آیات محبوب کتاب مقدس از 1 थिस्सलुनीकियन 5

به اشتراک گذاشتن

हमेसा आनन्दित रहा। हमेसा प्राथना करँइ माहीं लगे रहा। हरेक बात माहीं धन्यबाद करा; काहेकि जेतने जने मसीह यीसु माहीं हया, तोंहरे खातिर परमातिमा के इहय इच्छा ही।

सान्ति देंइ बाले परमातिमा खुदय तोंहईं पूरी तरह से पबित्र करँय; अउर तोंहार आत्मा, प्रान अउर देंह हमरे पंचन के प्रभू यीसु मसीह के आमँइ तक, पूर-पूर निरदोस अउर सुरच्छित रहय। काहेकि परमातिमा जउन तोंहईं बोलाइन हीं, सच्चे हँय, अउर ऊँ अइसनय करिहँय।

अउर सचेत रहा कोऊ, कोहू के साथ बुराई के बदले बुराई न करा, बलकिन हमेसा भलाई करँइ के खातिर तइआर रहा, अपसय माहीं भर नहीं, बलकिन सगले मनइन के साथ भलाई करँइ के कोसिस करा।

इआ कारन एक दुसरे काहीं सान्ति द्या, अउर एक दुसरे काहीं आत्मिक रूप से बढ़ामँय के खातिर मदत करा, जइसन तूँ पंचे करतेव हया।

अउर हे भाई-बहिनिव, हम पंचे तोंहईं समझाइत हएन, जिनखर चाल-चलन निकहा नहिं आय, उनहीं समझाबा, डरपोकन काहीं ढाढ़स द्या, कमजोरन काहीं सम्हारा, अउर सगलेन के साथ सहनसीलता देखाबा।

काहेकि परमातिमा हमहीं पंचन काहीं क्रोध के खातिर नहीं, बलकिन एसे ठहराइन हीं, कि हम पंचे अपने प्रभू यीसु मसीह के व्दारा मुक्ती पाई।

काहेकि तूँ पंचे सगले जने त जोति अउर दिन के सन्तान आह्या, हम पंचे न रातय के आहेन, न अँधिआरय के।