Tusimpi 5
5
Makani aakucenjela banakazi basizibi
1Mwanaangu, swiilila busongo bwangu;
Cenjeka kutwi kwako kululayolwangu;
2 #
Mal 2:7
Kuti ukakatile kukumvwisya,
Amilomo yako ijatisye luzibo.
3Nkaambo milomo yamwanakazi wabuyo ilalosya buci,
Akwaamba kwakwe nkutete kwiinda mafuta,
4 #
Muk 7:26; Heb 4:12 Pele kumamanino ulalula luu mbuli mululwe,
Ulabosya mbuli ipanga litenda koonse koonse,
5 #
Heb 13:4
Maulu aako alaselukila kulufu,
Intaamo zyakwe zilasisya kubusangu,
6Tabiki moyo wakwe kunzila yabuumi;
Kweenda kwakwe nkwakupampalika, pele tezi.
7Lino, nobana bangu, amundiswiilile;
Mutapambuki kumajwi aamulomo wangu,
8Tantamuna inzila yako kulinguwe;
Utasweni kumulyango waŋanda yakwe;
9Kuti utapi bambi bulemu bwako,
Utaabili batakwe buuya myaka yako;
10Kuti bazwakule batakuti kumbono zyako,
Amilimo yako itasowegwi muŋanda yamuzwamasi,
11Utatongeli kumamanino aabuumi bwako,
Kuciindi cakumana kwanguzu zyamubili wako,
12Utaambi kuti, Maawe! Ndakasula lulayo,
Amoyo wangu wakasampaula lucenjezyo.
13Teendakaswiilila majwi aabaiyi bangu,
Nekuba kucenjeka kutwi kwangu kulibaabo ibakandilaya.
14Ndakasi nyonyooke loko
Akati kambungano yabantu.
15Konywa maanzi kumukalo wako omwini,
Ameenda aakunka kucikala cako.
16Sa ncibotu kuti maanzi aako amwaike?
Sa abe tulonga mumigwagwa?
17Abe aako olike;
Atanywigwi kubeenzu mboli abo,
18 #
Muk 9:9; Mal 2:14 Kasensa kako kalongezegwe;
Sekelela amwanakazi wabulombe bwako.
19 #
Lwi 2:9
Abe mbuli insya iiyandika na mwana wanjelele uubotezya.
Inkolo zyakwe zikukutye ciindi coonse;
Luyando lwakwe lulamye moyo wako lyoonse,
20Sa ncibotu kulamwa kumwanakazi mweenzu, O mwanaangu?
Sa ncibotu kukumbatana amuzwakule?
21 #
2 Mak 16:9; Job 31:4; Jer 16:17; Hos 7:2; Heb 4:13 Nkaambo inzila zyamuntu zili mumeso aa-Jehova,
Ngonguwe uulingula migwagwa yakwe yoonse,
22 #
Int 9:15
Milandu yasizibi ilamuca;
Ulajatwa mutukole twazibi zyakwe mwini:
23 #
Job 4:21; Tus 10:21 Ulafwa nkaambo kakubula lulayo;
Ulanyonyooka mubufubafuba bwakwe bunji.
Currently Selected:
Tusimpi 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.