہِن، اُنہاں دے پیر کیجھے بختاں آلے ہِن۔“

پر او اُوندا ناں کِینویں گِھننڑ جیندے اُتے او اِیمان نئیں گِھن آئے؟ تے اُوندے اُتے اِیمان کِینویں گِھن آوݨ جیندے بارے ءچ سُنڑیا نئیں؟ تے کِینویں سُنڑݨ جئیں تئیں کوئی اُنہاں کُوں خوشخبری نہ سُنڑاوے؟

کیوں جو مسیح شریعت دی تکمیل ہے تے نتیجے ءچ ہر اِیمان گِھن آوݨ آلا راستباز کھڑایا ویندے۔