آیات محبوب کتاب مقدس از Eoin 15

به اشتراک گذاشتن

Mise an fhíniúin, sibh-se na géaga; an té a fhanann ionamsa, agus mise ann, tugann seisean toradh mór uaidh; óir gan mise, ní féidir daoibh aon ní a dhéanamh.

Fanaigí ionamsa, agus mise ionaibh. Faoi mar nach féidir don ghéag toradh a thabhairt uaithi féin, mura bhfanann sí san fhíniúin, sin mar nach féidir daoibhse, mura bhfanann sibh ionamsa.

Má fhanann sibh ionamsa agus má fhanann mo bhriathra ionaibh, iarrfaidh sibh cibé ní is mian libh agus déanfar daoibh é.

Ní sibh-se a rinne mise a thoghadh, ach mise a rinne sibh-se a thoghadh, agus a cheapadh chun go n-imeodh sibh agus toradh a thabhairt agus go mairfeadh bhur dtoradh; i dtreo, cibé ní a dʼiarrfadh sibh ar an Athair i mʼainm, go dtabharfadh sé daoibh é.

Níl grá ag aon duine níos mó ná seo go dtabharfaidh duine a anam ar son a chairde.

Gach géag ionam nach dtugann toradh, bainfidh sé í; agus gach géag a thugann toradh, bearrfaidh sé í, ionas go dtabharfaidh sí breis toraidh.

Is í seo mʼaithne: sibh a thabhairt grá dá chéile, faoi mar a thug mé grá daoibh.

Tugadh glóir do mʼAthair sa mhéid go dtugann sibh-se toradh mór uaibh, agus go mbeidh sibh in bhur ndeisceabail agam-sa.

Mise an fhíniúin fhíor, agus is é mʼAthair an saothraí.

Cibé nach bhfanfaidh ionamsa, caithfear amach é mar ghéag, agus feofaidh sé; agus tógfar agus caithfear sa tine iad, agus dófar iad.

Dúirt mé na nithe seo libh chun go mbeadh mo lúcháir-se ionaibh agus go mbeadh bhur lúcháir-se iomlán.

Má choinníonn sibh mʼaitheanta, fanfaidh sibh i mo ghrá, faoi mar a choinnigh mise aitheanta mʼAthar, agus a fhanaim ina ghrá.

Is iad seo mʼaitheanta daoibh: sibh a thabhairt grá dá chéile.

Dá mba den saol sibh bheadh cion ag an saol ar a chuid féin. Ach de bhrí nach den saol sibh ach go ndearna mise sibh a thoghadh as an saol, uime sin atá fuath ag an saol daoibh.