آیات محبوب کتاب مقدس از MAAKU 10

به اشتراک گذاشتن

Zaakũ Bisãsiri Nɛ́ dí su de ò zĩ kɛnɛro, à sù de à zĩ kɛńnɛmɛ à a zĩda wɛ̃̀ndi kpá de à gbɛ̃nɔ bo dasi yãi.

Yesu ń gwá à pì: Bisãsiri ni fɔ̃ro, sé Luda. Luda kĩnaa bee pɔ́ sĩnda pínki dì sí kɛ.

Akũ Yesu pìnɛ: Ǹ gɛ́, ma náani kũ n kɛ̀ mɛ́ à n werekɔ̃a. Zaa gwe gɔ̃̀nɔ a wɛ́ gu è, akũ à dà kãao zɛ́n.

A yã mɛ́ à tò gbɛ̃ kũ Luda ń nakɔ̃anɔ, bisãsiri sún ń kɛ̃kɔ̃aro.

Akũ Yesu a gwà kũ yenyĩ wɛ́o à pìnɛ: Yã mɛ̀n do mɛ́ à gɔ̃̀nnɛ. Ǹ gɛ́ ǹ pɔ́ kũ ń vĩnɔ yía pínki ǹ a ɔgɔ kpá takasidenɔa, ǹ mɔ́ ǹ tɛ́mai, ĩnigɔ̃ aruzɛkɛ vĩ ludambɛ.

Akũ Yesu a là à pì: Bɔ́n ń ye mà kɛnnɛɛ? Vĩ̀naa pìi wèa à pì: Rabi, má ye ma wɛ́ gu emɛ.

ama à de lɛ á kĩnaaro. Á tɛ́ gbɛ̃ kũ à ye à gɔ̃ gbɛ̃ zɔ̃kɔ̃ ũ, sé ade kɛ á zĩ̀ri ũ.

Yãpuran matɛn oárɛ, gbɛ̃ kũ adi kpata kũ à bò Luda kĩnaa sí lán nɛ́ fíti bàro ni gɛ̃nlo.

Gbɛ̃ káakunɔ nigɔ̃ gbɛ̃ kpɛdenɔ ũ dasi, gbɛ̃ kpɛdenɔ nigɔ̃ gbɛ̃ káakunɔ ũ.

Zaa káaku kũ Luda andunia kɛ̀, à gɔ̃gbɛ̃ kɛ̀ kũ nɔgbɛ̃omɛ. Abire yãi gɔ̃gbɛ̃ ni a de kũ a dao tó, ò nakɔ̃a kũ a nanɔo, ń gbɛ̃nɔn pla oni gɔ̃ mɛ̀ do ũ. Ò kun pla doro, sé do.