آیات محبوب کتاب مقدس از 1 Yuḥanna 2

به اشتراک گذاشتن

War texsem ca dduncet-a niɣ ḏ min ḏayes iǧan. Wenni itexsen ddunect-a ataf ȓemḥibbeṯ n Arebbi war ḏayes ṯeǧi ca. Minzi marra min iǧan ḏi ddunect-a iƹni min ṯrezzu ṭṭabiƹa ṯaƹeffant n bnaḏem ḏ min rezzunt ṯiṭṭawin ḏ ttakebbur iy zi teftaxaren yiwḏan qa manaya war d yusi ca zi Arebbi, yusa-d zi ddunect-a.

Ddunect-a aqa ṯƹeddu-d akiḏes ccehawaṯ nnes, walakin wenni iteggen ȓxaḍar n Arebbi aḏ iqqim iddar i ȓebda n ȓebdaṯ.

Iƹni wenni iy ɣa inin qa nec zeddɣeɣ ḏayes itxeṣṣa-yas u labud aḏ iggur ḏeg ubriḏ nican am wenni iy ḏi tuɣa iggur Ƹisa.

A iḥenjiren inu, tariɣ-awem-d ṯimesȓayin-a ḥima war ṯƹeṣṣim ca Arebbi. Walakin meȓa neƹṣa-ṯ aqa ɣarneɣ ijjen n lwasiṭ ak Arebbi Babaṯneɣ netta ḏ Ƹisa Lmasiḥ wenni ig iǧan nican.

Wenni iy ɣa inin qa nec ssneɣ-ṯ war itṭiƹi ca i ȓuṣiyaṯ nnes ataf netta ḏ bu-ixarriqen waha, ataf lḥaqiqa war ḏayes ṯzeddeɣ ca.

Mammec ɣa negg neccin a nefhem belli nessen-iṯ? Qa ṯ nessen meȓa netṭaƹa-asent i ȓuṣiyaṯ nnes.

Wenni iqqaren nec aqayi ḏi nnur netta itƹiffa umas, ataf netta iǧa ƹaḏ ḏi ṯaǧest.

Min iƹna wenni iy isxarriqen illa wenni inekkaren belli Ƹisa ḏ Lmasiḥ? Netta ḏ ddejjal iƹni wenni iy inekkaren Babaṯneɣ ḏ Mmis.

Wenni ɣa inkaren Mmis ataf war ɣares itiȓi ca Babas. Wenni iy ɣa iqebȓen Mmis ataf aɣares yiȓi Babas.