Isaya 32
32
Cilengano cabwami bwa-Mesiya
1 #
2 Mak 31:20; Int 7:1,2; Jer 23:5; Zek 9:9; Heb 1:8,9; Ciy 19:11 Amubone! Kuyooba mwami uuendelezya mubululami abasilutwe babeteka cakululama. 2Umwi aumwi uyooba mbuli macijilo aakulivuna kumuuwo aciyubilo cakucijila ciindi cakuwidwa imvula yamuyoba. Uyooba mbuli tulongalonga twamaanzi munkanda injumu, mbuli cenzule campangala impati munyika iikataazya. 3#Is 29:18Lino meso aabaabo babona taakooyoofwinyisigwa, amatwi aabaabo bamvwa ayooswiililisya. 4Moyo wamuntu uubinzya makani uyooswiilila luzibo, alulimi lwasicibebe luyoofwamba kwaamba cakuswiililika. 5Mufubafuba takooyooambwa limbi kuti watembaulika, alakwe sikweena takooyooambwa kuti ngumulemu. 6Nkaambo mufubafuba ulaamba bufubafuba, amoyo wakwe ulacita bubi, kuti acite masampu, aambe aa-Jehova zyakubeja, aimikwe uufwa inzala cilyo akukasya oyo uufwa nyota kunywa. 7Sikweena zibelesyo zyakwe nzibi. Ulayeeya makanze mabi kuti anyonyoone babombumyoyo amajwi aakubeja, nekuba kuti mubombumoyo ulaamba makani aaluleme. 8Pele mulemu nguuyeeya makanze aalemekeka, nkabela mpoonya awo amakanze aalemekeka mpayooima nji.
9 #
Am 6:1
Inywe nubanakazi baliibide, amubuke, muswiilile ijwi lyangu, Nubasimbi batalipenzyi amumvwe majwi aangu. 10Wamana mwaka akaindi buyo, muyookankama inywe nubanakazi batalipenzyi, nkaambo misaansa tiikooyootebulwa, tamukooyoojana micelo yabutebuzi pe. 11Amuyoowesye nubanakazi baliibide! Amukankame inywe nubatapengede! Amusamunune, mube acinswe. Amusame zisani zyamasaka muzikungu zyanu. 12Amulyuume azyamba zyanu cakulila myuunda mibotu amasaansa aazyala micelo. 13#Hos 9:6Anyika yabantu bangu ayoomena mamvwa amitubetube buyo. Ayoomena atala lyamaanda oonse aakukondwa mumunzi wabusekelezi. 14Nkaambo iŋanda yabwami iyoolekwa. Munzi uuli abantu banji uyooba itongo, Cilundu ca-Ofeli aŋanda yakulangilila, zyoonse ziyooba malyango aabanyama mazuba oonse mane kukabe kutamani. Ziyooba butelo bwambongolo zyamusokwe amacelelo aamatanga.
15 #
Int 104:30
Ayo makani ayooba mane lumwi tukatililwe Muuya kuzwa kujulu, elyo inkanda iyooba muunda wambolezi, awalo muunda wambolezi uyooyeeyegwa kuti ndusaka. 16#Zek 8:3Lino lubeta lubotu luyookala munkanda, abululami buyookalilila mumuunda wambolezi. 17#Int 72:2,3; Mik 4:4,5; Lk 2:14Nkabela milimo yabululami iyooba luumuno, acilenge cabululami ciyooba luumuno alusyomo lutamani. 18Bantu bangu bayookala mucikalilo caluumuno amumaanda aalusyemo amumasena aacilyokezezyo aakuliiba. 19#Zek 11:2Pele lusaka niluyootemwa kuyooloka civulamabwe, elyo kufwinsigwa munzi uyoofwinsigwa ncobeni. 20#Is 30:24Muli acoolwe inywe numubyala kumbali lyamaanzi oonse akutuma nkuko myeendo yabasune ayambongolo.
Currently Selected:
Isaya 32: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
