Joshua 10
10
Inkondo iyakalwigwa ku-Gibeoni
1 #
Jos 6:21; 8:22; 9:15 Lino Adoni-Zedeki mwami wa-Jerusalemu wakamvwa kuti Joshua wazunda munzi wa-Ai, alimwi wamaninizya kuunyonyoona, akucitila Ai amwami wawo mbubonya mbwaakacitila Jeriko amwami wawo. Alimwi wakamvwa bana-Gibeoni mbubatangana buzolwani aba-Israyeli ambubakede akati kabo, 2#Kul 15:14-16; Dt 11:25; 28:10; Int 48:4-6; Tus 1:26,27; Heb 10:27,31; Ciy 6:15-17Nkabela bakayoowa loko, nkaambo kakuti Gibeoni koli munzi mupati, koli mbuli umwi waminzi yabami, 3#Matl 23:2; My 13:22Elyo Adoni-Zedeki mwami wa-Jerusalemu wakatumina Hohamu mwami wa-Hebroni, a-Piramu mwami wa-Jarimuti, a-Jafiya mwami wa-Lakisi, a-Dibri mwami wa-Egiloni, wakati, 4#Jos 9:15Amuboole kuzoondigwasya, tulwisye Gibeoni, nkaambo balitangene buzolwani a-Joshua abana ba-Israyeli, 5#Jos 9:2Aboobo bami bosanwe baba-Amori, mwami wa-Jerusalemu, amwami wa-Hebroni, amwami waJarimuti, amwami wa-Lakisi, amwami wa-Egiloni, bakayoboloka, balo abasilumamba babo boonse, bakainka kuyoocita inkondo yakulwisya Gibeoni.
6 #
Jos 5:10
Mpawo bantu ba-Gibeoni bakalazya Joshua kuzilao zyaku-Giligala nkwaakakede, bakati, Utamuki kuzootugwasya iswe tubalanda bako. Fwambaana kuza, utuvune, nkaambo bami boonse baba-Amori bakede muzilundu baliyobolokede kuzootulwisya, 7#Jos 8:1Elyo Joshua wakanyamuka kuzwa ku-Giligala, walo abasilumamba boonse abaalumi basintaze boonse, 8#Dt 7:24; 11:25; Jos 11:6; 23:9; Bab 4:14; Jos 1:5Nkabela Jehova wakaambila Joshua kuti, Utabayoowi pe, nkaambo ndabaaba mumaanza aako, Takukooyooba muntu naba omwe akati kabo uukonzya kwiima nji kukulwisya,
9Lino Joshua wakababbatikizya, nkaambo wakeenda masiku oonse kuzwa ku-Giligala. 10#Bab 4:15; 1 Sam 7:10; Int 18:14; Is 28:21; 2 Mak 14:12; Jos 16:3,5; 15:35Nkabela Jehova wakabapilinganya kubusyu bwaba-Israyeli, aboobo bakabakoma alukomo lupati mu-Gibeoni, alimwi kabaya bubatanda munzila iiya ku-Betoroni, akubakoma mane kusikila ku-Azeka aku-Makeda, 11#Int 18:13,14; 77:17; Is 28:2; 30:30; Ciy 16:21Nkabela nibakali mukucija bana ba-Israyeli, nibakacili mukuseluka kuzwa ku-Betoroni, Jehova wakabalosezya mabwe mapati aazwa kujulu mane kusikila ku-Azeka, aboobo bakafwa, Abo ibakajayigwa kucivulamabwe eco kabali banji loko kwiinda abo bana ba-Israyeli mbubakajazya ipanga,
12 #
Dt 4:19; 17:3; Int 19:4; Is 28:21; 38:8; Hab 3:11; Bab 12:12 Elyo Joshua wakaambila Jehova mubuzuba obo Jehova naakaaba baAmori mumaanza aabana ba-Israyeli, Wakaamba mumeso aaba-Israyeli kuti,
o zuba, imikila a-Gibeoni,
Ayebo O mwezi, imikila mumumpata wa-Ajalo.
