آیات محبوب کتاب مقدس از Iáno 15

به اشتراک گذاشتن

Me som Kašt, ne tumé san Miré randiá: odová, kon isyn na dre Mánde, syr i Me som dre léste, odová déla but barjakirdé; pal-dová so bi Miro tumé na moginéna nisó te kerén.

Jačénpe dre Mánde, syr Me som dre tuménde. Syr rand' kokori péstyr na moginéla te del barjakirdó, kóli joj na javéla te barjol kaštéstyr: adiáke-pac' i tumé na moginéna, kóli tumé na jačénape dre Mánde.

Ne kóli tumé jačénape dre Mánde i Miré lavá jačénape dre tuménde, tedy mangén, so tuménge trej, i tuménge javéla dynó.

Na tumé vykedyné Man, ne davá Me tumen vykedyjom, sob (kaj) tumé te džán i den barjakirdó i, sob (kaj) barjakirdó tumaró te barjol i tedy, pal so tumé na pomangenas Miré Dadés Miré lavéstyr, Jov déla tuménge.

Nane baredýr dolé laskatyr, kóli vari-kon otdéla péskiro džiibén pal malende.

Kažno rand' (vetka), saví isyn dre Mánde, i saví na déla barjakirdó (plódo), Jov občingirela; i kažno rand', saví déla barjakirdó, Jov žužakirela (čystinela), sob (kaj) joj butedýr te del barjakirdó.

Ĥáda, isyn Miro priphenybén tuménge: javén dróga jekh jekhéske, adiáke-pac' syr Me jacjom drógo tuménge.

Dalésa Miro Dad slavinelape, kóli tumé déna but barjakirdé, i tumé javéna Miré sykliaibnýtka.

Me som čačunó vinagradoskiro Kašt (Loza), i Miro Dad isyn vinagradnikoskiro Xulái.

Ne, kon na dre Mánde, odová isyn syr rand', saví čhurdelape javrí, saví zašutjola; ne adasavé randiá skedéna i čhurdena dre jag, i odój jone shačona.

Davá Me phendjom tuménge, sob (kaj) Mirí rádyma te jačél tuménca, i, sob (kaj) tumarí rádyma te javél pherdý.

Kóli tumé javéna te rakhén Miré priphenybená, to tumé javéna te jačénpe dro Mirí láska, adiáke-pac', syr i Me rakhcjom Miré-Dadéskire priphenybená, i Me dživáva dro Léskiri láska.

Ĥáda, so Me priphenava tuménge: sykavén patýv jekh jekhéske.

Kóli tumé te javén dalé svetóstyr, tedy léske javénas dróga tumé, syr péskire; ne adiáke, syr tumé na san dalé svetóstyr, ne Me vykedyjom tumen dalé svetóstyr, paldavá tumé san na dróga svetoske.