Ezekieli 8
8
Cilengano cabantu mbubakomba mizimu myeenzu
1Lino mumwaka wamusanu aumwi, mumwezi wamusanu aumwi, mubuzuba bwasanu bwamumwezi, ndakalikede muŋanda yangu, abalo bapati ba-Juda kabakede kubusyu bwangu, nkabela ijanza lya-Mwami Jehova lyakandiwida mpoonya awo. 2#Dan 7:9; Ezk 1:27Lino ndakalanga, ndabona cili mbuli muntu. Kuzwa mbuli kucikungu cakwe kuya ansi koli mulilo, alimwi kuzwa kucikungu cakwe kuya kujulu kabekabeka mbuli mundalila wamunsaka. 3#Ezk 2:9; 11:1; Dan 5:5; 2 Bam 16:14; Jer 7:30; Dt 32:16; Kul 20:4Mpawo wakatandabika cili mbuli ijanza, wandijata acisusu cakumutwe wangu, nkabela muuya wakandinyampula akatikati kajulu anyika, wandisisya muzilengano zya-Leza ku-Jerusalemu kumanjililo aamulyango walubanza lwamukati uulangide kunyika. Nkukonya oko nkucakabede cuuno cacikozyano cabbivwe cibusya ibbivwe. 4#Ezk 1:28Nkabela bulemu bwa-Leza wa-Israyeli bwakaboneka nkuko, mbubonya mbuli cilengano ncindakabona mugundu.
5Lino wakandaambila kuti, O mwana amuntu, tambya meso aako kulubazu lwakunyika. Nkabela nindakatambya meso aangu kulubazu lwakunyika, ndakabona kuti oko kulubazu lwakunyika lwamulyango wacipaililo nkucakabede eco cikozyano cabbivwe kumanjililo. 6#Dt 31:16; 2 Mak 36:14Lino wakandaambila kuti, o mwana amuntu, sa wabona mbubacita? Sa wabona milimo iigambya iisesemya luzubo lwa-Israyeli njilucita okuno, kuti banditandile kule kuzwa kucikombelo cangu? Pele ulabona zintu zisesemya akwiinda ezi,
7Lino wandisisya kumulyango walubanza, nkabela nindakalanga ndakabona cipulo mubulambo. 8Lino wakandaambila kuti, O mwana amuntu, kwankwamuna omo mubulambo. Elyo ndakakwankwamuna mubulambo nkabela kwakaboneka mulyango. 9Mpawo wakandaambila kuti, Njila, ukabone milimo mibi iisesemya njibacita okuno. 10Lino ndakanjila, ndabona misyobo yoonse yabauka ayabanyama bayavula, azikozyano zyamizimu zyoonse zyaluzubo lwa-Israyeli, zilibezedwe abulambo koonse koonse. 11#2 Bam 22:8; Jer 26:24; My 16:17Kunembo lyazyo kwakaimvwi bantu bali makumi aali musanu aabili, bapati baluzubo lwa-Israyeli, alakwe Jazaniya mwana wa-Safani kaimvwi akati kabo. Umwi aumwi kajisi katentelo mujanza lyakwe, nkabela kwakali kulundumuka busi bwatununkilizyo. 12#Int 14:1; Is 29:15; Int 10:11Lino wakandaambila kuti, O mwana amuntu, sa wabona bapati baluzubo lwa-Israyeli mbubacita mumudima, umwi aumwi muŋanda yakwe yazifwanikisyo? Balaamba kuti, Jehova tatuboni pe, Jehova walekelezya nyika. 13Alimwi wakandaambila kuti, Ulabona zintu azimwi zigambya nzibacita, zintu zisesemya akwiinda ezi.
14Lino wakandisisya kumanjililo aamulyango waŋanda ya-Jehova uulangide kunyika, nkabela oko kwakabonwa banakazi balikede balalila Tamuzi. 15Wakandaambila kuti, Sa wabona, O mwana amuntu? Ulabona zisesemyo azimwi zibi akwiinda ezi.
16 #
Joel 2:17; Ezk 11:1; Jer 2:27; 44:17; Dt 4:19 Lino wakandinjizya mulubanza lwamukati lwaŋanda ya-Jehova, nkabela nkukonya oko kumulyango wantempele ya-Jehova, akatikati kalukonkono acipaililo, kwakabonwa bantu bakati be makumi obile amusanu bafutatide intempele ya-Jehova, balangide kujwe, balakomba izuba kujwe. 17#Ezk 9:9Elyo wakandaambila kuti, Sa wabona, O mwana amuntu? Sa ncintu ciniini buyo kuluzubo lwa-Juda kucita zisesemyo nzibacita okuno? Nkaambo atala lyazeezi bazuzya nyika luuni akundikalazya obo. Ncobeni bazuzya impemo zyangu kununka kwabo. 18#Ezk 5:11,13; Tus 1:28Nkaambo kako njoobacitila cabukali. Meso aangu taakooyoobafwida luse, nsikooyoobafwida luzyalo pe, Nekuba kuti bakwiila cakoongolola mumatwi aangu, nsikooyoobaswiilila pe.
Currently Selected:
Ezekieli 8: Ibbaib63
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
