Tusimpi 6
6
Makani akucenjela zikoloto, butolo, azibi zimwi
1 #
Matl 43:9; Tus 27:13; Heb 7:22; Ezr 10:19 Mwanaangu, na wapa mweenzinyoko citondezyo ca cikoloto,
Na wasunsana mujanza amuzwakule,
2Na wacegwa kumajwi aako omwini,
Akwaangwa kuzisyomezyo zyamilomo yako,
3Lino cita obo, mwanaangu, kuti ulivune,
Nkaambo wawida mumaanza aamweenzinyoko.
Koya, ukalibombye, ukalikombelezye kumweenzinyoko.
4 #
Rut 3:18
Utazumizyi meso aako koona,
Ankoye zyako zitavululati.
5Kolivuna mbuli insya kumuvwimi,
Mbuli kayuni kumaanza aasikuteya,
6 #
Job 12:7
Koya kulumoma, O mutolo,
Bona inzila zyalo, uliiye busongo,
7Talujisi mwami,
Talujisi silutwe nanka mweendelezi,
8Nekubaboobo lulabamba zilyo zyalo ciindi cacilimo,
Akucela bulilu bwalo kuciindi cakutebula.
9Ulaleka lili koona, O mutolo?
Ulasinsimuka lili muŋonzi zyako?
10 #
Tus 24:33-34
Ulati, Ndicoona buniini! Ndicili aŋonzi buniini!
Ndikumbate buniini, ndyokezye!
11Ma! Bucete bulakusikila mbuli sikubba!
Kubula kulakujata mbuli silumamba!
12Mwana wa-Saatani, muntu wabuyo,
Uleendeenda amyaambo iipilingene,
13 #
Int 35:19; Tus 10:10 Ulafwinyina meso, ulalyata azituta,
Ulatondeka amunwe.
14 #
Int 36:4; Is 32:7; Mik 2:1; Mt 26:4 Moyo wakwe ulipilingene,
Ulayeeya bubi ciindi coonse, Ulabusya inkondo,
15 #
Jer 19:11
Nkaambo kako mafwabi alamoongomokela,
Ulafwambaana kutyoka akubula musiliki.
16Nkuzili zintu zili musanu acimwi Jehova nzyasulide,
Azintu zili musanu azibili zimusesemya:
17 #
Int 5:6; Tus 12:22; Hos 4:1,2; Joh 8:44; Tus 1:11; Is 1:15 Mesu aakulisumpula, lulimi lwakubeja,
Amaanza aatila bulowa bwabaabo batakwe mulandu,
18 #
Matl 6:5; Is 59:7; Rom 3:15 Moyo uuyeeya makanze aabubi,
Maulu aazuzaanina kububi,
19 #
Int 27:12
Kamboni sikubeja uuyooya zyabubeji,
Amuntu uubusya inkondo akati kababunyina.
Makani aakucenjela bumambe
20 #
Ef 6:1
Mwanaangu, jatisya malailile aauso,
Alimwi utaleki mulao wabanyoko.
21Kozyaanga kumoyo wako lyoonse;
Kozisama munsingo yako.
22Ciindi cakweendeenda zilakweenzya,
Ciindi cakoona zilakulindila,
Ciindi cakubuka zilakwaambauzya,
23 #
Int 19:8
Nkaambo mulazyo ndilampi, amulao mumuni;
Kutapatila kwalulayo ninzila yabuumi.
24Zilakuvuna kumwanakazi sizibi,
Mwanakazi muzwakule uuongelezya alulimi lwakwe.
25 #
2 Sam 11:2-5; Mt 5:28 Utasukami kubota kwakwe mumoyo wako,
Alimwi inkoye zyakwe zitakutoleleli.
26 #
Tus 29:3; Ezk 13:18 Nkaambo sikuvuula ulakonzya kuulwa cinkwa,
Pele mwanakazi uukwetwe ulavwima buumi bwamuntu,
27Sa muntu ulakonzya kubweza mulilo akaango kakwe
Akutapidwa zyakusama zyakwe?
28Sa muntu ulakonzya kweenda atala amakala aamulilo,
Akutapya zituta zyakwe?
29Mbwabede muntu uuya kumukamweenzinyina.
Taakwe uumwaampa uutajisi mulandu,
30Bantu tabasampauli mubbi ciindi cakubba,
Na ulayanda kukutya moyo wakwe nkaambo kanzala,
31 #
Kul 22:1,4 Pele na wajatwa, ncaliya cilaba musanu azibili,
Ulaliya imbono zyoonse zyamuŋanda yakwe,
32 #
Job 31:12; Heb 13:4 Uulalika mwanakazi tajisi maanu,
Uucita obo ulalinyonyoona.
33Ulajana macise abweeme,
Nkabela lusampuko lwakwe talukonzyi kuziminganizigwa,
34Nkaambo ibbivwe lilabusya bukali bwamuntu,
Takonzyi kufwa buuya kuciindi cakuliya inkoto,
35Takonzyi kulamwa inkombelezyo pe;
Takonzyi kuzumina, nekuba kuti waleta makulo manji.
Currently Selected:
Tusimpi 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.