آیات محبوب کتاب مقدس از Maalʉko 10

به اشتراک گذاشتن

Nanɨ nɨMwana wa Muntu saga ɨnɨnzɨle abhombelwe, lyoli ɨnɨnzɨle hubhabhombele abhanjɨ na‑afumye ʉwʉʉmi waanɨ huje ɨmbagombole abhantu abhinji.”

ɄYeesu ahabhazyamila, ahabhabhʉʉzya ahaga, “Ɨzi saga zigabhombwa na bhantu, leelo hwa Ngʉlʉbhɨ zigabhombeha, pɨpo hwa Ngʉlʉbhɨ zyonti zibhombeha.”

ɄYeesu ahamʼponia, ahaga, “Ʉponile hu nongwa yɨ lwɨtɨho lwaho. Bhalaga hu khaaya.” Pɨnɨɨpo, ʉmuntu ʉla ahanda alole, ahamʼmɨnjɨɨlɨla ʉYeesu mwi‑idala.

Abhantu ɨbho ʉNgʉlʉbhɨ abhapatihɨɨnye, asahasheele ʉmuntu nkʉ‑ʉmo hubhalehanye.”

ɄYeesu ahamʼmwenya, ahanʼgana, ahamʼmʉʉzya ahaga, “Ahantu heeka habhuliiye huliiwe. Bhalaga ʉkazye ɨvintu vyonti vyʉ‑ʉli navyo, ɨmpɨɨya ɨzyo ʉbhapeele abhapɨɨna, nawe wahayibha nɨ mfuha hwa Ngʉlʉbhɨ. Nkʉ‑ʉyɨnzaje, ʉmbɨnjɨlɨzyaje anɨ na‑abhe nʼsundwe waanɨ.”

ɄYeesu ahamʼmʉzɨɨlɨzya huje, “Ʉhwanza huje, ɨʼbhombele yeenu?” Ʉnʼtonko ʉla ahamʼmwamula huje, “Mʼmanyizyi, ɨhulaabha huje, amaaso gaanɨ geenye.”

Leelo, huliimwɨ amwɨ saga zinza‑abhe ɨsho. Lyoli ʉmuntu ʉyo ahwanza abhe nʼgoosi weenyu, ahwanziwa abhe mʼmomvi weenyu mwenti.

Lyoli ɨhubhabhʉʉzya huje, ʉmuntu ʉyo saga ahwɨtɨha ʉlongozi wa Ngʉlʉbhɨ nanshi ʉmwana ʉnʼdoodo sha‑ahwɨtɨha, saga agatʉʉha nka lumo mu wumwɨnɨ ʉwa Ngʉlʉbhɨ.”

Leelo, abhinji bha bhatinihwa hu habhaazyo ɨha, saga bhahayitinihwa hu habhaazyo ha hahwɨnza. Nantele, abhinji bha saga bhatinihwa hu habhaazyo ɨha, bhahayitinihwa hu habhaazyo ha hahwɨnza.”

Leelo, afume hu wandilo ʉNgʉlʉbhɨ lwa‑ahapelaga ɨnsi, ‘ahapelile ʉnʼnume nʉ nʼshɨ.’ ‘Yɨ nongwa ɨnɨ, ʉnʼnume ahayihunʼneha ʉyise nʉ nyina, ahayipatiihana nʉ nʼshɨ waakwe. Bhabhɨɨlɨ ɨbho bhahayibha mʼbɨlɨ gweka.’ Ɨshi, bhabhɨɨlɨ ɨbho saga bhabha bhantu bhabhɨɨlɨ nantele, lyoli bhabha mʼbɨlɨ gweka.