آیات محبوب کتاب مقدس از फिलिप्पियन 4

به اشتراک گذاشتن

कउनव बात के चिन्ता न करा, बलकिन हरेक परिस्थित माहीं तोंहार पंचन के बिनती, प्राथना धन्यबाद के साथ परमातिमा के आँगे हाजिर कीन जाँय।

तब परमातिमा के तरफ से मिलँइ बाली सान्ति, जउन हमरे पंचन के समझ से बाहर ही, तोंहरे पंचन के हिरदँय अउर बिचारन काहीं मसीह यीसु माहीं सुरच्छित बनाए रक्खी।

एसे हे भाई-बहिनिव, जउन-जउन बातँय सत्य हईं, अउर जउन-जउन बातँय आदर के काबिल हईं, अउर जउन-जउन बातँय उचित हईं, अउर जउन-जउन बातँय पबित्र हईं, अउर जउन-जउन बातँय निकही हईं, अउर जउन-जउन बातँय मन काहीं नीक लागँइ बाली हईं, मतलब इआ, कि जउन-जउन बातँय जीबन माहीं निकहे बिचार पइदा करती हईं, अउर जउन सराहनीय बातँय हईं, उनहिन के ऊपर आपन ध्यान रक्खा।

जउन हमहीं सामर्थ देत हें, उआ सामर्थ से हम सब कुछ कइ सकित हएन।

तूँ पंचे प्रभू माहीं हमेसा आनन्दित रहा; इहय बात काहीं हम पुनि कहित हएन, प्रभू माहीं आनन्दित रहा।

अउर हमार परमातिमा घलाय अपने उआ धन के मुताबिक, जउन मसीह यीसु माहीं महिमा समेत हय, तोंहरे हरेक कमी-घटी काहीं पूर करिहँय।

अउर जउन बातँय तूँ पंचे हमसे सिखे हया, अउर उनहीं अपने जीबन माहीं अपनाए हया, अउर जउन बातँय हमसे सुने हया, इआ कि हमहीं करत देखे हया, उनहिन के मुताबिक चला, तबहिन सान्ति के दाता परमातिमा तोंहरे पंचन के साथ माहीं रइहँय।

तोंहार पंचन के सहनसीलता सगले मनइन काहीं पता चलय, जउने ऊँ प्रभू कइती आमँय, काहेकि प्रभू हरबिन आमँइ बाले हें।

अउर गरीबी माहीं कइसा रहा जात हय, अउर अमीरी माहीं कइसा रहा जात हय, हम जान गएन हय, हर हाल माहीं चाह पेट भरा होय, चाह भूँखा होय, चाह हमरे लघे हर चीज भरपूर होय, चाह एक्कव न होय, उन सगली बातन माहीं खुस रहँइ के भेद हम जान लिहेन हय।

इआ बात हम अपने कमी-घटी के कारन न होय कहित हएन, काहेकि हम इआ सिख लिहेन हय, कि जउने हाल माहीं हम रही, ओहिन माहीं सन्तोस करी।