آیات محبوب کتاب مقدس از Ma‘aké 10

به اشتراک گذاشتن

He ko e Fanautama ‘a Tangata foki na‘e ‘ikai te ne ha‘u ke ma‘u sevāniti, ka ke sevāniti pē ‘e ia, pea ke tuku ‘ene mo‘ui ke huhu‘i ‘aki ha tokolahi, he‘ene fetongi kinautolu.

Pea siofia kinautolu ‘e Sīsū, ‘o ne pehē, ‘i he vakai ‘a e tangata ‘e ‘ikai lava, ka ‘oku ‘ikai pehē ki he ‘Otua: he ‘oku malava ‘a e me‘a kotoa pē ki he ‘Otua.

Pea folofola ‘e Sīsū ki ai, ‘Alu ā; kuo fakamo‘ui koe ‘e ho‘o tui. Pea ne ‘ā hake leva, pea ne muimui kiate ia ‘i he fononga.

‘Āua; pea ko e me‘a kuo fakahoko ‘e he ‘Otua, ke ‘oua na‘a fakamāvae ‘e ha tangata.

Pea ‘i he siofia ia ‘e Sīsū na‘a ne ‘ofa ki ai, ‘o ne pehē kiate ia, Ko e me‘a pē taha ‘oku ke tōmui ai: mole pē ‘o fakatau atu ‘a e me‘a kotoa pē ‘oku ke ma‘u, pea foaki hono pa‘anga ki he masiva, pea ‘e ai ha koloa ‘e fa‘oaki ma‘au ‘i he langi: pea ke ha‘u ‘o kau ‘i hoku lahi.

Pea tali ‘e Sīsū ki ai, ‘o ne pehē, Ko e hā ‘a e me‘a ‘oku ke holi ke u fai ma‘a u? Pea tali ‘e he motu‘a kui, Lāponai, ke u ‘ā mu‘a.

Ka ‘e ‘ikai pehē ‘iate kimautolu, ka ko ia ‘oku ne holi ke hoko ko e lahi ‘iate kimoutolu, te ne nofo ko ho‘omou sevāniti

Ko au ē, ‘oku ou tala atu, Ko ia ‘e ‘ikai te ne tali ‘a e Pule‘anga ‘o e ‘Otua ‘o hangē ko ha tamasi‘i, ‘e ‘ikai ‘aupito hū ia ki ai.

Ka ko e tokolahi ‘oku mu‘omu‘a te nau muimui, pea ko e tokolahi ‘oku muimui te nau mu‘omu‘a.

Ka ‘i he kamata‘anga ‘o e fakatupu na‘e ngaohi tangata mo fefine ‘a e kakai. “Ko e me‘a ko ia ‘e tuku ai ‘e ha tangata ‘ene tamai mo ‘ene fa‘ē ka ne pīkitai ki hono uaifi; pea ‘e hoko ‘a e toko ua ko e kakano pē taha.” Tā ‘oku ‘ikai te na kei ua, ka ko ha kakano pē taha.