آیات محبوب کتاب مقدس از ROM 6

به اشتراک گذاشتن

Suol man chu thina a ni si a; Pathien thilthlâwnpêk ruok chu ei Lalpa Krista Isu zârah chatuona hringna a nih.

Suolnain in chungah thu a nei ta naw ding a ni si a, Dân rorêla um in ni naw a, lunginsietna rorêla um in ni lem si a.

Chuleiin, a thinaa baptisma ei changin, a kuomah phûmin ei um ve a; Pa ropuinain mithi laia inthawka Krista a keitho ang khan, eini khawm hringna thara ei um theina dingin.

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

Hieng hi ei hriet; ei mihriem hlui chu a kuoma hemdein a um ve tah, suol taksa chu sukboa a um theina dinga, tuta chen chu suol suoka ei um ta nawna dingin.

Chuong ang bawkin, nangni khawm suol tieng kawngah thi taah inngai unla, Pathien tieng kawnga ruok chun Krista Isua chun hringah inngai ro.

Ieng am hril tâng ei ta? Lunginsietna chu a pung nâwk zuolna dingin suolin ei um zing ding am a nih? Teu lo e a! Eini suol tienga thi ta hnunghai iengtin am suolin la hring zing thei ei ta?

Tu kuoma khawm an thu awi dinga an suoka in lût chun, thina khawpa suol suok amanih, felna khawpa thuawina suok amani khawm ni sienla, a thu in iawi suok chu in nih ti in hriet naw am a nih?

Amiruokchu, Pathien kuomah lâwmthu um raw se! suol suok ni unla khawm inchûktir dân,a kuoma in inpêkna chu lungril tak zetin in lo awi a; chun, suola inthawk chu insuoin in um a, felna suokhai in hung ni ta si a.