آیات محبوب کتاب مقدس از ROM 5

به اشتراک گذاشتن

Nisienlakhawm, Pathien chun a mi hmangaina chu inpâk tlâkin ân langtir a, mi suolhai ei la ni laia Krista eini aia a thinaa khan.

Chun, Thlarau Inthieng ei kuoma a mi pêk khan Pathien hmangaina chu ei lungrilah a hung buok ta leiin beiseina chun a mi sukbeidawng naw a.

Chu chau chu ni lovin, ei rimsiknaa khawm lâwmin ei um a nih, rimsikna chun selna a siem a, tuorselna chun hriet fiena a siem a, hriet fiena chun beiseina a siem ti ei hriet si a.

Chuleiin, ringna leia thiem changa umin, ei Lalpa Isu Krista leiin Pathien le inremin ei um a; ama lei bawk chun hi lunginsietnaa ei ngir detnaa hin ringnain ei lût ta a, Pathien ropuina beiseiin lâwmin ei um bawk a nih.

Ei la hrât naw lai khan a hun takah Krista chu mi suolhai ai chun a lo thi ta si a.

Chuongchun, a thisena thiem inchangtira ei um ta hin chu, ama lei bawkin Pathien lungsennaa inthawkin sandamin um ngei ei tih.

Mi pakhat thu awi nawna lei khan mi tamtak chu mi suol an hung ni tah; chuong ang bawkin mi pakhat thuawi lei khan mi tamtak chu mi fel hung nîng an tih.

Chuong chau khawm chu a ni naw a, inremna tuta a mîn hmutirtu ei Lalpa Isu Krista lei chun Pathienah ei lâwm bawk a nih.