آیات محبوب کتاب مقدس از उत्पत्ति 1

به اشتراک گذاشتن

फेर परमेशरे बोलेया, “आसे माणूंआ खे आपणे रूपो रे मुताबिक, आपू जेड़ा बणाईए, ताकि सेयो समुद्रो री मछलिया पाँदे, सर्गो रे पंछिया पाँदे, करेलू डांगरा, ओर बणो रे जानवरा पाँदे, सारी तरतिया पाँदे ओर सारी तरतिया पाँदे लूरने वाल़े जन्तुआ पाँदे अक्क राखो।” तेबे परमेशरे माणूं आपणे रूपो रे मुताबिक बणाया। आपणे ई रूपो रे मुताबिक परमेशरे से बणाया। तिने मर्द ओर जवाणस करी की सेयो माणूं बणाए।

ओर परमेशरे तिना खे आशीष देंदे ऊए बोलेया, “फल़़ो-फूलो ओर तरतिया रे परी जाओ ओर तरतिया खे आपणे वशो रे करी लो ओर समुद्रो रिया मछलिया, सर्गो रे पंछी ओर तरतिया पाँदे सारे लूरने वाल़े जन्तुआ पाँदे अक्क राखो।”

जेस बखते कुछ बी नि था तेबे परमेशरे सबी ते पईले सर्ग ओर तरती बणाई।

तरती उबड़-खाबड़ ओर सुनसाण पड़ी री थी ओर डूगे पाणिए पाँदे न्हेरा था ओर परमेशरो रा आत्मा पाणिए पाँदे कूमो था।

तेबे परमेशरे बोलेया, “प्रयासा ओ”, तो प्रयासा ऊईगा।

तेबे परमेशरे जो कुछ बणाई राखेया था, सब तिने देखेया कि से बऊत ई अच्छा ए। तेबे साँज ऊई ओर फेर प्याग ऊई ओर ईंयाँ छठा दिन ऊईगा।

तेबे परमेशरे प्रयासा देखेया कि ये तो अच्छा ए ओर परमेशरे प्रयासा न्हेरे ते लग करी ता।

फेर परमेशरे तिना खे बोलेया, “सुणो, जितणे बिऊओ वाल़े छोटे-छोटे डाल़ सारी तरतिया पाँदे ए ओर जितणे डाल़ा रे बिऊओ वाल़े फल़ ओए, सेयो सब मैं तुसा खे देईते रे, सेयो तुसा खे खाणे खे ए

परमेशरे प्रयासे खे दिन ओर न्हेरे खे रात बोलेया। तेबे पईले साँज ऊई ओर तेबे प्याग ऊई ओर ईंयाँ पईला दिन ऊआ।

फेर परमेशरे बोलेया, “पाणिए बीचे एड़ा फर्क ओ कि पाणिए रे दो इस्से ऊई जाओ।”

ओर जितणे तरतिया रे डांगर, सर्गो रे पंछी ओर तरतिया पाँदे लूरने वाल़े जन्तु ए, जिना रे जिन्दगिया रे प्राण ए, तिना सबी खे खाणे खे मैं सारे अरे-अरे छोटे डाल़ देई राखे”, ओर तेड़ा ई ऊईगा

फेर परमेशरे बोलेया, “दिनो खे राती ते लग करने खे सर्गो रे अन्तरो रे जोतिया ओ ओर सेयो जोतिया मौसमो खे, बखतो खे, दिना खे ओर सालो खे ठराणे वाल़िया ओ

फेर परमेशरे बोलेया, “तरतिया ते अरा काआ, बिऊओ वाल़े छोटे-छोटे डाल़ ओर फल़़ो वाल़े डाल़ बी, जिना रे बिऊ तिना रेई एकी-एकी किस्मा रे मुताबिक ओए, तरतिया पाँदे जम्मी जाओ”, ओर तेड़ा ई ऊईगा।

तेबे परमेशरे एक फर्क बणाया ओर तिजी रा थालला पाणी ओर पाँदला पाणी लग-लग कित्तेया ओर तेड़ा ई ऊईगा।

ईंयाँ तरतिया रे अरा काआ ओर छोटे-छोटे डाल़, जिना रे आपणी-आपणी किस्मा रे मुताबिक बिऊ ओए ओर फल़़ो वाल़े डाल़, जिना रे बिऊ एकी-एकी किस्मा रे मुताबिक तिना रेई ओए, जम्मी गे। तेबे परमेशरे देखेया कि अच्छा ए।

तेबे परमेशरे दो बड़िया जोतिया बीचा ते बड़ी जोति दिनो पाँदे राज करने खे ओर छोटी जोति राती पाँदे राज करने खे बणाई ओर तारे बी बणाए।

फेर परमेशरे बोलेया, “सर्गो रा थालला पाणी एकी जगा रे कट्ठा ऊई जाओ ओर सूकी जमीन दिखो” ओर तेड़ा ई ऊईगा। परमेशरे सूकिया जमीना खे तरती बोलेया ओर जो पाणी कट्ठा ऊआ, तिजी खे तिने समुद्र बोलेया। तेबे परमेशरे देखेया कि अच्छा ए।

तेबे परमेशरे तिना खे ये बोली की आशीष दित्ती, “फल़़ो-फूलो ओर समुद्रो रे पाणिए पाँदे परी जाओ ओर पंछी तरतिया पाँदे बढ़ो।”

फेर परमेशरे बोलेया, “तरतिया ते एकी-एकी जातिया रे जिऊँदे प्राणी, मतलब लूरने वाल़े जन्तु ओर तरतिया रे बणो रे जानवर आपणी-आपणी जातिया रे मुताबिक पैदा ऊई जाओ”, ओर तेड़ा ई ऊईगा।

फेर परमेशरे बोलेया, “पाणी जिऊँदे प्राणिया साथे बऊत जादा परी जाओ ओर पंछी तरतिया पाँदे सर्गो रे अन्तरो रे उडो।”

ईंयाँ परमेशरे तरतिया रे जातिया-जातिया रे बणो रे जानवर, जातिया-जातिया रे करेलू डांगर ओर जातिया-जातिया रे जमीना पाँदे सब लूरने वाल़े जन्तु बणाए। तेबे परमेशरे देखेया कि अच्छा ए।