آیات محبوب کتاب مقدس از फिलिप्पियन 3

به اشتراک گذاشتن

हे भाई-बहिनिव, हम इआ भावना नहीं रक्खी, कि हम कहाँ से पकड़ गएन, बलकिन हम केबल इहय एकठे काम करित हएन, कि जउन बुरी बातँय हमरे जीबन माहीं पहिले रही हँय, उनहीं बिसराइके जउन हमरे आँगे लच्छ हय, ओही पामँइ के खातिर आँगे बढ़त जइत हएन। अउर हम उआ लच्छ काहीं पामँइ के खातिर, हमेसा कोसिस करत रहित हएन, जउने हम उआ इनाम पाई, जउने काहीं पामँइ के खातिर परमातिमा हमहीं मसीह यीसु के व्दारा ऊपर, अरथात स्वरग माहीं बोलाइन हीं।

अउर हम मसीह काहीं निकहा से जानँइ चाहित हएन, अउर उनखे सामर्थ के अनुभव करँइ चाहित हएन, जउने के व्दारा उँ मरेन म से जि उठे रहे हँय, अउर उनखे उआ दुख माहीं सामिल होंइ चाहित हएन, अउर उहय रूप काहीं पामँइ चाहित हएन, जउने काहीं ऊँ अपने मउत के व्दारा पाइन रहा हय। इआ आसा के साथ, कि हमहूँ कउनव मेर से मरेन म से जि उठँय के पद तक पहुँच सकी।

बलकिन हम अपने प्रभू मसीह यीसु के उत्तम बातन काहीं पहिचान लिहेन हय, इआ कारन से मूसा के बिधान के सगली बातन काहीं तुच्छ समझित हएन; अउर सगली चीजन काहीं कूरा-कचरा समझिके छोंडि दिहेन हय, जउने मसीह काहीं अपनाय सकी।

पय जउन-जउन बातँय हमरे फायदा के रही हँय, उनहीं मसीह के ऊपर बिसुआस किहे के कारन, तुच्छ समझित हएन।