آیات محبوب کتاب مقدس از Matiyu 26

به اشتراک گذاشتن

Á tu á ɲaanna, á i Kirinŋ nafɛ-ri, nwɔma shitaanni fa na á sunnɛɛn bo bijɛ ma sun kì, sabu konanmini ciiru ki faa-a bi shɔɔrinŋ ma ɲakili ki ra, nka yìrì ma ki faan ki firi ki ru kì. »

Ntiŋ i ǹʼbi kí tɛ tu : « Tɔnfɔɔ ki a míŋ kilɛn. Á tu á ɲaanna míŋ fan kwumaŋ, á fa ɲinintan kì. »

Ntiŋ i ta jɛŋ pyaanniŋ, ntiŋ i a kwushiri, ntiŋ i a ɲaanfɛ ki cibi fwuniŋ sun, ntiŋ i Kirinŋ nafɛ, ntiŋ i ǹʼbi tu : « Míŋ Tiŋ, a ǹʼji-a so ma-i, á ka cɔɔri ka maŋ nari míŋ na. Nka niŋ fa a fɔn na, míŋ dintɛ bi ki fa ma kì, duu ábɛɛ dintɛ wɔ ki. »

sabu míŋ cunŋ ki yɛ, Kirinŋ wɔ tɔnwɔriki cɛ sɔɔ cunŋ ki, ninwɔ̀ kɔnkɔli-i koŋ mwɔɔnna bira, nwɔma kɔ́ɔ́ bijɛ kiri i tu kí tɛ. »

Ŋì i kí tu Jonbikɔ ɲaannabyɛ ki nufinŋ ki nu-a, Yesu i bwuru ki shi, ntiŋ i baraka bi Kirinŋ tɛ, ntiŋ i ǹʼnucɛn cɛn wɔri ta awɔ kalindaŋ kiri tɛ, ntiŋ i ǹʼbi : « Á ǹʼmwu, á i ǹʼnu, ka i míŋ firi ki i. »

Niŋ kɔɔtɛ, ntiŋ i dunfɛnŋ kulu ki shi, ntiŋ i baraka bi Kirinŋ tɛ, ntiŋ i ǹʼwɔri kí tɛ, ntiŋ i ǹʼbi : « Á bataa ǹʼbɛɛ mwunu

Ntiŋ i a pwulu na kalindaŋ kiri maŋ ki ru, ntiŋ i na kí kila ɲinintan-a. Ntiŋ tu Pyɛɛri tɛ tu : « Pyɛɛri, hali ábɛɛ so tu-i á ɲaanna ŋì i lɛɛri tenŋ kila míŋ fan kì wa?

Yesu tu kí tɛ : « Míŋ a ǹʼbi ábɛɛ tɛ, ńʼtu míŋ a dunfɛnŋ mwunu kili kì, fɔ jibi wɔ̀ míŋ fa ábɛɛ ra na ǹʼmwunu ńʼTiŋ ki wɔ Masabi ki ru, mwunuka ɲaan ŋunaŋ tɛ. »

Pyɛɛri ɲakili i bo Yesu wɔ wulu bimaan ki tɛ a tɛ tu : « Ɲandaŋ kiri ra so bulu sun jiŋ, miŋ a ǹʼbi kaan byaŋ, ńʼtu miŋ míŋ tɔ-a kì. » Pyɛɛri i po taanna, ntiŋ i ta ŋuntan kusɛbɛ.

Á jɔrɔkɔ, yi tiri. Konwɔtiŋ a míŋ de kí gbɛfɛ, ninki i yiri-ra ka a! »

Nka Yesu tu niŋ kalindaŋ ki tɛ : « Nʼwɔ baamwuru ki de a foo ki ru nmaŋ, sabu koŋ finŋ woo finŋ i kari tan-a baamwuru ra, niŋ bataa i beeni-a baamwuru sababu ra.