آیات محبوب کتاب مقدس از Filipitɔwo 4

به اشتراک گذاشتن

Migatsi dzimaɖi le naneke ŋuti o, ke boŋ ne miele gbe dom ɖa la, migblɔ nu siwo katã hiã mi la na Mawu, eye miada akpe nɛ.

Ale Mawu ƒe ŋutifafa si gbɔ amegbetɔ ƒe nugɔmesese ŋu yi sãa la, nadzra miaƒe dziwo kple susuwo ɖo dedie le Kristo Yesu me.

Mlɔeba la, nɔvinyewo, mina nu nyuitɔ kple esiwo dze na kafukafu la ɖeɖe ko naxɔ aƒe ɖe miaƒe susu me. Esiawoe nye: nu sia nu si nye nyateƒe, nu sia nu si dze na bubu, nu sia nu si le dzɔdzɔe, nu sia nu si dza, nu sia nu si nyakpɔna kple nu sia nu si dzèa ame.

Ŋusẽ si Kristo naam lae wɔe be mete ŋu doa go nu sia nu.

Dzi nedzɔ mi ɣe sia ɣi le Aƒetɔ la me. Megale egblɔm ake be: dzi nedzɔ mi!

Ke nye Mawu la ana miaƒe hiahiã katã nazu nunɔamesi taŋtaŋ le eƒe kesinɔnu la nu, le ŋutikɔkɔe me le Kristo Yesu me.

Minɔ agbe ɖe nu siwo miesrɔ̃ tso gbɔnye, nu siwo miexɔ, nya siwo miese le nunye kple nu siwo miekpɔ le nye agbenɔnɔ me la nu, eye Mawu, ame si naa ŋutifafa la, nanɔ kpli mi.

Migbɔ dzi blewuu na amewo katã. Aƒetɔ la gogo.

Menya nu si nye ahedada, eye menya nu si nye gakpɔkpɔ hã. Le nu sia nu me la, mesrɔ̃ ale si wòle be ame nanɔ ɣeawo katã ɣi: le dɔwuame alo ƒoɖiɖi me; le ahedada alo hokpɔkpɔ me.

Nyemele konyi fam be hiã tum o, elabe mesrɔ̃e le nu sia nu me le afi sia afi be ale si menyale ko la, nadze ŋunye.