13 #
2 Sam 1:18
Elyo izuba lyakaimikila, awalo mwezi wakaleka kweenda, mane bantu bakamane kutema mulandu wabasinkondonyina, Sa takulembedwe obo mubbuku lya-Jasari? Izuba lyakaimikila akati kajulu, teelyakafwambaana kubbila ciindi cilamfu mbuli buzuba boonse, 14#Is 38:8; Kul 14:14; Dt 1:30; 3:22; 20:4; 33:26-29; Jos 23:3,10; Bab 1:19,22; 2 Mak 20:29; Neh 4:20; Int 33:8-20; Is 31:4; 42:13; Zek 14:3Kakutakwe buzuba buli boobu kuciindi cakamana, alimwi kakutakwe abumwi musule, Jehova naakaswiilila ijwi lyamuntu, nkaambo Jehova wakalwida ba-Israyeli.
15Mpawo Joshua wakabweda aba-Israyeli boonse kuzilao nkubakakede ku-Giligala,
16Elyo aba bami bosanwe bakaloboka, baakuyuba mumpangala kuMakeda. 17Nkabela Joshua wakaambilwa kuti, bami bosanwe bajanwa, baliyubide mumpangala ku-Makeda. 18Mpawo Joshua wakati, Amukunkulisye mabwe mapati kumulomo wampanga la, alimwi amusale bantu basikubalindila, 19Pele inywe mutaimi pe, Kamuya butobela basinko-ndonyoko, mukabaume kusule, Mutabazumizyi kunjila muminzi yabo pe. Jehova Leza wanu wabaaba mumaanza aanu.
20Lino Joshua abana ba-Israyeli nibakamana kubauma luumo lupati loko mane babamaninizya, abamwi ibakasyaala nibakanjila muminzi iizyungulukidwe imbaya, 21#Kul 11:7; Is 54:17bantu boonse bakapiluka kuli Joshua kuzilao zyakuMakeda caluumuno. Katakwe muntu naba omwe iwakaputya lulimi lwakwe kubana ba-Israyeli. 22Elyo Joshua wakati, Amujule mulyango wampangala, mundiletele abo bami bosanwe bali mumo. 23Mpawo bakacita mbwaakaamba. Bakamuletela abo bami bosanwe ibakali mumpangala, mwami wa-Jerusalemu, mwami wa-Hebroni, mwami wa-Jarimuti, mwami wa-Lakisi, amwami wa-Egiloni. 24#Dt 33:29; Int 2:8-12; 91:13; Is 26:5,6; Mal 4:3; Ciy 2:26,27Nkabela nibakabaleta abo bami kuliJoshua, Joshua wakaita bantu boonse ba-Israyeli, wakaambila basilutwe babasilumamba mbaakaya abo, wakati, Amuswene afwaafwi, muzoolyate munsingo zyabami aba, Mpawo bakaswena afwaafwi akulyata munsingo zyabo. 25#Dt 31:6,8; Jos 1:9; 1 Sam 17:37; Int 63:9; 2 Kor 1:10; 2 Tim 4:17; Dt 3:21; 7:19Nkabela Joshua wakabaambila kuti, Mutakankami nikuba kuyoowa, Amuyume akuba bakozu, nkaambo mbubonya obo Jehova mbwayoocitila basinkondonyokwe boonse mbumuyoolwana abo. 26#My 25:14; Jos 8:29; 2 Sam 21:6,9; Es 2:23; 7:9,10; Int 149:7,9Elyo musule lyayaaya, Joshua wakabauma akubajaya, nkabela wakabaanzika mumisamu yosanwe, Bakalyaanzikidwe mumonya mumisamu mane kusikila mangolezya.
27 #
Dt 21:23; Jos 8:29 Lino izuba nilyakabbila, Joshua wakalailila kuti babaangule mumisamu, nkabela bakabasowela mumpangala mumonya mubakayubide, alimwi bakalundika mabwe mapati amulyango wampangala. Mpaacili asunu.
Joshua mbwaakazunda minzi minjiminji
28 #
Jos 6:21
Mubuzuba obo Joshua wakazunda munzi wa-Makeda, wakausaazya ipanga, amwami wawo, Wakanyonyoona munzi abantu boonse ibakali mumo, taakwe naba omwe ngwaakasia, alimwi wakacitila mwami wa-Makeda mbubonya mbwaakacitila mwami wa-Jeriko.
