آیات محبوب کتاب مقدس از Galatiatɔwo 5

به اشتراک گذاشتن

Ke nu siwo doa go tso Gbɔgbɔ la me la woe nye: lɔlɔ̃, dzidzɔ, ŋutifafa, dzigbɔɖi, dɔmenyo, nu nyui wɔwɔ, nuteƒewɔwɔ, tufafa kple ɖokuidziɖuɖu. Se aɖeke metsi tre ɖe nu siawo dometɔ aɖeke ŋu o.

Mele egblɔm na mi be mina Mawu ƒe Gbɔgbɔ la nafia ale si mianɔ agbee la mi, ale be miagazɔ ɖe nu siwo amegbetɔ ƒe dzɔdzɔme dina la nu o.

Nenye Gbɔgbɔ lae na agbe mí la, ekema mina míanɔ agbe ɖe eƒe didi nu.

Ame siwo nye Kristo Yesu tɔ la, klã woƒe ŋutilã kple eƒe nudzroamewo kple fieŋufieŋuwo katã ɖe atitsoga ŋuti.

Azɔ la, dɔ siwo amegbetɔ ƒe dzɔdzɔme wɔna la dzena ƒãa. Esiawo nye: matrewɔwɔ, nu makɔmakɔ wɔwɔ, hadzedze, trɔ̃subɔsubɔ, afakaka, kewɔwɔ, dzrewɔwɔ, ŋuʋaʋã, dɔmedzoedodo, ɖokuitɔdidi, amedomemama, ŋuiɖoɖo ame nɔewo, dɔmevevi, ahamumu, aglotutu kple nu siwo ɖi esiawo tɔgbe wɔwɔ. Megale egblɔm na mi da ɖi, abe ale si megblɔe na mi da ɖi tsã la ene, be ame siwo wɔa nu siawo tɔgbe la, manyi mawufiaɖuƒe la dome akpɔ o.

Nɔvinyewo, ɖe woyɔ mi vɛ be miava kpɔ ablɔɖe, avo. Ɖeko ablɔɖe si miekpɔ la naganye mɔɖeɖe na nuvɔ̃ɖi, siwo miaƒe ŋutilã dina la o. Ke boŋ misubɔ mia nɔewo kple lɔlɔ̃

Elabe nu siwo amegbetɔ ƒe dzɔdzɔme dina la, tsi tre ɖe Gbɔgbɔ la tɔwo ŋuti, eye nu siwo Gbɔgbɔ la hã dina la, tsi tre ɖe ame ƒe dzɔdzɔme tɔwo ŋuti. Nu siawo tsi tre ɖe wo nɔewo ŋuti, bene miagawɔ nu si miedi la o.

elabe sea ƒe taƒonyae nye nyagbe sia be: “Lɔ̃ hawòvi abe wò ŋutɔ ɖokuiwò ene.”

Migana míado mía ɖokui ɖe dzi, alo ado dziku na mía nɔewo, alo aʋã ŋu mía nɔewo o. o.

Ablɔɖee Kristo di be míakpɔ tae wòɖe mí ɖo, eya ta minɔ tsitre sesĩe, eye migana woate mi ɖe to, be woagawɔ mi kluviwoe ake o.