Joshua 8
8
Munzi wa-Ai mbuwakazundwa
1 #
Dt 1:21; 7:18; 31:8; Jos 1:9; 2:11; 6:2; Int 44:3 Lino Jehova wakaambila Joshua kuti, Utayoowi nikuba kukankama. Kotola basilumamba boonse, munyamuke kuya ku-Ai, Bona! Mwami wa-Ai abantu bakwe ndabaaba mumaanza aako, amunzi wakwe anyika yakwe, 2#Jos 6:21; Dt 20:14Uyoocitila munzi wa-Ai amwami wawo mbubonya mbuwakacitila munzi wa-Jeriko amwami wawo; pele zisaalo zyawo aŋombe zyawo mulalibwezela nubeni, Amubike basikuyuba kusule lyamunzi. 3Mpawo Joshua wakabuka, abasilumamba boonse, kuti banyamuke kuya ku-Ai, Nkabela Joshua wakasala bantu bali zyuulu zili makumi otatwe, baalumi basintaze, wakabatuma masiku, 4#Bab 20:29; 2 Mak 13:13wakabalailila kuti, Amubone! Inywe muleelede kuyuba kusule lyamunzi. Mutayi kule loko kuzwa kumunzi pe, Amulibambe nyoonse, 5#Bab 20:32Lino mebo abantu boonse mbendi abo tulaswena kufwaafwi kumunzi, pele nibayoozwa kutuswana mbuli mbubakasaanguna kucita, tuyoocija kumeso aabo, 6Bayooza bututobela mane tubatole kule kuzwa kumunzi, nkaambo bayooamba kuti, Batucija mbubonya mbuli kukusaanguna. Tuyoocija kuzwa kulimbabo, 7elyo inywe muleelede kubuka oko nkumuyubide, mujate munzi, nkaambo Jehova Leza wanu uyoouaba mumaanza aanu. 8#Jos 1:16; 2 Sam 13:28Lino mwamana buyo kujata munzi, amuutente amulilo. Kamucita mbubonya mbuli ijwi lya-Jehova. Amuswiilile mbundamulailila, 9Mpawo Joshua naakabatuma, bakaya kuyooyuba, bakalala akati ka-Beteli a-Ai, kumbo lya-Ai. Pele Joshua wakoona ayo masiku akati kabantu,
10 #
Matl 22:3; Jos 3:1; 6:12; 7:16; Int 101:8; 119:60; Muk 9:10; Jer 21:12 Lino nibwakaca, Joshua wakafuma, wakayobolola bantu, wakanyamuka walo abapati ba-Israyeli kumeso aabantu ba-Ai, 11Nkabela basilumamba boonse mbaakali abo bakanyamuka, bakaswena kufwaafwi kumunzi, bakayaka zilao zyabo kubbazu lyanyika ya-Ai. Kakuli mumpata akatikati kazilao zyabo akamunzi. 12#Matl 12:8; 28:19; Bab 1:22Mpawo wakabweza bantu bali mbuli zyuulu zyosanwe, wakababika mbuli basikuyuba akati ba-Beteli a-Ai, kumbo lyamunzi. 13Mbuboobo mbubakabamba bantu, basizilao kabali kunyika yamunzi, basikuyuba kabali kumbo lyamunzi. Lino Joshua wakoona ayo masiku akati kamumpata.
14 #
Bab 20:34; Muk 9:12; Mt 24:39,50; 1 Tes 5:1-3; 2 Pet 2:3 Elyo cifumofumo mwami wa-Ai naakabona, bantu bamunzi bakafwambaana kubuka, bakainka kuyoolwana aba-Israyeli, Wakainka walo abantu bakwe boonse, kubusena mbubabambide kunembo lyankanda, pele teebakezi kuti basikuyuba nkubali kusule lyamunzi. 15#Bab 20:36; Jos 15:61; 16:1; 18:12Mpawo Joshua abaIsrayeli boonse bakazundwa kumeso aabo, bakacija munkanda, 16#Kul 14:3,4; Int 9:16; Bab 20:31Nkabela bantu boonse bamumunzi bakaitwa kuti babatobele, Bakali kuya butobela Joshua, aboobo bakabatanya kule kuzwa kumunzi, 17Teekwakasyaala muntu naba omwe mu-Ai nanka mu-Beteli. Boonse buyo bakainka kuyootobela ba-Israyeli. Munzi bakausiya ulijulidwe, bakali kutobela ba-Israyeli,
18 #
Dt 7:23,24; 9:3; Jos 1:5; Jer 49:3 Mpawo Jehova wakaambila Joshua kuti, Tandabika isumo ndojisi mujanza lyako ku-Ai, nkaambo ndaaba munzi mumaanza aako, Lino Joshua wakatandabika isumo ndyaakajisi mujanza lyakwe, wakatondeka kumunzi. 19Nkabela mpawo basikuyuba bakafwambaana kubuka oko nkubakabede, bakazuzaana ndilyonya naakatandabika ijanza lyakwe, bakanjila mumunzi, bakausaala, bakafwambaana kutenta munzi mumulilo. 20Aboobo bantu ba-Ai nibakacebuka, bakabona kuti busi bwamunzi bulauntumuka kujulu. Elyo bakabula inguzu zyakucija kumabazu oonse. Nkabela abo bantu ibakacijide musokwe bakapiluka kuzooswanana abasikubatobela. 21Joshua aba-Israyeli boonse, nibakabona kuti basikuyuba balisaalide munzi, alimwi busi bwamunzi bulauntumuka kujulu, bakapiluka kuzoozunda bantu ba-Ai. 22#Lev 27:29; Dt 7:2; Job 20:5; Lk 17:26-30; 1 Tes 5:3Abeenzinyina ibakali mumunzi abalo bakazwa kuzoobalwanya, aboobo bana-Ai bakali akatikati kaba-Israyeli, bamwi bakali kumwi kubbazu, abamwi bakali kumwi kubbazu. Bakabazundisya, mane teebakabasiila muntu naba omwe iwakasyaala nanka kuloboka. 23Alakwe mwami wa-Ai bakamujata ucili muumi, akumuleta kuli-Joshua.