29 #
Jos 15:42; 21:13; 2 Bam 8:22; 19:8 Lino kuzwa ku-Makeda Joshua wakazubuka aba-Israyeli boonse kuya ku-Libina, Bakalwana a-Libina, 30nkabela Jehova wakauaba mumaanza aaba-Israyeli, amwami wawo. Wakasaazya munzi apanga, abantu boonse ibakali mumo, taakwe naba omwe ngwaakasia, alimwi wakacitila mwami wawo mbubonya mbwaakacitila mwami wa-Jeriko,
31 #
2 Bam 14:19; Mik 1:13 Lino kuzwa ku-Libina Joshua wakainda aba-Israyeli boonse kuya ku-Lakisi, bakayaka zilao zyabo nkukonya kuti baulwisye. 32Elyo Jehova wakaaba Lakisi mumaanza aaba-Israyeli, nkabela wakauzunda mubuzuba bwabili, akuusaazya ipanga, abantu boonse ibakali mumo, mbubonya mbwaakacita ku-Libina,
33 #
Jos 16:3,10; Bab 1:29; 1 Bam 9:16,17; 1 Mak 20:4 Mpawo Horamu mwami waku-Gezeri wakainka kuyoogwasya Lakisi, pele Joshua wakamuzunda abantu bakwe mane teekwakasyaala muntu naba omwe,
34Elyo Joshua aba-Israyeli boonse bakainda kuzwa ku-Lakisi kuya ku-Egiloni, bakayaka zilao zyabo nkukonya oko kuti baulwisye. 35Nkabela bakauzunda mubuzuba obo, akuunyonyoozya ipanga, abantu boonse ibakali mumo wakabamaninizya mubuzuba obo, mbubonya mbwaakacita ku-Lakisi,
36 #
My 13:22; Jos 14:13; 15:13; Bab 1:10; 2 Sam 5:1,4 Elyo kuzwa ku-Egiloni Joshua wakainka aba-Israyeli boonse, kuya ku-Hebroni kuyooulwanya. 37Nkabela bakauzunda akuusaazya ipanga, amwami wawo aminzi yawo abantu boonse ibakali mulinguwo. Teewakasia muntu naba omwe, pe, wakaucitila mbubonya mbwaakacitila Egiloni. Wakaunyonyoona abantu boonse ibakali mulinguwo.
38 #
Jos 15:15; 21:15; Bab 1:11,15 Lino Joshua wakapiluka, aba-Israyeli boonse, kuya ku-Dibiri kuyooulwisya. 39Nkabela wakauzunda, amwami wawo aminzi yawo, wakabajazya ipanga, nkabela bantu boonse ibakali mumo wakabanyonyoona mane teekwakasyaala muntu naba omwe, Wakacitila Dibiri amwami wawo mbubonya mbwaakacitila Hebroni, ambubonya mbwaakacitila Libina amwami wawo.
40 #
Jos 15:21-63; 19:1-8; Kul 23:31-33; 34:12; Dt 7:2; 20:16,17 Mbuboobo Joshua mbwaakazunda nyika yoonse. Wakazunda cisi cazilundu acimpayuma cakumusanza atulundulundu aminkuni, abami bazyo boonse, Teewakasia muntu naba omwe, Wakanyonyoona boonse buyo ibakali kuyoya muzilundu, mbubonya Jehova Leza wa-Israyeli mbwaakalailila, 41#My 13:17,26; 32:8; Matl 10:19; Dt 2:23; Bab 16:1; Am 1:6; Zef 2:4; Zek 9:5; Inc 8:26; Jos 11:16Nyika yoonse Joshua wakaisaala kuzwa ku-Kadesi-Barinea kusikila ku-Gaza, acisi coonse ca-Goseni mane kusikila ku-Gibeoni. 42#Int 44:2; 80:8; Is 43:4Bami aba boonse anyika yabo Joshua wakabazunda lweendo lomwe, nkaambo Jehova Leza wa-Israyeli wakali kulwida ba-Israyeli, 43Mpawo Joshua wakapiluka abana ba-Israyeli boonse kuzilao nkubakakede ku-Giligala.
Currently Selected:
Joshua 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.