Joshua 11
11
Joshua mbwaakazunda bami bakunyika
1 #
Bab 4:2; Int 2:1,2; 83:1-18; Jos 10:3; 19:15 Elyo jabini mwami wa-Hazori, naakamvwa makani, wakatumina Jobabi mwami waku-Madoni, amwami waku-Simironi, amwami waku-Akasafu, 2#My 34:11; Jos 17:11; Bab 1:27; 1 Bam 4:11abami ibakali kukala muzilundu zyakunyika, abaabo ibakali munkanda yakubbazu lyamusanza lya-Kineroti, amutulundulundu, amunyika indamfu yaku-Doro kumbo, 3#Bab 3:3; Jos 13:11; Matl 31:49; Bab 20:1; 21:5,8; 1 Sam 10:17; 1 Bam 15:22ba-Kanana bakujwe abakumbo, ba-Amori, ba-Hiti, ba-Perizi, aba-Jebusi bakuzilundu, aba-Hivi bamunsi lyacilundu ca-Herimoni mucisi ca-Mizipa, 4#Matl 22:17; 32:12; Bab 7:12; 1 Sam 13:5Nkabela bakazwa boonse abami babo, bantu banji loko mbuli musee wamunkomwe yalwizi, ambizi ankalaki zinji loko. 5Aba bami boonse bakabungana, bakeza kuzookala-kala kudambwa lya-Meromu kuti balwisye ba-Israyeli.
6Lino Jehova wakaambila Joshua kuti, Utabayoowi pe, nkaambo junza mbuli eno njoobaaba boonse bajayidwe kale kubusyu bwaba-Israyeli. Imbizi zyabo mulazilemanya, ankalaki zyabo mulazitenta mumulilo. 7Mpawo Joshua abasilumamba boonse mbakali abo bakabasikila cakutazibwa kudambwa lya-Meromu, bakaliwaala alimbabo. 8Elyo Jehova wakabaaba mumaanza aaba-Israyeli, nkabela bakabazunda akubatanda mane kusikila ku-Zidoni mupati, aku-Miseripotu-Maimu akumumpata wa-Mizepe uuli kujwe, akuya bubajaya mane teekwakasyaala muntu naba omwe. 9Nkabela Joshua wakabacitila mbubonya Jehova mbwaakamulailila. Imbizi zyabo wakazilemanya, ankalaki zyabo wakazitenta mumulilo.
10Lino kuciindi eco, Joshua naakaboola, wakazunda Hazori, amwami wawo wakamujazya ipanga, nkaambo kumatalikilo cisi caku-Hazori kacili cipati akati kazisi ezi zyoonse. 11Abantu boonse ibakali mumo bakabajazya ipanga, akubanyonyoona. Teebakasia muumi naba omwe, pe, alimwi munzi wa-Hazori bakautenta mumulilo, 12#My 33:52; Dt 7:2; 20:16,17Nkabela minzi yoonse yabami aba Joshua wakaisaala, abami bayo boonse. Wakabajazya ipanga akubanyonyoona, mbubonya mbuli Musa mulanda wa-Jehova mbwaakalailila. 13Pele minzi iyakayakidwe atala atulundu ba-Israyeli teebakaitenta pe, cita Hazori ulike Joshua ngwaakatenta. 14Lino zisaalo zyaminzi eyi, aŋombe, bana ba-Israyeli bakalibwezela zyoonse, pele boonse bantu bakabajazya ipanga akubanyonyoona mane teekwakasyaala naba omwe muumi. 15#Kul 34:11; Dt 7:2; Jos 1:7Mbuli Jehova mbwaakalailila Musa mulanda wakwe, alakwe Musa mbwaakalailila Joshua, mbubonya obo Joshua mbwaakacita. Teewakaleka ijwi niliba lyomwe akati kamakani oonse Jehova ngaakalailila Musa,
16 #
Jos 12:8; 10:41 Aboobo Joshua wakazunda nyika eyi yoonse, cisi cazilundu, acoonse cimpayuma cakumusanza, acisi coonse ca-Goseni, atulundulundu, acisi ca-Araba, azilundu zya-Israyeli atulundulundu twazyo, 17#Jos 12:7; Dt 7:24kuzwa kucilundu ca-Halaki munzila iiya ku-Seiri mane kusikila ku-Baala-gadi mumumpata wa-Lebano munsi lyacilundu ca-Herimoni. Abami babo boonse wakabajata, wakabauma akubajaya. 18Ciindi cilamfu Joshua wakali kucita inkondo abami aba boonse, 19#Jos 9:3,7Katakwe munzi nuuba omwe iwakatangana mulongo abana ba-Israyeli, cita ba-Hivi balike ibakakede ku-Gibeoni, Yoonse buyo bakaizunda munkondo. 20#Dt 7:16; Kul 4:21; Dt 2:30; Bab 14:4; 1 Sam 2:25; 1 Bam 12:15; 22:20-23; Rom 9:18; Jak 1:13-17; Dt 20:16Nkaambo makani akazwa kuli-Jehova. Ngonguwe wakayumya myoyo yabo kuzoolwisya bana ba-Israyeli, kuti abafwidilizye, batafwidwi insoni, cita kunyonyoonwa, mbuli Jehova mbwaakalailila Musa, 21#My 13:22; Dt 1:28; 2:21; Jos 15:13,14; Bab 1:10; Jer 3:23Lino kuciindi eco nciconya Joshua wakaboola kuzoosaala ba-Anaki, kuzilundu aku-Hebroni aku-Dibiri aku-Anabi akumalundu oonse aa-Juda akumalundu oonse aa-Israyeli, Joshua wakabafwidilizya boonse aminzi yabo. 22#1 Sam 17:4; Jos 15:46Teekwakasyaala ba-Anaki mucisi cabana ba-Israyeli, cita mu-Gaza amu-Gati amu-Asidodo. 23#My 34:2; 26:53; Jos 14:15; 21:44; 23:1Mbuboobo Joshua mbwaakazunda nyika yoonse, mbubonya mbuli Jehova mbwaakaambila Musa. Joshua wakaiabila bana ba-Israyeli, kuti baivube. Mikowa yabo yoonse yakaabilwa. Elyo nyika yakalyokezya kulwana.
Currently Selected:
Joshua 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.