Tusimpi 4
4
Makani aamwi aabubotu bwabusongo
1 #
Int 34:11; Tus 1:8 Nobana, amuswiilile lulayo lwauso,
Amubike myoyo yanu kuti muzibe makani;
2Nkaambo ndamupa milumbe mibotu;
Mutaleki mulao wangu.
3 #
2 Sam 12:24; 1 Mak 29:1 Nkaambo ambebo ndakali mwana kulitaata,
Ndakali mwanike uuyandika mumeso aabama,
4 #
1 Mak 28:9; Ef 6:4 Nkabela wakandiiyisya, wati,
Moyo wako ujatisye majwi aangu;
Bamba milao yangu, kuti upone;
5Kolijanina busongo, kolijanina maanu;
Utalubi, utaleki majwi aamulomo wangu,
6 #
2 Tes 2:10
Utabusowi, lino buyookubamba;
Kobuyandisya, lino buyookutabilila.
7 #
Mt 13:44; Lk 10:42 Busongo ncintu cipati-kolijanina busongo;
Kufumbwa ncolijanina, kolijanina luzibo.
8 #
1 Sam 2:30; Dan 12:3 Kobulemeka, lino buyookusumpula;
Ubukakatile, kuti bukulemeke.
9Buyoobika ingala iiebeka amutwe wako,
Buyookupa munsini wabulemu.
10Swiilila, mwanaangu, akutambula majwi aangu,
Kuti myaka yabuumi bwako ivule.
11Ndakwiiyisya inzila yabusongo;
Ndakweenzya mumigwagwa yabululami.
12 #
Int 18:36; 91:11; Tus 3:23; 4:19; Jer 13:16; Joh 11:9,10 Ciindi cakweenda, intaamu zyako tazikooyoolebwa;
Alimwi na wazuzaana, tokooyootezemuka.
13Jatisya lulayo, utaluleki;
Kakatila kulindulo, nkaambo mbobuumi bwako.
14Utanjili munzila yabasizibi,
Nikuba kuya bweenda mumugwagwa wabantu babi.
15Koileka; uteendi mulinjiyo;
Tozya kumbi, akwiindilila,
16Nkaambo tabaoni cita bataanguna kucita bubi,
Iŋonzi zyabo zilacija, cita balebya bantu bamwi,
17Nkaambo balalya cilyo cabubi,
Balanywa waini wabukali,
18 #
Mt 5:14; Flp 2:15; 2 Sam 23:4 Pele inzila yabaluleme ili mbuli mumuni uumweka,
Uuya bungwengwemuka mane bwaca buzuba,
19 #
1 Sam 2:9; Job 5:14; Is 59:9,10; Jer 13:16; Joh 12:35 Inzila yabasizibi ili mbuli mudima uusia mbi;
Tabezi, kuli butezi.
20Mwanaangu, swiilila majwi aangu.
Cenjeka kutwi kwako kumakani ngendaamba.
21Atazwi kumeso aako;
Koajatisya mukati kamoyo wako,
22Nkaambo alaba buumi kuliboonse baajana,
Alaponya mibili yabo yoonse,
23Bamba moyo wako cakucenjela loko,
Nkaambo mulinguwo mobuzwa buumi,
24Sowa majwi aapilingene,
Kwaamba kutaluleme kube kule kulinduwe.
25Meso aako alulame kulanga kunembo,
Azikoye zyako zilange kunembo lyako.
26 #
Heb 12:13
Cenjela kweenda kwama ulu aako,
Kuti inzila zyako zyoonse zibe kabotu,
27 #
Is 1:16
Utaleyi, nekuba kululyo nekuba kulumwensi,
Leesya maulu aako kububi.
Currently Selected:
Tusimpi 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.