Isaya 31
31
Ba-Egepita tabasyomeki. Jehova nguugwasya
1 #
Dt 28:68; Ezk 17:15; Hos 11:8; Int 20:7; Dan 9:13; Hos 7:7 Maawe kulibaabo bainka ku-Egepita kuti bagwasigwe, akubika myoyo yabo kumabbiza Balasyoma inkalaki, nkaambo nzinji, abasimabbiza, nkaambo mbasinguzu loko, pele tabasyomi Uusalala wa-Israyeli nikuba kubika myoyo yabo kuli-Jehova. 2Pele ngumusongo alakwe. Uyooleta mapenzi, amajwi aakwe takonzyi kwaaboozya pe, Uyoobuka kukulwisya basizibi abaabo bagwasya basikucitabubi. 3#Int 9:20; Ezk 28:9Ba-Egepita mbantu buyo, tabali Leza pe, Imbizi zyabo njanyama buyo, tazili zyamuuya pe, Lino Jehova naazootandabika ijanza lyakwe, oyo uugwasya uyoolebwa, ayooyo uugwasigwa uyoowa. Bayooloba boonse antoomwe.
4Nkaambo mbuboobu Jehova mbwaandaambila. Mulavu naavuluma, asyuumbwa naandondoma mukulya kwakwe, nekuba kuti beembeli banji loko baitwa kukumulwisya, takonzyi kuyoowa ijwi lyabo nikuba kulibombya nkaambo kakuyobayoba kwabo. Mbubonya obo Jehova wamakamu uyooseluka kuzoolwisya atala lyacilundu ca-Zioni atulundu twaco. 5#Dt 32:11; Int 91:4Mbuli tuyuni tuuluka-uluka, Jehova wamakamu uyoovuna Jerusalemu. Uyooutabilila akuuvuna, uyooufwida luse akuufutula.
6 #
Hos 9:9
Amupiluke kulinguwe ngumwapapila cakwiinda, nubana ba-Israyeli. 7#1 Bam 12:30Nkaambo mubuzuba obo muyoosowa umwi aumwi zikozyano zyakwe zyansiliva azikozyano zyakwe zyangolida nzimulicitilide amaanza aanu aabubi. 8#2 Bam 19:35Lino mu-Asuri uyoowa, pele ipanga liti muwisye talili lyamuntu. Ipanga litali lyamuntunsi ndeliti mujaye. Uyoocija ipanga, nkabela basankwa bakwe bayootolwa kucibbalo. 9#Lev 6:13Indomba yakwe iyooinda cakuyoowa, abasilutwe bakwe bayoocija akusia kandembela. Mbuboobo mbwaamba Jehova, angonguwe uujisi mulilo wakwe mu-Zioni aciko cakwe mu-Jerusalemu.
Currently Selected:
Isaya 31: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
