آیات محبوب کتاب مقدس از 1 Yuḥanna 3

به اشتراک گذاشتن

A iḥenjiren, maci a ntexs bnaḏem s wawaȓen ḏ yiȓes waha; Lla, itxeṣṣa aṯ nexs s ȓexḏayem ḏ ȓḥaqq.

S minzi iy ɣa nessen ȓemḥibbeṯ? Minzi Siḏiṯneɣ iṣeddeq xaneɣ ixef nnes. U ammu ƹaweḏ iy ɣa niȓi newjeḏ a nṣeddeq ixef nneɣ x ayṯmaṯneɣ.

Xzareṯ mecḥaȓ ḏ ṯameqqrant ȓemḥibbeṯ iy ḏaneɣ d yuca Babaṯneɣ wami netwasemma ḏ ṯarwa n Arebbi! U ḏ ṣṣaḥ ammu iy neǧa. Ddunect-a, mayemmi war ḏaneɣ ṯessin ca neccin? Ȓaḥeqqac uȓa ḏ netta war ṯ ṯessin ca.

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

Wenni d ixeȓqen zi Arebbi war iqqim ca isxeddam ȓmuƹṣiyaṯ ȓaḥeqqac ṯaqquct n Arebbi ṯzeddeɣ ḏayes. War izemmar ca aḏ iqqim ḏi ȓmuƹṣiyaṯ ȓaḥeqqac ixȓeq-d zi Arebbi.

Wenni ɣar iǧa wagȓa n ddunect-a itwaȓa umas war ɣares ca iteḥḏaja uca iseqseḥ uȓ nnes xas, mammec ɣa ṯiȓi ȓemḥibbeṯ n Arebbi ḏeg wanita?

Wenni ig isxeddamen ȓuṣiyaṯ nnes ataf aḏ iƹic ḏi Arebbi, Arebbi izeddeɣ ḏayes. Mammec ɣa negg neccin a nessen belli izeddeɣ ḏayneɣ? Nessen-iṯ s Arruḥ nni iy ḏaneɣ d yuca.

Mammec ɣa negg a nesfreq ṯarwa n Arebbi ḏ ṯarwa n Ibȓis? Qa yinni war iqqimen ca sxeddamen min iǧan nican war ǧin ca zi Arebbi. Ƹaweḏ wenni war itexsen ca umas war iǧi ca zi Arebbi.

Ḏ wa ḏ awaȓ iy tesȓam zeg umezwaru iƹni itxeṣṣa wa labud a ntexs ayawya.

Iwa a ayṯma, war tƹejjibem ca wami ddunect-a tƹiffa-kenniw.