24Lino ba-Israyeli nibakamana kujaya bana-Ai boonse musokwe, mumonya munkanda mubakabatobelede, bamane buyo kuwisigwa apanga akutasyaala muntu naba omwe, ba-Israyeli boonse bakaboola ku-Ai akuunyonyoona apanga, 25Nkabela boonse ibakajayigwa obo buzuba, baalumi abanakazi, bakali zyuulu zili ikumi azibili, nkukuti bantu boonse ba-Ai. 26Joshua teewakaboozya ijanza lyakwe ndyaakatandabisya isumo mane wakamaninina kunyonyoona bantu boonse ba-Ai, 27#My 31:22,26; Mt 20:15Pele iŋombe azisaalo zyamumunzi, ba-Israyeli bakazibweza beni, mbubonya mbuli Jehova mbwaakalailila Joshua. 28#Dt 13:16; 2 Bam 19:25; Is 17:1; 25:2; Jer 9:11; 49:2Nkabela Joshua wakatenta Ai, kwakasyaala inkalaya, matongo buyo mazuba oonse, mbuucibede asunu. 29#Jos 10:26,27; Int 107:40; 110:5; Dt 21:23; Jos 7:26; 10:27; 2 Sam 18:17Alimwi mwami wa-Ai, wakamwaanzika amusamu mane kusikila kumangolezya, elyo izuba nilyakabbila, Joshua wakalailila kuti bagwisye mutunta wakwe kumusamu, nkabela bakausowa kumulyango wamunzi, akulundika atala lyawo cilwi cipati camabwe. Mpocicili asunu.
Mbubakayaka cipaililo kucilundu ca-Ebala
30 #
Dt 27:2-8; Matl 8:20; 12:7,8; Kul 20:24 Lino Joshua wakayakila Jehova Leza wa-Israyeli cipaililo mucilundu ca-Ebala. 31#Kul 20:25; Dt 27:5,6; Kul 20:24Wakaciyaka mbubonya mbuli Musa mulanda wa-Jehova mbwaakalailila bana ba-Israyeli, mbuli mbukulembedwe mubbuku lyamulao wa-Musa, nkukuti cipaililo camabwe aatabezedwe, muntu ngaatana kubamba-bamba acibulo cakwe. Alincico mpobakali kupailila Jehova zipaizyo azituuzyo zyakutontozya. 32#Dt 27:2,8Alimwi mponya awo amabwe wakalemba ciindululo camulao wa-Musa, ngwaakalemba kumeso aaba-Israyeli. 33#Dt 11:29; 27:11-14; 31:9,12,25; 1 Mak 15:11-13; Lev 24:22; My 15:16Lino ba-Israyeli boonse, abapati abasilutwe ababetesi babo, bakaliimvwi kubbazu akubbazu lyabbokesi kunembo lyabapaizi ba-Levi basikuyumuna ibbokesi lyacizuminano ca-Jehova. Banacisi abeenzu boonse bakacita obo, Cisela cimwi kaciimvwi kunembo lyacilundu ca-Gerizimu, acisela cimwi kaciimvwi kunembo lyacilundu ca-Ebala, mbubonya Musa mulanda wa-Jehova mbwaakalailila, kuti bataangune kulongezya bantu ba-Israyeli, 34#Dt 31:11; Neh 8:3; Dt 29:20,21; 30:19Elyo wakabala majwi oonse aamulao, majwi aakulonjezya amajwi aakutuka, oonse aalembedwe mubbuku lyamulao. 35#Dt 31:12; Kul 12:38; Zek 8:23Katakwe ijwi niliba lyomwe akati kamakani Musa ngaakalailila ndyatakabala Joshua kumeso aambungano yaba-Israyeli abanakazi abana abeenzu mbebakeenda abo.
Currently Selected:
Joshua 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.