Bywyd o DdyfnderSampl

“Presenoldeb Cenhadol”

Yr Ysgrythur: Mathew 28:16-20; Actau 1:8; 2 Corinthiaid 5:11-21

Mae ein strategaeth fwyaf effeithiol ar gyfer cyrraedd byd i Grist wedi’i seilio ar y math o bobl dŷn ni’n cael ein ffurfio i mewn iddyn nhw. Ansawdd ein presenoldeb yw ein cenhadaeth. A’r newyddion da yw nad yw Iesu yn aros inni fod yn berffaith cyn ein gwahodd i genhadaeth. I’r gwrthwyneb, mae bod yn “berffaith” yn ein gwneud yn anghymwys ar gyfer partneru â Iesu mewn cenhadaeth.

Pan fyddi di'n darllen y Beibl, byddi’n gweld dro ar ôl tro nad yw Duw yn galw pobl perffaith. Mae Duw yn y busnes o alw pobl toredig, pobl ofnus, pobl penboeth, pobl anghyson, pobl besimistaidd, pobl sy’n amau, fel ti a fi. Jyst edrycha ar ddisgyblion cyntaf Iesu.

Wrth i Iesu gael ei arestio a'i groeshoelio, wnaeth ei ddisgyblion ei adael. Gadawyd e ar ei ben ei hun i ddioddef a marw. Ar ôl ei farwolaeth, ei gladdu a'i atgyfodiad, wnaeth y disgyblion gloi eu hunain mewn ystafell rhag ofn mai nhw fyddai nesaf i farw. Roedd y disgyblion hyn wedi gadael Iesu i lawr. Roedden nhw wedi rhoi'r gorau iddo. Pwy fyddai eisiau'r bobl hyn ar eu tîm? Yr ateb yw neb ond Iesu.

Aeth Iesu yn ôl at ei ddisgyblion, oedd wedi’i adael i lawr, ac yn lle tynnu sylw at eu camgymeriadau, anfonodd e nhw i genhadu. Ar ôl dod wyneb yn wyneb â'i ffrindiau, ‘...dwedodd Iesu eto, “Shalôm! Yn union fel anfonodd y Tad fi, dw i hefyd yn eich anfon chi.” Wedyn chwythodd arnyn nhw, a dweud, “Derbyniwch yr Ysbryd Glân.” ’ (Ioan 20:21-22).

Hyd yn oed pan wyt ti'n gwneud camgymeriadau, paid perfformio, siapia hi, mae Iesu'n dod atat ti ac yn dweud, “Dw i eisiau ti. Dw i'n dy alw di, a dw i'n dy anfon di." Mae Iesu'n gwybod dy broblemau, dy gaethiwed, dy boeniau meddwl, a dy fethiannau, ac er gwaethaf hynny, mae’n gwahodd ti i’r genhadaeth.

Beth yw anghenion mwyaf y bobl sydd agosaf atat ti? Sut gallet ti fod fel Crist iddyn nhw yn y sefyllfaoedd hyn?

Gobeithio y bydd y cynllun hwn wedi dy annog di. Dysga fwy yn yma .