Joshua 9
9
Ba-Israyeli mbubakatangana cizuminano aba-Gibeoni
1 #
My 34:6; Matl 15:18,21; Kul 3:17; 23:23; Dt 7:1 Lino bami boonse ibakakede kutala lya-Jordano, muzilundu amubulundulundu amubanda lyakulwizi lupati liinda kusikila kudundu lya Lebano, ba-Hiti aba-Amori, ba-Perizi aba-Hivi, ba-Kanana aba-Jebusi, nibakamvwa makani aya, 2#1 Mak 20:1; Int 2:1,2; 83:3,5; Tus 11:21; Is 8:9-12; Joel 3:9-12; Inc 4:26-28bakabungana camoyo omwe kuzoolwana a-Joshua aba-Israyeli.
3 #
Jos 10:2; 2 Sam 21:1,2; Jos 6:27 Pele bana-Gibeoni, nibakamvwa Joshua ncaakacitila Jeriko ancaakacitila Ai, 4#Job 32:19; Mt 9:17; Lk 5:37,38abalo bakacita cakweena-ena, bakalicita mbuli bangambela. Bakabweza zisani zyamasaka zikulukulu ambongolo zyabo, ankomo zyawaini zikulukulu izyakali abudeluule busumidwe, 5alimwi bakasama insangu zikulukulu zizakede kumaulu aabo, akusama zikobela zikulukulu, azyalo zinkwa zyabulilu bwabo zyakayuma akuba ankubi. 6#Jos 5:10Lino bakasika kuliJoshua kuzilao nkwaakakede ku-Giligala, bakaambila nguwe abana baIsrayeli kuti, Twazwa kucisi cakule, Lino atutangane anywebo cizuminano. 7#Kul 23:32; 34:12; Dt 7:2; Jos 11:19; Bab 2:2Pele bantu ba-Israyeli bakaambila ba-Hivi kuti, Ambweni mulikede mpoonya ano akati kesu, Tutangane buti cizuminano anywebo? 8#Dt 20:11; 2 Bam 10:5Bakaambila Joshua kuti, Tuli balanda bako, Joshua wakababuzya kuti, Ndinywe bani? Mwazwa kuli? 9#Dt 20:15; Kul 15:14; Jos 2:10Bakati, Iswe tubalanda bako twazwa kucisi cili kule loko, nkaambo kazina lya-Jehova Leza wanu, nkaambo kakuti tulimvwide impuwo yakwe, ambwaakacita mu-Egepita, 10#My 21:21-35azintu zyoonse nzyaakacitila bami bobile baba-Amori ibakakede mutala lya-Jordano, nkukuti Sihoni mwami waku-Hesiboni a-Ogi mwami wa-Basana iwakali ku-Asitorotu, 11Lino bapati besu abantu boonse bamucisi cesu bakatwaambila kuti, Amubweze bulilu bwalweendo lwanu, mukainke kuyooswanana abo, mukabaambile kuti, Tuli balanda banu, atutangane anywebo cizuminano. 12Amubone! Ezi zinkwa zyesu twakazibweza kazicikasaala kuzwa kumaanda esu mubuzuba obo nitwakanyamuka kuzoomuswaya, pele sunu zyayuma akuba ankubi. 13Azyalo inkomo ezi zyawaini, nitwakazizuzya, zyakacili impya, pele lino zyazakaala. Azyakusama zyesu ansangu zyesu zyoonse zyacembaala nkaambo kamusinzo mulamfu loko.
14 #
My 27:21; Bab 1:1; 1 Sam 22:10; 23:10,11; 30:8; 2 Sam 2:1; 5:19; Is 30:1,2 Mpawo bantu bakalabila bulilu bwabo, kabatabuzizye makani kuliJehova. 15#2 Sam 21:2Nkabela Joshua wakabacitila luumuno, wakatangana abo cizuminano cakutabajaya, alimwi basilutwe bambungano bakakonkezya mbubonya,
16Pele nikwakamana mazuba otatwe aakutanga cizuminano eci, bakamvwa kuti balibambene abo, balikede mpoonya akati kabo, 17#Jos 18:25; Ezr 2:25nkaambo bana ba-Israyeli nibakalonga, bakasika kuminzi yabo mubuzuba bwatatu. Mazina aaminzi yabo ngaaya: Gibeoni a-Kefira a-Beeroti a-Kiriyatijearimu. 18#Int 15:4Nkabela bana ba-Israyeli bakakaka kubanyonyoona, ikuti basilutwe bambungano bakalibakonkezezye muzina lya-Jehova Leza waIsrayeli, Pele bantu boonse bakatongaukila basilutwe, 19Elyo basilutwe bakaambila bantu kuti, Twabakonkezya muzina lya-Jehova Leza wa-Israyeli, aboobo takukonzyi kubacitila cintu, 20#2 Sam 21:1; Ezk 17:13-18; Zek 5:3,4; Mal 3:5Tulabacitila obo. Tulabavuna, kuti tutasikilwi bukali nkaambo kacikonkezyo cesu ncitwakabakonkezya. 21#Dt 29:11Bapone, pele babe basikutebba inkuni abasikuteka maanzi, babelekele imbungano yoonse milimo, mbubonya basilutwe mbubakalailila.
22Mpawo jeshua wakabaita, wakabaambila kuti, Ino nkaambonzi nomwakatweena? Mwakati, Twazwa kule loko, anukuti mulikede mpoonya ano akati kesu, 23#Matl 9:25Lino mulitukidwe. Takukooyooba muntu naba omwe akati kanu uutakooyooba muzike, Muyooba basikutebba inkuni abasikuteka maanzi, mubeleke milimo yaŋanda ya-Leza wangu,
24 #
Kul 23:32; My 33:51-56; Dt 7:1,2; 20:15-17; Kul 15:14 Elyo bakavwiila Joshua kuti, Ncobeni iswe tubalanda bako twakaambilwa makani aa-Jehova Leza wanu, mbwaakalailila Musa mulanda wakwe kumupa nyika akunyonyoona bantu boonse banyika kumeso aanu, Nkaambo kako twakali kuyoowa loko nkaambo kandinywe. Twakati, inga tuyoojayigwa. Nciceeco ncitwakacitila obo. 25#Matl 16:6Lino sunu tuli mumaanza aako. Kotucitila coonse ncoyanda, kufumbwa cintu cilulama mumeso aako. 26Mbuboobo mbwaakabacitila akubavuna kumaanza aabana-Israyeli, aboobo teebakabajaya. 27#Dt 12:5; 1 Bam 8:29; 9:7; 2 Mak 7:12,20; Int 78:68Mubuzuba obo Joshua wakababika kuti babe basikutebba inkuni abasikuteka maanzi, babeleke milimo yambungano ayacipaililo ca-Jehova mubusena obo mbwaakati sale. Asunu mbubacibede.
Currently Selected:
Joshua 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.